ゆんたく物語

うちなあんじえ、新型（みい）コロナあ、いふぇえ、とぅるどおいぎさいびいん。
　やいびいしが、油断（ゆだん）のおないびらん。まあがなんかい、隠（くゎ）っきやあに、現（あら）わりらんうっぴがやらん分（わ）かやびらん。
　胴（どぅう）ぬあんまさてぃん、銭（じん）ぬ無（ね）えらな病院（びょうい）ぬんかい行（い）かん人（ちゅ）ん居（をぅ）いがすらん、また分からやびらん。
　また、何時（いち）が、本土（ないち）から、入（い）っち来（ち）ゅうらあん分かやびらん。うちなあとぅ本土え、海隔（うみふぃざ）みさっとおてぃん、人ぬ行（い）ち戻（むどぅ）みいや、何ぬうぬ、囲（かく）いんさってえ、無（ね）えやびらん。
　今日（ちゅう）や雨降（あみふ）い籠（ぐま）いどぅそおいびいる。世界（しけ）ぬあまくまんじ、さっとおるコロナ籠いとお変（か）わゆる筈（はじ）やいびいしが、下（しちゃ）ぬ琉歌（るうか）詠（ゆ）でぃ、うんな心地（しんち）、思寄（うみゆ）いしまた早（ふぇえ）く、事直（くとぅのお）いするぐとぅ、願（にが）てぃなあびら。
　
思寄（うみゆ）らん嵐（あらし）　コロナ吹（ふ）ち荒（しぶ）でぃ　家籠（やぐま）いしち居（ょ）てぃ　遊（あし）ぶ辛（ちら）さ

【語句】
うちなあんじえ、新型コロナあ＝沖縄では新型コロナは
いふぇえ、とぅるどおいぎさいびいん＝少しは、止まっているようです。
やいびいしが、油断のおないびらん＝だけど、油断は禁物です。
まあがなんかい、隠っきやあに、現わりらん＝どこかに潜み、表面化してない
うっぴがやらん分かやびらん＝だけかも知れません。
胴ぬあんまさてぃん、銭ぬ無えらな病院ぬんかい行かん＝体調不良でも金がなく病院に行かない
人ん居いがすらん、また分からやびらん＝人も居るかもしれません。
また、何時が、本土から、入っち来ゅうらあん分かやびらん＝また、何時本土から来るかもしれません。
うちなあとぅ本土え、海隔みさっとおてぃん＝沖縄と本土は海で隔ていても、
人ぬ行ち戻みいや、何ぬうぬ＝人の往来は何ら
囲いんさってえ、無えやびらん＝制限がありません。
今日や雨降い籠いどぅそおいびいる＝今日は雨で家に籠っています。
世界ぬあまくまんじ、さっとおるコロナ籠いとお＝世界のあちこちで実施されている外出制限とは
変わゆる筈やいびいしが、下ぬ琉歌詠でぃ＝異なるかも知れませんが、下の琉歌を詠んで、
うんな心地、思寄いしまた事直いするぐとぅ＝そのような（外出しない人たちの）心境を慮り、
また事直いするぐとぅ願てぃなあびら＝そして事態が改善終息するよう願いましょう。

琉歌
思寄らん嵐＝思いがけずやってきた嵐
コロナ吹ち荒でぃ＝新型コロナが吹き荒び
家籠いしち居てぃ＝家に籠りきりで
遊ぶ辛さ＝何もしない辛さよ　「遊ぶ」はここでは「仕事しない」という意味の文語連体形。琉歌等では韻数調整上、文語連体形することが多い。口語なら「遊ぶる」だが、同じく韻数上、必要なら口語連体形にすることもある。）