011540 ランダム
 HOME | DIARY | PROFILE 【フォローする】 【ログイン】

ゆんたく物語

2021年10月30日
XML
カテゴリ:カテゴリ未分類
クチャぬ話

 「くちゃ」あ「くちゃ」やてぃん、「庫下(くちゃ)=裏座」ぬ事(くと)おあいびらん。「黒土」ぬ話どぅやいびいる。
 昨日(ちぬう)ぬNHK(沖縄)、見(ん)ちょおいびいたれえ、首里城(うぐしく)ぬ瓦作(かあらづく)いぬ話(はなし)そおいびいたくとぅ、我(わあ)生(ん)まれジマぬなんべえい原(はる)んかい、まんどおたる事、思(うび)い出(ん)じゃさびたん。
 瓦ぬ材料とぅしちやか、「髪洗(からじあら)やあ」とぅしちぬ覚(うび)いぬどぅ強(ちゅう)さいびいる。店(まちや)んじん、ちゃんとぅ、紙(かび)なかい包(ちち)まっとおる「かみあらいこ」とぅしち、売(う)らっとおいびいたん。
 やいびいしが、あぬ原んかい、行(い)ちいねえ、いっちゃんだし、取(とぅ)らりいたくとぅ、店んじ、買(こ)うゆる人(ちゅ)お、いきらさたる筈(はじ)やいびいん。
 今(なま)あ、世(ゆう)んあい変(か)わてぃ、諸(むる)、シャンプーけえなてぃ、クチャ取いが行ちゅるっ人ん居(をぅ)らんなおとおいびいん。尤(むっとぅ)ん、あぬ原お、今(なま)あ、なんべえいから土(んちゃ)ぬ滑(し)んでぃてぃいかんねえし、壁普請(くびぶしん)ぬさっとおいびいくとぅ、取ららんなとおいびいしが…。あいびらん、取らってぃん、使あん筈やいびいしが…。
 やいびいしが、髪ぬ事、考えいねえ、何やましやいびいが。

琉歌
昔(んかし)に使(ちか)たる
髪洗(からじあら)いクチャ
今(なま)やシャンプーに
うち変(か)わてぃ

【語句、訳】
クチャの話

 「くちゃ」は「くちゃ」でも、「庫下(くちゃ)=裏座(寝室)」の事ではありません。「黒土」の話なのです。
 昨日のNHK(沖縄)の番組、視聴していましたら、首里城の瓦作りについて取り上げていましたので、我が故郷の斜面の原っぱに(クチャが)たくさんあった事を思い出しました。
 瓦の材料としてではなく、「髪洗い原料」としての記憶の方が強いです。店では、ちゃんとした紙で包装された「かみあらいこ」(商品名=白ツバキ?)として、売られていました。
 ですけど、その原っぱに行けば、ただで手に入るので、店で買う人は少なかったでしょう。
 今は、時代も随分変わり、すべてシャンプーになってしまい、クチャを取りに行く人は居なくなりました。尤も、その原っぱは、今は、斜面から土が崩れ落ちないように、防崩工事が施されていますので、クチャを取ることはできませんが…。いえいえ、取れても使わないでしょうけど…。
 でも、髪の健康のことを考えれば何が良いのでしょうか。

琉歌
昔、使った
髪洗いクチャ
今はシャンプーに
とり変わり






Last updated  2021年10月30日 13時15分30秒
コメント(0) | コメントを書く


PR

X

Calendar

Keyword Search

▼キーワード検索

Freepage List

Free Space

うちなあぐの書きことばの普及に役立てればと思ってはじめました。
よろしくお願いいたします。

Headline News


© Rakuten Group, Inc.