|
|
|
2020年04月27日
カテゴリ：カテゴリ未分類
昔戻い寒さ
4月（しんぐゎち）ぬ下（しむ） なてぃぬくぬ寒（ふぃい）さよう。 真冬（まふゆ）ぬ寒さぬ如（ぐとぅ）どぅあいびいる。３週間余（あま）いびけん続（ちじ）ちょおいびいん。去（ん）じゃる冬お、却（けえ）てえ今（なま）やか、温（ぬく）さぬ、まるけえてえ、夏（なち）すがいする日（ふぃい）んあいびいたん。温世（ぬくゆう）やんでぃる言（い）ちゃる、何（ぬう）がなとおいびいらあ。 「むんじゅるう寒さ」んでぃん、あいびいしが、節（しち）え、なあけえ過（しり）とおいびいくとぅ、うぬ名（なあ）ぬ寒さんあいびらん。 今（なま）ぬ衣替（くるん）えや4月1日やいびくとぅ、若者（わかむぬ）ん達（ちゃあ）があ分（わ）からん筈（はじ）やいびいしが、１９７０年（にん）ぬ初（はじ）み頃迄（ぐるまで）え、学生生徒（がくしいしいとぅ）ぬ衣替えや五月（ぐんぐゎち）1日（ちいたち）やいびいん。うんにい迄、4月中（じゅう）や寒さたる覚（うび）いびいんたん。 やいびいくとぅ、今ぬ寒さあ、「昔戻（んかしむどぅ）い寒さ」んでぃちん、済（し）むのおあいびらに。 琉歌 若夏（わかなち）や目（み）ぬ前（め） あん寒さあしや 昔戻い寒（び）さ でぃがあい言（ゆ）ら。 衣替えぬ節 昔五月 今や4月 温世なやい 筆：比嘉清 【語句】 昔戻りの寒さ 4月の下旬になっても寒いことよ。 真冬の寒さのようです。３週間余ほど続いています。寧ろ去った冬の方が今より暖かく、時折、半袖をする日もありました。温暖化とはいえ、何がどうなっているでしょうか。 「むんじゅるう寒さ」というのもありますが、その季節はとっくに過ぎていますので、その名の寒さではありません。 今の衣替えは、4月1日ですので若者らは知らないかもしれませんが、１９７０年の初め頃迄は、学生生徒の衣替えは五月1日でした。その頃迄は、4月いっぱいは寒かった記憶があります。 ですから、今の寒さは、「昔戻り寒さ」とっても良いのではないでしょうか。 琉歌 若夏や目ぬ前＝若夏は目前 あん寒さあしや＝なおも寒いのは 昔戻い寒さ＝寒さの昔戻り でぃがあい言ら＝と言うべきか。 衣替えぬ節＝衣替えの時期 昔五月＝昔は5月 今や4月＝今は4月 温世なやい＝温暖化ゆえに 注：「あい言ん」は「あん言ん（そのように言う）」からの変形で一部地方（与勝、糸満市新垣、旧石川市山城等）では「言ん」と同じ意味。 筆：比嘉清 お気に入りの記事を「いいね！」で応援しよう
Last updated
2021年12月23日 11時16分16秒
コメント(0) | コメントを書く |
|
