011542 ランダム
 HOME | DIARY | PROFILE 【フォローする】 【ログイン】

ゆんたく物語

2021年11月12日
XML
カテゴリ:カテゴリ未分類
先月(くたちち)え、衆議院ぬ札入(ふだい)りぬあいびいたん。
 札入りぬ末(すら)あ、総考(すうかんげ)え検(あらた)みとぅ、けえ、ああきてぃ、うぬ検み様や成(な)い崩(くず)りとおる風儀(ふうじ)やいびいたん。
 我傍(わあはた)んかい、総考え(すうかんげ)え検(あらた)みんでぃ、言(い)ちゃあに、毎(めえ)が毎日(めえにち)、あまくまかから、幾(いく)けぬん、電話ぬ来(ち)ゃあに、ふしがりやびらんたん。電話(でぃんわ)ぬ鳴(な)いぬかあじ、「あい、またんやさやあ」んでぃ、思(うむ)やあに、取(とぅ)らんばすんあいびいたん。家(やあ)ぬ中(なか)んじえ、逃(ふぃん)ぎ回(まあ)いんならんあい。
 今(なま)ぬ世(ゆう)や、携帯(きいてぃい)電話、スマホそうなむんぬ広(ふぃる)まやあに、固定電話(しぎでぃんわ)あ、いきらくなとおんでぃぬ事(くとぅ)やいびいん。特(か)わてぃ、若者達(わかむんちゃあ)や、固定電話あ、しぎらんらんようい、専(むっぱ)ら、スマホびけんどぅ使(ちか)とおんでぃぬ事やいびいん。
 あんすくとぅ、同(い)ぬ所(とぅくる)びけんかい、電話しん、真(ま)っ当(とう)ばな事お、検みららんばすおあいびらに。検み様(よう)、しい直(のお)しびちいやあいびらに。

琉歌
札入りぬ前(めえ)や
電話ちゃあ鳴いし
同ぬ用事(ゆうじ)でむぬ
取らん置(う)かな


【語句、訳】
 先月は、衆議院の総選挙がありました。
 選挙の結果は、世論調査とかけ離れて、世論調査に狂いが生じたようです。
 私の所にも、世論調査と称して。毎日のように、いろんな調査機関から、何度も、電話がかかってきて、大変でした。電話が鳴る度に、「ああ、又だ」と思い、取らなかったこともあります。家の中では逃げ回ることもできないし。
 現代は、携帯電話、スマホなどが普及し、固定電話は少なくなっているとのことのようです。特に、若者達は固定電話を設置せず、殆ど、スマホを使っているとのことです。
 なので、同じ所だけに、調査の電話を入れても、正確でちゃんとした世論調査は期待できないのではないでしょうか。世論調査方法はやり方を改める必要がないでしょうか。

琉歌
選挙前は
電話鳴り止まず
同じ用件だもの
取らないでおこうか






Last updated  2021年11月12日 14時37分37秒
コメント(0) | コメントを書く


PR

X

Calendar

Keyword Search

▼キーワード検索

Freepage List

Free Space

うちなあぐの書きことばの普及に役立てればと思ってはじめました。
よろしくお願いいたします。

Headline News


© Rakuten Group, Inc.