カテゴリ:カテゴリ未分類
あっさび!沖縄ぬ忌(ゆ)むコロナよ
うちなあぬ新(みい)コロナぬ移(うち)い様(よう)や、全国んじ16位なとおいびいん。亡(ま)あちょおるっ人(ちゅ)ん、3人なやあに、死(し)ぬる割合(わいええ)や全国ぬ均しやか上(うゐい)あがとおいびいん。 また、日本中(にふんじゅう)養生所(ようじょうどぅくる)ん、不足(ふすく)そおんでぃぬ事(くとぅ)やいびいしが、特(か)わてぃ、うちなあや、むさっとぅ不足そんでぃぬ事やいびいん。 くぬ頃(ぐる)、日本のお、実(じゅん)にあんしゅかあなあんでぃん、医療弱(よお)ばあ国(くに)やたがやあんでぃん、思(うむ)やびいしが、あん思てぃん、あったにましなゆるむぬんあらんあいびらん。 とぅかく、思(うみ)はまてぃ、新コロナとぅ闘(たた)からんでえないびらん。 息(いち)じらされえ、強当(つうあ)たいする兆(しるし)やんでぃぬ事。御総様(ぐすうよう)ん、根気(くんち)補(うじ)なやあに、また、ちゅふぁあら憩(ゆく)やあに、たんきみそおり。 琉歌 揃(す)りてぃくじゅみるな 睦(むち)りたっくゎるな 閉(く)いみちるな座(ざ)や コロナ枯(か)らし 人(ちゅ)頼(たる)がきてぃ歩(あっ)ち 人に縋(しが)てぃ生(い)ちち 他(ふか)に行(い)く道(みち)や 無(ね)らにコロナ 筆:比嘉清 【語句・訳】 ああ、いやなコロナよ。 沖縄の新コロナの感染状況は、全国16位になっています。亡くなられた方も、3人おり、至死率は全国平均を上回っています。 また、日本中、医療機関も不足しているという事ですが、特に沖縄はとても不足しているとの事です。 日本は本当に、これほどまでに、医療体制が脆弱だったのかと、思うこの頃ですが、そう思ったところで、急に改善されるものでもありません。 とにかく、頑張って、新コロナと闘う他はありません。 息苦しくなれば、重症化のサイインだとか。みなさま方も、体力を養い、そして十分な休養をとるようにしましょう。お大事に。 琉歌 揃りてぃくじゅみるな=寄り揃って密集するな 睦りたっくゎるな=睦ましく密着するな 閉いみちるな座や=部屋は密閉するな コロナ枯らし=コロナを干し枯らせ 人頼がきてぃ歩ち=人間を頼って移動し 人に縋てぃ生ちち=人間に寄生して生き 他に行く道や=他に生きる術は 無らにコロナ=ないのかコロナ 筆:比嘉清 お気に入りの記事を「いいね!」で応援しよう
Last updated
2021年12月23日 11時17分10秒
コメント(0) | コメントを書く |
|