000000
HOME \| DIARY \| PROFILE	【フォローする】【ログイン】

ゆんたく物語

言語0

[カテゴリ未分類] カテゴリの記事

全136件 (136件中 1-50件目)

1 2 3 >

ぐすうよう、また、やあん、御行逢うがなびら。

ぐすうよう、くぬブログ思愛（うみがな）さくぃみそうち、いっぺえ、にふぇえでえびたん。　今（なま）ん、あんやいやさびいしが、長（なげ）えさ、書（か）かんたる事（くとぅ）ぬ多（うふ）さぬ、御無礼（ぐぶりい）なとおいびん。　民謡（ふぁあうた）、琉球音楽（うふぶし）ぬ事（くとぅ）ん書（か）ちゅんでぃそおいびいたるむんぬ、またくりん、書ちゆさびらな、重（かさ）に重（がさ）に御無礼なとおいびいん。　やあんや、思励（うみはま）らなんでぃ、思（うむ）とおびいん。　良（い）い年（とぅし）、迎（んけ）えてぃ、うたびみせえびり。筆：比嘉　清。　みなさま、このブログをご愛読いただき、ありがとうございました。　今も、なかなか、更新できずにいますが、この一年間はほんとうに長期間、更新できず、ご迷惑をおかけをしましたことを申し訳なく思っています。　民謡や琉球音楽に関する記事を書くことにしていましたが、これも今年はかなわず、重ね重ねお詫び申し上げます。　来年こそは、頑張ろうと思います。　みなさま、良いお年をお迎えください。筆：比嘉　清。

2024年12月31日

コメント(0)
うちなあぬ音

うちなあんかいや、うちなあくるぬ文化（ぶんくゎ）ぬあるむんやでぃち、思（うみ）やびいん。　特（かわ）てぃ、うちなあ音（にい）、細（くめ）えきてぃ、聴（ち）ちゃい、歌（うた）たいしいねえ、大和（やまとぅ）また外国（ぐぇえくく）ぬ音とぅん、変（か）わとおいびいん。　同（い）ぬうちなあ音やてぃん、昔大節（んかしうふぶし）から端歌（ふぁあうた）迄（までぃ）あい、また先島（さちしま）んかいや、先島くるぬ音んあいびいん。何（じ）るん、どぅく、うゐいりきさぬ如何（ちゃ）ぬ風儀（ふうじい）し、言（い）ち済（し）むらあ、分（わ）かやびらのおあしが、ちゅてえや、うぬうちなあ音ぬ事（くとぅ）、書（か）ちいちゃびらんでぃ、思（うむ）とおいびいいん。琉歌（るうか）　何処（ま）から湧（わ）ち出（ん）じたがうちなあぬ音やうぬ歌心（うたぐくる）や何（ぬ）に譬（たとぅ）ゆが筆：比嘉清。　沖縄には、独自の文化あるのだと、つくづく、思います。　特に、沖縄音楽をじっくり、聴いたり、歌ったりすると、本土のもまた外国の音楽とも違う味わいがあります。　同じ音楽でも、昔からの古典音楽から民謡迄あるし、また先島には、先島独自の音楽があります。どれも、とても面白く、どう言い表すしてよいのか分からないぐらいおです。　しばらくは、沖縄音楽について記述していこうかと、思います。琉歌　何処から湧き出てきたかおきなわの音楽はその歌心は何に譬えればよいのか筆：比嘉清。

2024年12月04日

コメント(0)
うちなあ風儀ぬ台風１０号

うちなあ風儀ぬ台風１０号　今（なま）、ヤマトゥんじ暴（あま）とおる台風（てえふう）１０号（ごう）や、八百悍（よおうす）まさいぎさいびいん。　大（ま）ぎさしん、弱（よお）んなあ、歩（あ）っちゅしん、淀（ゆどぅ）むしん、うちなあんかい来（ち）ゅうる台風（てえふう）風儀（ふうじい）やいびいん。また、戻（むどぅ）ゆる事（くとぅ）ぬあんでしん、うちなあ台風ぎさいびいん。　ただ、うちなあぬばあや島（しま）ぬ小（ぐ）まさくとぅ、上（あ）がてぃん、衰（うとぅ）るいやさびらんしが、ヤマトゥおまぎさくとぅ、一回（ちゅけん）、けえ上がいや、なあ、熱海（あちうみ）からぬエネルギー、喰（くゎ）ららんないいびいくとぅ、けえ衰いる他（ふか）あ無（ね）えやびらん。　ヤマトゥんうちなあ風儀けえ成（な）てぃが居（をぅ）いびいら。台風てぃらむぬお、前（めえ）や、うちなあんじよおんなあし、ヤマトゥんかい向（ん）かゆるばすお、さあらない飛（とぅ）ばあち行（い）ちゃびいたるむぬ…。琉歌今（なま）ぬ台風（てえふう）や精（そう）抜（ぬ）ぎてぃがやらうちなあやまとぅぬ別（びち）ん知らん文：比嘉清うちなあ的な台風１０号　現在、本土で暴れている台風１０号は、とても恐ろしいようです。　大きさも、ゆっくり進むのも、停滞するのも、沖縄に来る台風のようです。また、Ｕターンする事もあるとのことですがこれも沖縄台風的です。　ただ、沖縄は島が小さいので、上陸しても衰退してしまう事はないですが、本土は大きいので、一度、上陸してしまうと、もはや熱い海からのエネルギーを吸い上げる事ができませんので、衰える他は無いのです。　本土も沖縄化してしまったのでしょうか。台風たるものは、以前は、沖縄でのんびり過ごし、本土に向かうときは、さっさと、飛ばしていったものなのに…。琉歌今の台風は判断力を失ったのか沖縄と本土の違いも知らず文：比嘉清

2024年08月30日

コメント(0)
与勝ぬ劇場３

与勝ぬ劇場３（前からぬ続ち）　　与勝劇場ぬはねえちょおたるばすお、沖縄（うちなあ）ん、ようやく、いふぃえ、暮（く）らし方（かた）ん、ましなてぃちょおいびいたん。　大人（うふっちょ）お、軍作業（ぐんさぎょう）そおな仕口（しくち）んでえぬあやあに、手間（てぃま）ん取（とぅ）いねえなてぃちょおたおいびいたん。やいびいしが、自（どぅう）ぬ子（くゎ）んかいや、銭小（じんぐゎあ）、得（い）いらするゆちみえ無（ね）えやびらんたん。　あんし、童（わら）ん達（ちゃあ）や、ちゃあそおてぃん、映画（いいぐゎ、かあがあをぅどぅい）見（ん）じい欲（ぶ）しゃぬ、古金（ふるがに）とぅか酒瓶（さきびん）、拾（ふぃる）い集（ちゃめ）えてぃ、売（う）てぃ貯（たぶ）てえる銭（じん）し、見（ん）じいが行（ちゃび）たむぬやいびいん。　与勝劇場ぬ近（ちか）くんかい、又いいばす、「命〇」んでぃゆる酒垂（さきた）りいぬあいびいたくとぅ、童ん達や、いいくるうぬ酒垂いんかい瓶売いが行ちゃびたん。　今（なま）あ、劇場ん酒垂いん無えらんなてぃ、世（ゆう）んあいかわとおびいん。　我（わあ）が童ぬばす、見（ん）ちゃる映画や、「紅孔雀」、「笛吹童子」、「里見八犬伝」、「信州天馬〇？」、「宮本武蔵」、「しんご？十番勝負」、其（う）ぬ他（ふか）やびびいん。文：比嘉清。与勝ぬ劇場３（前からのつづき）　　与勝劇場が繁盛していた時代は、沖縄も、ようやく、少しは生活も豊かになりつつありました。　大人は、軍作業のような仕事にありつき、給料も入るようになっていました。ですが、子どもらに小遣いを呉れるゆとりはありませんでした。　だから、子供たちは、どうしても映画が見たくて、古金や酒瓶などを拾い集めて売り、貯めたお金で見行ったものです。　与勝劇場の近には、都合よく、「命〇」という酒造会社があったので、子供たちは、大抵その酒造会社に瓶を売りにいきました。　今は劇場も酒造会社無くなり、世の中も、激変してしまいました。　私が子供の頃に見た映画は、「紅孔雀」、「笛吹童子」、「里見八犬伝」、「信州天馬〇？」、「宮本武蔵」、「しんご？十番勝負」その他です。文：比嘉清。

2024年08月20日

コメント(0)
与勝ぬ劇場２

与勝ぬ劇場２（前からぬ続ち）　与勝んかい映画劇場ぬあたるばすお、沖縄（うちなあ）まじり、いいくる、諸（むる）、貧乏（ふぃんすう）どぅやいびいたくとぅ、なあ家庭家庭（ちねえぢねえ）んあたしえ、ラジョ―やただぬスピーカーびけんぬ有線親子ラジョーどぅやたい、ティリビえ、なあだ、無（ね）えらやびらんたん。　映画館やかぬゐいりき所（どぅくる）お、無えやびらんたん。やいびいくとぅ、大人（うふっちゅ）から童迄（わらびまでぃ）、銭（じん）持（む）っちょおる人（ちゅ）ん、持っちぇえねえらん人ん、夕（ゆう）さんでぃないねえ、映画館ぬ前（めえ）んかい揃（すり）とおいびいたん。　童え、当（あ）たい前（めえ）、銭や持っちぇえ居（をぅ）らんくとぅ、ちゃあしねえ、大人ぬ側（すば）なあから、抜（ぬ）ぎ走（ば）いし、入（ふぇえ）りんち行（い）ちゅる事（くとぅ）ぬないがんでぃゆる事びけえん、考（かんげ）とおいびいたん。　中（なか）ねえ、棒小（ぼうぐゎあ）ぬ先（すうら）んかい、やん糯（むち）付（ち）きやあい、キップ売（う）やあが、小便（しいばい）しいが行（ん）じょおる拍子（ひょうし）なかい、やん糯んかいキップたっ付（ち）きてぃ、盗（とぅ）らんでぃする童ん居いびいたん。筆：比嘉清。与勝の劇場２（前回からつづき）　与勝に映画館があった頃は、沖縄は全体的に貧しかったので、各家庭にあったのは、ラジオといえば、ただのスピーカーだけの有線親子ラジオでしかなかったし、テレビもまだありませんでした。　映画館の他に楽しい所はありませんでした。ですから、大人から子ども迄、金を持っている人も持ってない人も、夕方になると、映画館の前に集合したものです。　子供らは、当然、金は持っていないので、どうしたら、大人の隅からすり抜けて、入り込もうかとを真剣に考えていました。　中には棒の先にトリモチを付けて、キップ売りが、用を足しているスキを狙って、トリモチでキップをくっ付けて盗とうとする子供までいました。筆：比嘉清。

2024年08月12日

コメント(0)
与勝ぬ劇場１

与勝ぬ劇場１　昨日（ちぬう）ぬ琉球新報ぬ「まぼろし映画館」んでぃ言（ゆ）る欄ぬんかい「与勝の映画館」ぬ事（くとぅ）ぬ載（ぬ）とおいびいたん。　あいゆかん、あながちさぬさあらない、読（ゆ）なびたん。ただ、昔（んかし）ぬ資料（しりょう）びけん頼（たゆ）てぃ書（か）ちぇえる記事（ちじ）風儀（ふうじい）なてぃ、仕方（しかた）あ、成（な）らのおあびしいが、肝（ちむ）ふがん心地（くくち）やいびいん。　映画館や同（い）ぬ敷（しち）んかい二（たあ）ちあやてぃ、主（ぬうし）ん同（い）ぬっ人（ちゅ）やいびいたん。古（ふる）や、まるけえてえ芝居（しばい）んそおいびいたしが、新館（みいむん）や、アミリカ物（む）ぬん上映そおいびいたん。　夕（ゆ）さんでぃないねえ、軍艦マーチはじみ「別れの燈台」そうな流行（ふぇえい）歌、まぎく鳴（な）らちょおいびいたん。今（なま）あ近所迷惑（ちんじゅみいわく）やびいしが、うんにいぬ人達（ちゅんちゃあ）や、鳴物（ないむん）渇（があ）きどぅそおいびいたくとぅ、却（けえ）てえ、いしょうさどぅそおいびいたる。筆：比嘉清。与勝ぬ劇場１　昨日の琉球新報の「まぼろし映画館」という欄に「与勝の映画館」の事が取り上げられていました。　とても、懐かしく、一気に読んでしまいました。ただ、内容的に昔の資料だけ書いていることは、仕方ないとしても、物足りない感じがしました。　映画館は同じ敷地にニ館あって、主も同じ人でした。旧館はたまに沖縄芝居も上演したりしていましたが、新館では、アメリカ映画も上映したりしていました。　夕方になると、軍艦マーチはじめ「別れの燈台」等のような流歌をボリュームをいっぱい鳴らしていました。今は近所迷惑になりますが、当時の人々は、音楽に飢えていたので、むしろ、喜んでいたようです。筆：比嘉清。

2024年08月10日

コメント(0)
いちまでぃんコロナ世

いちまでぃんコロナ世　コロナ世（ゆう）や、実（じち）え、明（あ）きてえ居（をぅ）らんぎさいびん。　明きたしえ、「コロナぬ初（はじ）まい」どぅやいびいる。なあ、コロナウイルスお、地球（ちゅちゅう）ぬまあにん、居いどぅすくとぅ、今（なま）からあ、風邪とぅ同（い、ゆ）ぬむん、誰（たあ）が、何時（いち）何時（なんどぅちゃ）、幾回（いくけん）かかてぃん、当（あ）たい前（めえ）どぅやる、何（ぬう）んふぃるまさあ無えん世けえなとおいびいん。　ただ、風邪コロナとぅ変（か）わてぃ、かかいねえ、高熱（たかにち）ん出（ん）じゆい、後病（あとぅやんめえ）ん強（ちゅう）さいぎさいびいん。　やいびいくとぅ、平生（ふぃいじい）から、ちゃあ、たんきいそおちゅしえ、ましやんでぃ思（うむ）やびいん。人人間（ちゅにんじん）ぬ地球ん暮（く）らちょおるかじり、コロナウイルスぬ居らんにゅる事（くとぅ）お、じょうい、無（ね）えやびらん。　ただなあ、かかてぃん、負（ま）きらん体作（からたづく）いそおちゅる他（ふか）あ無（ね）えやびらん。琉歌コロナとぅぬ戦（いくさ）終（う）わてぃ今（なま）からや互（たげ）に生（い）ち勝負（すうぶ）体（からた）勝（まさ）らし　（一余い）筆：比嘉清。永遠にコロナ時代　コロナ時代は実は明けたのでないようです。　明けたのは「コロナの初まり」だったのです。もはや、コロナウイルスは地球に蔓延しているので、これからは、風邪同様、誰が何時、何回かかっても、何ら不思議ではない時代になっているようです。　ただ、風邪コロナと違い、かかれば、高熱が出、後遺症は強いようです。　ですから、日頃から、警戒し続けなければならいと思います。人類が地球で暮らす限り、コロナウイルスが消え去る事は、殆どないでしょう。　ひたすら、感染しても負けない体力作り（体調管理）をするしか手はないのです。琉歌コロナとの戦いも終わり　これからは共存して生き勝負どうか強い体を筆：比嘉清。

2024年07月26日

コメント(0)
ふしがらんあたいぬ暑さ

ふしがたんあたいぬ暑さ　去年（くぬ）ぬ夏（なち）ん、あいゆかん、暑（あち）さいびいたがい、今度（くんどぅ）ぬ夏（なち）ぬ暑さあ、ゆくん、ちじどぅやいびいる。実（じゅん）に、ふしがらんあたいぬ暑さやいびいん。　三年前（さんにんめえ）頃迄（ぐるまで）え、夏ぬ沖縄（うちなあ）や大和（やまと）やか涼（しだ）さんでぃち、「避暑地（あちさぬがありどぅくる）」んでぃまでん、言（い）らっとおたるむぬ、だあ、大和とぅ同（い）ぬ如（ぐとぅ）、暑くけえなとおいびいせえ。　くねえだ、ある座（ざあ）んかい入（い）っち直（ちゃあ）き、息（いいち）んならんあたい暑さたくとぅ、温度計（うんどぅきい）、見（ん）ちゃれえ、３６．６度（どぅ）なあんあいびたん。どぅまんぐとぅて、うぬ座から逃（ふぃ）んぎやびたん。　熱中症（にちまき）さんぐうとぅ、細（くめ）えきてぃ、考（かんげ）えらんとおないびらん。筆：比嘉清。防ぎ様がない暑さ　昨年の夏、ものすごく、暑かったけど、今年の夏の暑さはもっと、ひどくなっています。ほんとに、どうしようもない暑さです。　三年前頃迄は、夏の沖縄は本土より涼しいということで「避暑地」とまで言われていたのに、もう本土同様に暑くなってしまいました。　この間、ある部屋に入って直ぐに、息苦しいほど暑かったので、（備え付けの）温度計にめをやると、３６．６度もありました。慌てて、退室しまた。　熱中症にならないよう、細まえに対処しなければななりません。筆：比嘉清。

2024年07月23日

コメント(0)
ブログまた始みやびいん

ブログまた始みやびいん。　御主様（ぐしゅうよう）、長（なげ）えなとおいびん。　うさすまさ、暑（あち）さる中（なあか）、御頑丈（うがんじゅう）し、歩（あ）ちょおみせえびいがやあさい。　まる半年（はんにん）余（あま）い、都合（ちごう）ぬあてぃ、くぬブログ、投（ね）ぎとおいびいたたる事（くとぅ）、御詫（うわ）びうんぬきやびいん。　また、今（なま）から、書（か）ち押上（うやぎ）てぃ行（い）ちゃびいくとぅ、どうでぃん、ゆたさるぐとぅ、御願（うにげ）さびら。琉歌（るうか）　長（なげ）さ　止（とぅ）居（う）たるうちなあぐちブログまたん始（はじ）みゆる嬉（うり）さ勝（まさ）てぃ筆：比嘉清　　みなさん、お久しぶりです。　猛暑の中、お元気でいらっしゃいますか。　まる半年間以上も都合により、このブログを休んでいたことをお詫びいたします。　再開していく所存ですので、どうか、よろしくお願いいたします。琉歌　久しく止めていたうちなあぐち（沖縄語）ブログ再開する嬉しさも募るばかり筆：比嘉清

2024年07月09日

コメント(0)
書ち言葉とぅ話し言葉ぬ違えみ

書ち言葉とぅ話し言葉ぬ違えみ　言葉（くとぅば）ぬ書（か）ちい様（よう）とぅ合（ああ）ち、書ち言葉（くとぅば）とぅ話（はな）し言葉ぬ（ちげ）えみ違（ちげ）えみにちいてぃ、問（とぅ）うらりいる事（くとぅ）ぬ多（うふ）くなてぃちょおいびいん。　「書ちい様やなあ銘々（めえめえ）ぬ勝手（かってぃ）し、しん済（し）むのおあらに」んでぃぬ意見（いちん）ぬんあいびいん。我（わん）くるん、ラインんじえ独風（どぅうふう）ぬ「ライン言葉」さあに、書ち楽（たぬ）しどおいびいん。やいびいんやあ、話し言葉うとおてえ、「相手（ええてぃ）んかい通（つう）じいんちょおんするむんやれえ」「自由（じゆう）」どぅやいびいる。やいびいしが、考（かんげ）えてぃ見（なあ）びらな。□話し言葉ぬ書ち様ぬかわとおるとぅくる（口（くち）し話しいし、耳（みみ）し聞（ち）ちゅる言葉）＝方言（ほうげん）ぬ丈（たき）。●話し言葉ゆライン、メモ、また何（ぬう）がな伝（ちて）えゆる為（たみ）なかい、「書ち物（むん）」とぅさんでえならんばすお、相手んかいちょおん通じいねえ、うりえ自由（じゆう）やいびいん。長音（ながうん）ぬんかい棒線記号（ぼうしんちごう）（－）、使（ちか）らわん、拗音（ゆううん）（小文字）、使ららわん、書ちゃあぬ勝手（かってぃ）どぅやいびいる。カタカナ、ローマ字（じ）ん、ましし、使ゆる人（ちゅ）ん居（をぅ）いびいん。当（あ）たり前（めえ）、「カキコトバ」言葉を使ゆる人また、居（をぅ）いびいん。●文法（ぶんぽう）や構（かま）やびらん（ちゃん投（な）ぎい）。語音（ぐいん）びけえや、大切（てえしち）に扱（あち）かとおいびいん。●方言（地方語、お国言葉、しまくとぅば等）や大概（てえげえ）、うんな風儀（風儀）なとおいびいん。□書ち言葉ぬかわとおるとぅくる（「読（ゆ）み書ち言葉」ぬ事（くとぅ）＝目（みい）し見（ん）ち分（わか）てぃ、読（ゆ）むる言葉）●一人一人（ちゅいなあちゅいなあ）ぬ都合（ちごう）やか、多（うふ）くぬ人（ちゅ）ん達（ちゃあ）んかい伝（ちて）えたい、言語（くとぅば）、習（なら）あちゃいさんでえならん事（くとぅ）から、うぬ書ちい様や型（かた）作（つく）らんでえないびらん。あんし、語（くとぅば）の成（な）い様、文法（ぶんぽう）ぬ事ん考えらんでえないびらん。うぬ為（たみ）なかい、語韻とお、いふぃえ、違（ちが）てぃ来（ち）ゃあびいしが、いいくる、別（びち）に語韻記号（ちごう）作たい、工夫（くふう）さいしそおいびいん。昔（んかし）からぬ大言語（うふくとぅば）ぬばあや、うん如（ぐと）おる書ち言葉、持（む）っちょおいびいん。●物書（むぬか）ちする事にゆてぃ、また語彙（くとぅばかじ）ぬ増（うゎあ）ち、行（い）ちゅい、文言（むんぐ）ぬん、整（とぅとぅ）ぬてぃ行（い）ちゅるむぬやいびいん。やいびいくとぅ、話し言葉びけんそおる人ん達にてえ、分からん所（とぅくる）ん多くなてぃ来ゅうる筈（はじ）やいびいん。●新聞（しんぶん）、雑誌（ぞうし）、学門（がくむん）ぬ文言（むんぐん）、小説（しょうしち）んでえぬ書ち物、教科書（ちょうくゎしゅ）んでえん使（ちか）あらっとおくとぅ、いいくる、話し言葉んまるちゅる力（ちから）ぬあいびいん。●独立（ちゅいだち）そおる言語（くとぅば）ぬばあや、大概、しいなさっとおいびいん。●やいびいくとぅ、上（うゐい）ぬ両（たあ）っちぬ違えみぬ、しかいとぅ、分（わ）かてぃ居（をぅ）らんでえ、書ち言葉ぬ書ちい様や、いっぺえ、やま切（ち）りやびいん。付記：沖縄語ぬばあや、上ぬ両ちぬ考え様ぬちゃんとぅさんまま、今（なま）になてぃ来ゃる事あてぃ、うぬ書ちい様やあいゆかん、やま切りとおいびいん。話し言葉ぬ書ち様ゆ纏みいねえ、うぬまま、「書ち言葉」とぅしち、成らにんでぃぬ声（くぃい）んあいびいしが、うりんまた、尻口（ちびくち）ぬ当（あ）たらん話（はなし）やいびいん。シマぬ毎（かあじ）に方言ぬあゆい、うり諸（むる）、一（てぃ）いちゃあなちい、纏みゆしえ、でえじな、難（むちか）しいむぬやいびいん。うりやか、今風儀（なまふうじい）んかい直（のお）ちぇえる昔ぬ文学（ぶんがく）ゆ枕（まっくゎ）とぅすしがどぅ、言（い）い入（い）りい易（や）っさんあい、理屈（りくち）んかい合（あ）たてえ居いびらに。筆：比嘉清書き言葉と話し言葉の違い　表記法と絡めて、書き言葉と話し言葉の違いについて、問われることが多くなりました。　「表記法は自由でよいではないか」という意見もあります。私自身、ラインでは独自の「ライン言葉」で表記して楽しんでいます。そう、話し言葉では「相手に通じさえすれば」という条件を満たせば「自由」なのです。そこで次の事を考えてみようではありませんか。□話し言葉表記の特徴（口で話し耳で聞く言葉）＝方言レベル。●話し言葉をライン、メモ、何らかの伝達等で「書き物」にしなければならない状況下にあっては、相手に通じさえすれば自由。長音に棒線記号（－）を使おうが、拗音（小文字）を使おうが書く人が決める事です。カタカナ、ローマ字も好み使う人もいます。勿論、「カキコトバ」言葉を使う人もいます。●文法を気にしません（そっち除け）。発音が最優先されます。●方言（地方語、お国言葉、しまくとぅば等）はまさにそうのような感じで成っていまます。□書き言葉の特徴（いわゆる「読み書き言葉」のこと＝目で見て解釈し、読む言葉）●個々人の事情より、大量に伝達また言語教育することが目的であるあるため、その表記は様式化（パターン化）することが必要性があり、そして、その表記は語の構成、文法などが考慮されなければなりません。そのため、発音とずれますが、発音記号を別建にしたり、工夫を凝らして、カバーします。伝統的なメジャーな言語にはこのような書き言葉を持っています。●創作活動（目で解釈する世界）を通して、語彙が増え文が整います。したがって話し言葉だけにいる人にとって理解できない部分が増えます。●新聞、雑誌、学術論文、小説などの創作、教科書等に使われ、常に話し言葉に影響し、作用しています。●独立語の多くにおいては確立されています。●したがって、両者の違いを認識できない場合、書き言葉の大混乱をきたします。付記：沖縄語の場合は、上の両者の概念が区別や不明瞭のまま、推移してきたこともあり、表記法が大混乱しているのです。話し言葉の表記を統一的にすれば書き言葉になるかという疑問もありますが、それ自体が矛盾です。地域毎に方言があり、これらを統一的に纏めるのは難しいと思われます。それより、修整を加えた古典文学を基本にした方があるかに説得力があり合理的ではないでしょうか。筆：比嘉清

2023年12月29日

コメント(0)
あきよ！ワクチンよ！

あきよ！ワクチンよ！　やっとぅかっとぅ、新コロナんかい、けえ罹（か）かやびたん。去（ん）じゃる九月（くんぐゎち）ぬ初（はじ）みまんぐる話（はなしい）でえびる。　五月（ぐんぐゎち）ぬ下（しむ）まんぐるんじ、六回目（むけんみい）ぬワクチン打（う）っちゃるむぬやいびいしが、たった、三月（みちち）余（あま）いなかい、罹たるしいじやいびいん。　六回なあん、ワクチン打っちょおくとぅ、如何（ちゃあ）ん無（ね）えんがあらんでぃ、思（うむ）とおいびいたいしが、実（じゅん）に熱（にち）ん３８．５度（どぅ）なんん出（ん）じてぃ、さっくいん、すい、鼻（はな）ん放（ふぃ）やびたん。また物（むぬ）んまあくん無いえらな、いいくる、あんまさそおいびいたん。　病院（びょういん）んじ、医者（いしゃ）から、薬（くすい）ん４（ゆう）ちなあん持（む）たさってぃ、三日（みっちゃ）びけえや、口（くち）いっぺえ、薬臭（くすいかじゃ）そおいびいたん。薬飲（ぬ）だある詮（し）ぬん、あやい、四日目からあ、ましなやあに、物ん食（か）まりいんんねえなやびたん。　うぬ三～四日後（あとぅ）に、市から7回（ななけん）目ぬワクチンぬ案内（あんねえ）ぬ来（ち）ょおいたん。　あんし、市んかい、「今（なま）あコロナ罹かてぃ直（ちゃあき）どぅやくとぅ、三月後びけんじ、打ちん済（し）まびいみ」んでぃ、問（とぅう）やびたれえ、「あんしん済むん」んでぃぬ返事（ふぃじ）やびいたん。筆：比嘉清ああ！ワクチンよ！　やっと、ついに新コロナに罹かかってしまいました。去る九月の初めごろのことです。　五月の下旬に六回目のワクチン打ったのですが、たった三か月余で感染した次第です。　六回もワクチンを打ったのだから、大丈夫だろうと思っていたのですが、マジで熱も３８．５度も出て、咳は激しく、くしゃみのひどいものでした。また食事も美味しくなく、きつい状態でした。　病院で医者から、薬を四種も処方されて、三日ぐらいは、口中、薬の臭がしていました。薬の効き目があったらしく、四日目からは、よくなり、食事澪ちゃんととれるようになりました。　そうこうするうちに、三～四日後、市から7回目のワクチンの案内書が送られてきました。　そこで、市に「コロナの感染した間もないので、三月後に受けてもよいですか」と訊いたところ、「それで結構です」という返事でした。筆：比嘉清

2023年11月18日

コメント(0)
「意地ぬ出じらあ…」碑ぬ表記法

「意地ぬ出じらあ…」碑ぬ表記法　糸満（いとぅまん）ぬ白銀堂ぬ庭（なあ）んかい立（た）っちょおる碑（ふぃい）やいびいん。　うぬ碑んかい刻（ちざ）まっとおる昔（んかし）からある黄金言葉（くがにくとぅば）ぬ由来（ゆれえ）にちいてぃ語（かた）いねえ長（なげ）えくないびいくとぅ、今（く）ぬ暇（まあどぅ）お、措（う）ち、書（か）ちい様（よう）にちいてぃ、叫（あ）びてぃなあびら。　「出らあ」ぬ「出ら」や「出（じ）ゆん」ぬ未然形なやあに、「あ」や仮定、表する助詞なとおいびいん。やいびいしが、今風儀（なまふうじい）ぬ大概（てえげえ）ぬ書ち様、言（い）いどぅんせえ、ただ耳（みみ）し聞（ち）ち長音（長呼・伸ばし音）ぎさる語音（ぐいん）ちゃれえ、いいくる棒線印（ぼうしんじるし）なかいけえ書ちゅる風儀（ふうじ）(話し言葉表記）どぅけえなとおいびいくとぅ、うんなむぬんかい似（に）してぃ、書ちゅるむんどぅんやれえ、「出らー」んでぃけえないびいん。　あんないねえ、例（たとぅ）れえ、かいに『日本語沖縄語辞典』作（つく）ゆるばすに、「ば（わ）」（仮定助詞）ゆ沖縄語（うちなあぐち）んかい直（のお）するばす、「ー」んでぃち、表しいねえ、異風（いふう）なあやあびらんがあら。　古言葉（んかしくとぅば）からぬ流（なが）りぬ継（ち）がとおるむぬどぅんやれえ、うんな慣（なり）ん変（か）わとおたむぬやいびいしどぅ…。筆：比嘉清「意地ぬ出じらあ…」碑の表記法　糸満の白銀堂の庭に建つ碑文です。　この碑に刻まれている昔からある諺の由来について語ると長くなりますので、今回は、それはさておいて、その表記法について述べさせてもらいましょう。　「出らあ」の「出ら」は「出（じ）ゆん」の未然形で「あ」は仮定を表する助詞です。ですが、現代の大方の表記法つまり、ただ耳で聞いて長音（長呼・伸ばし音）と思しき語音は、殆ど棒線記号で表記（話し言葉表記）してしまうという習慣になってしまっていますので、それに準じて、表記すると、「出らー」となってしまいます。　そうなれば、例えば仮に『日本語沖縄語辞典』を編纂するとき、「ば（わ）」を沖縄語に訳する場合、「ー」などとなっていますが、変ではないのでしょうか。（まあ別の工夫はするのでしょうが…）　古語からの流れが引き継がれていたのなら、こういう今の（表記をめぐる）習慣も変わっていたであろうか…。筆：比嘉清　　　

2023年10月03日

コメント(0)
GHQと日本語表記

GHQとぅ日本語表記　戦後（いくさあとぅ）、日本（やまとぅ）ゆ掛（か）きたる米軍（びいぐん）GHQや、日本語（やまとぅぐち）ぬ表記（かちいよう）やまちぶいかあぶいしそおんでぃち漢字をはじみ仮名（かな）んちょうん、止（や）みらちローマ字んかい、けえ変（け）えらんでぃぬ考（かんげ）えんあたんでぃぬやいびいん。　当（あ）たり前（めえ）ぬ事（くとぅ）、日本（にふん）や、かわてぃ国語（くくぐ）んかい関（かが）なとおる教師（しんしい）達（ちゃあ）が固（くふぁ）撥（ば）にさあに、止（ゆ）しみらちゃんでぃぬ事やいびいん。　昔（んかし）からある日本語ぬ使（ちけ）えとぅ何（ぬう）ん関（かが）なてぃ来（ち）ぇえ居（をぅ）らんたる第三者風儀（でえさんじゃふうじい）ぬ考えやたる丸（まる）ちゃあ目論見（むくるみ）や崩（くず）りたるしいじやいびいん。ベトナムんでえや漢字止（や）みやびたしが、うぬ事ん長（なげ）えさフランスぬ囲（かげ）え内（うち）やたる事んあやあに、自（どぅう）なあたあ昔からぬ文化たやんでぃぬ考ん弱（よお）てぃが居たらあん分（わ）かやびらん。　中国（ちゅうぐく）漢字ぬ胴易（どぅうやし）く成ちゃしえ伝統（んかしからぬふうじ）ゆ、なんぞお見（ん）だん共産党一党独裁ぬ下（むとぅ）んじさったるむぬどぅやいびいる。なあ言葉（くとぅば）言葉ぬ書（か）ちい様（よう）変（け）えたんでぃぬ事お、うん如（ぐと）おる事情（じじょう）んあいびいくとぅ、能（ゆ）う考えらんでえないびらん。　　　沖縄語（うちなあぐち）うとおてぃんカタカナ表記法（かちいよう）ぬ「有識者」から叫（あ）びらっとおいびいしが、うぬ必要（いりゆう）やちゃぬあたいあびびいがやあ。沖縄（うちなあ）や昔物（んかいむん）ゆ可惜（あたら）ささん独裁体制ぬ下んかいあるわきんあらな、外国（ゆすぐに）なかいかきらっとおるわきんあいびらん。強（し）いてぃ言（い）いねえ、日本（やまとぅ）にかきらってぃから、なあ１５０年（にん）びけえ経（ふぃ）とおる事がやいびいら。　またむし、沖縄語表記（うちなあぐちかちいよう）がまちぶいうかあぶいそんでぃぬ考えぬあるむんｄぉうんやれえ、今迄（なままでぃ）、沖縄語ぬ書ち言葉し来（く）らんたる立場（たちふぁ）からあ、あんやる筈（はじ）がやびいら。あんし、書ちい様、変えててぃ、ちゃんとぅなてぃ、行（い）ちゅるむぬがやいびいら。　当たい前、根（にい）、変えらんむんどぅんやれえ、「言文一致」んでえぬ必要やるいふぃぬ書ちい様ゆ胴易くする事、ゆたさんでぃ思（うむ）やびいん。まる平生（ふぃいじい）から沖縄語ぬ書ち言葉、そおる人（ちゅ）ん達（ちゃあ）やあん思（うみ）やびいしが、あねえあらん人ん達や根（にい）からけえ変（け）えらんでぃするぬむがやいびいら。　今迄、言ちゃる事、繰（く）い返（け）えさびいしが、童達（わらんちゃあ）や習（なら）あしなむんどぅやいびいる。比嘉　清GHQと日本語表記　戦後、日本を占領した米軍は日本語の表記を煩雑であるとして漢字をはじめ仮名さえ廃止しローマ字化さえも考えにあったとされます。　勿論、日本側はとくに国語教師などを中心に猛反発し、撤回させたとのことです。日本語の伝統と実践のついて、実践と無関係な第三者的目線による占領者の目論見は頓挫したのです。ベトナム等は漢字を廃止ましたが、長年フランスの植民地だったこともあって、伝統文化に対する抵抗力が弱まっていたことも一因でしょう。　中国の漢字の簡略化は伝統をそれほど重視しない共産党一党独裁の体制下で行われたのであり、各言語の表記法の変更はそうした歴史的背景（事情）を考慮する必要があるのです。　　　沖縄語でもカタカナ表記法が「有識者」から提唱されていますが、どれほどその必要性があるのでしょうか。沖縄は伝統を重視しない独裁体制下にあるわけでもなく、外国の植民地という位置にもありません。強いて言えば、日本の配下にあって１５０年ほど経ったことでしょうか（日本化されるのに十分な時間です）。また、もし、沖縄語表記が煩雑でとある認識されるのであれば、これまで、沖縄語で書き言葉の実践とはそれほど関わってこなかった立場からかどうかは分かりませんが、変更するする事でうまくのでしょうか。　勿論、根本を変更しなければ言文一致等の必要に応じたマイナーな表記の簡略化（様式化と進化）は当然、なされるべきです。日常的に沖縄語の書き言葉を実践している人はそう感じますが、そうでない人々は根本を変えようとするものなのでしょうか。　従来の主張をくり返しますが、子供は教育次第です。比嘉　清

2023年09月15日

コメント(0)
なあだぐとぅ、台風６号

糸満　8/4なあだぐとぅ、台風６号。　一回（ちゅけん）、来（ち）ゃる台風（てえふう）ぬまた、引（ふぃ）ち返（けえ）ち、来ゃしえ、ニ三度（にさんどぅ）あたる覚（うび）いにあいびいしが、あんし、長引（ながふぃ）ちゅうるうしそおる台風やなあだぐとぅやいびいん。　また、停電（てぃいでぃ）ぬん、三日余（みっかあまい）いなあん、続（ちぢ）ちゃしえ、くりんまた、なあだぐとぅやいびいん。暴風域（ぼうふういち）から抜（ぬ）ぎとおんでぃぬ事（くとぅ）やいびいしが、今（なま）ちきてぃ、外（ふか）んかい出（ん）じらりやびらん。　万事（ばんじ）やたるばすぬ風（かじ）ぬ強（ちゅう）さん、また悍（うす）まさいびいたん。強（ちゅう）ばあ風ぬばあや、必（かんな）じ、高音（たかおとぅ）ぬちゃあ鳴（な）いさびいしが、うんな音んまた、恐（うとぅ）るしむんやいびいん。　６号が一回、沖縄（うちなあ）から離（はな）りやあい、暴風雪警報（ぼうふうきいほう）ん、解（ふととぅ）かったる間（うゑえだ）なかい、買（こう）い物（むん）しいが、行（い）ちゃびたしが、停電故（ゆい）に三所（みとぅくる）お、閉（し）まてぃ、開（あ）ちょおる所ん、パン、かてぃむぬ棚（たな）あ、いっそうから、空（ん）ながらどぅやいびいたる。　だあ、停電どぅそおいびいくとぅ、冷（ふぃ）ずる水（みじ）しどぅ浴（あ）みやびたる。ティリビん見（ん）だらんくとぅ、何（ぬう）が何なとおらあ、むさっとぅ、分（わ）かやびいらんたん。　今あ、諸（むる）戻（むどぅ）てぃ、片心（かたくくる）許（ゆる）ちょおいびいん。はあなあ。文:比嘉清今までにない、台風６号。　一回、接近した台風が引き返して、再接近した例は、過去にニ三度はあった記憶がありますが、これほど、長引びいた台風は経験したことがありません。　また、停電も三日以上も続いたのは、これまた、前代未聞です。暴風域から抜けたとのことですが、今まだ、外には出られそうもありません。　ピーク時の風の強さと」いったら、それはもう、恐ろしいものでした。猛烈な風の場合は、必須で高音を伴い、それがずっと鳴り続けます。とても恐しい音です。　６号がいったん、沖縄から離れ、暴風雪警報も解除された間に、買い物に行きましたが、停電で三所は閉店していて、開店営業している店でも、パン、弁当棚は、片っ端から空でした。　それに停電ですから、浴びるのも冷水でした。テレビも見れないので、情報がなく、何がどうなっているのか、分かりませんでした。　今は復旧し、少しは安心しています。あああ。文:比嘉清

2023年08月06日

コメント(0)
音し分かゆん台風ぬ強さ

音し分かゆる台風ぬ強さ　台風（てえふう）２号（にごう）や、来（ち）ゅうる前（めえ）や、でえじなぬ大（ま）ぎいやんでぃち、音（うとぅ）ぬ立（た）っちょおたるむぬやいびいしが、とお、来、見（ん）ちゃれえ、暴風域（ぶうふういち）ん無（ね）えらんあい、気圧（ちあちん上（あ）がとおいびいたん。　実（じゅん）に大ぎ台風やれえ、掛（かか）とおる万事（ばんじ）ぬ風（かじ）ぬ音（うぬ）、はてぃるか、うすまさいいびん。風ぬ物（むぬ）叩（たた）ちゅる音お、ちゃっさぬ弱（よお）ばあ風やてぃん、怖（うとぅ）るさいびいしが、強（ちゅう）ばあ大風（うふかじ）ぬばあや、また、交響楽（こうちょうがく）ぬ弦楽器（ふぃちならさあ）ぬ鳴（な）らする「ヒュー」んでぃぬ高音（たかうとぅ）ん、いいくる、混（ま）んちょおいびいん。　実に、何（ぬう）んでぃん、言（い）ららん、はごおさる音やいびいしが、今度（くんどぅ）ぬ２号ぬばあや、うんな弦楽器ぬ音お、耳広（みみふぃる）みやい、聞（ち）ちん、むさっとぅ、聞かりやびらんたん。　まあにん、何事（ぬうぐとぅ）ん怪我（きが）ん無えらんたるくとぅ願（にが）やびら。琉歌空梅雨（んなちゆ）とぅ思（む）てぃどぅ来（ち）ゃみ台風二号誰（たあ）ん雨乞（あまぐ）いやし居（をぅ）らんむぬ音で分ゆる台風の強さ　台風２号は、来る前は、とても大型だと鳴り物入りでやってきたのに、いざ、来て見れば、暴風域は無く、気圧も上がっていました。　ほんとうに大型の台風なら、最接近したときの風の音は恐ろしいものです。物を叩く音は弱い台風でも怖いぐらいですが、強裂な風の場合は、交響楽の弦楽器の「ヒュー」という高音も混じります。　実に何とも表現できない不気味な音ですが、今回の２号の場合は、そんな弦楽器の音は、耳を澄ませて、聞いても、全く聞こえませんでした。　何所も、被害がなかったことを願います。琉歌空梅雨と思って来たのか台風二号誰も雨乞などしていないのに

2023年06月02日

コメント(0)
コロナ世ん明きてぃ

コロナ世ん明きてぃ　　コロナ世（ゆう）や収（うさ）まとおんでぃぬ扱（あち）けえやいびいしが、当（あ）たい前（めえ）ぬ事（くとぅ）、ある日（ふぃい）、境（さあけえ）とぅしち、収まいんでぃぬ事おあいびらん。　やいびいしが、人（ちゅ）てぃらむぬお、先（ま）じえ、切（ち）り端（ふぁ）作（つく）らんでえ、肝（ちむふぃ）がんむぬやら筈（はじ）やいびいくとぅ、良（い）い事おあいびらに。　くぬ四年（ゆにん）が間（ゑえだ）んなかい、あまくま、旅（たび）んしい欲（ぶ）しゃ、あいびいたしが、胴保（どぅうたぶい）ん、銭貯（じんたぶ）いなたんでぃ、思（うみ）れえ済（し）みいすいがすら。　ワクチンぬん、五回（けん）なあん、打（う）っち、また六回分ぬ案内（あんねえ）ん、来（ち）ょおいびいん。　何（ぬう）やらわん、嬉（うり）っさ、嬉（うり）っさ。琉歌１コロナ世（ゆ）ん明（あ）きてぃ遊（あし）ばりんとぅ思（み）ば嬉（うり）しさや勝（まさ）てぃ気張（ちば）らでむぬ琉歌２コロナ籠（ぐ）まい、はごお（歯痒）銭（じん）貯（たぶ）てぃ何（ぬ）すが胴（どぅ）保（たぶ）いぬ上辺（わあば）飛（とぅ）び鳥（とぅい）ならな　（一字余）　筆：比嘉清コロナ時代も終わり　　コロナも収まったとの扱いになったようですが、当前、ある日を境に収まるというものではありません。　ですが、人間たるものは、先ずは、物事にけじめを付けなければ、気が済まない性分ですの、それ自体は良い事でしょうか。　この四年間に、色んなところへ旅行もしたいと思っていましたが、体を休め、金を節約したと思えばよいのかどうか。　ワクチンも五回も打ち、さらに六回目の案内も来ています。　何はともあれ、嬉しいかぎり、琉歌訳コロナ時代も終わり自由になれると思えば嬉しさが増しやる気もまんまんと琉歌訳コロナで家籠りは気持ち悪いお金を節約して何になる身体を惜しむのは余計事飛ぶ鳥になりたい筆：比嘉清

2023年05月14日

コメント(0)
カタカナ表記と子供（子供は教育次第）

カタカナ表記とぅ童（童え習しなむん）　沖縄（うちなあ）んかい「童（わらび）え習（なら）あしなむん」んでぃぬ言葉（くとぅば）ぬあいびいん。「童え習あし様（よう）にゆてぃ、ちゃあでぃんなゆん」んでぃぬ積合（ちむええ）やいびいん。　県議会（きんじけえ）んかい寄（ゆ）しらっとおるうちなあぐちぬカタカナ表記（かちいよう）ぬ題目（でむく）や、童達（わらんちゃあ）がうちなあぐち勉強（びんちょう）しい易（や）しくする為（たみ）ぬむんやんでぃしん、うぬ理由（わき）ぬ一（てぃい）ちんでぃぬ事（くとぅ）やいびいん。　我（わん）ねえ、小学一年生（しゅうがくちにんしい）ぬ国語（くくぐ）ぬ宿題（しゅくでえ）、見（ん）じゅるばすんあいびいしが、思（うみ）いぬふか、細（くま）さいびいん。助詞（じゅし）「は」「を」ぬ使（ちけ）え方とぅ書（か）ちい様（さま）（発音）ぬ事迄（までぃ）ん、でえじな細（くま）さいびいん。「先生」にちいてぃ「せんせえ」とぅ「せんせい」ぬ何（じ）るが合（あ）たとおらあ選（い）らびんでぃぬむん迄ん、あいびいん。うちなあぐちぬ勉強ん、うん如（ぐと）おれえやんでぃ思（うむ）やびいん。　子供の「学習能力」は教え次第で大人が想像する以上に大きなものがあります。枕（まっくゎ）んちょお習あしいねえ、先生（しんしい）ぬ分（わ）からん難（むち）かさる所（とぅくる）お、「文脈」から生徒（わらび）が、なんくる習（なら）てぃ行（い）ちゃびいくとぅ、後々（あとぅあと）お先生ん超（くぃ）いてぃいちゃびいん。童ぬ勉強ぬ心配（しわ）あ、うゎあばな事どぅやい、カタカナ表記ぬ題目や。却（けえ）てえ、うちなあぐち習さあ達（たあ）ぬ力（ちから）ぬ事どぅ考（かんげ）えてえ居（をぅ）らにんでぃち疑（うたげ）え欲（ぶ）さくないびいん。　むとぅから、言語（くとぅば）ぬ表記（かちいよう）やうぬ言語使（ちか）とおる人（ちゅ）ん達（ちゃあ）ぬ思（うみ）とぅ肝持（ちむむ）からぬむんどぅやいびいる。どぅうくくるぬ表記法や他人（ちゅ）が真似（ねえび）する事頼（たる）がてぃん、決（ち）してぃ、押（う）しい付（ち）きいびちいやあいびらん。　むし、公儀（くうじ）んかいカタカナ表記ゆ持（む）ち上（あ）ぎゆるむんどぅんやれえ、「活動さあ」自（どぅ）なあくるぬカタカナ表記しちゃる経験（しからし）、元（むとぅ）とぅさあにて、しいびちやあいびらに。筆：比嘉清カタカナ表記と子供（子供は教育次第）　沖縄に「童え習あしなむん」という言葉があります。「子供は教育次第でどのようにもなる」という意味です。　県議会に提案されている沖縄語のカタカナ表記問題は子供が沖縄語を勉強しやすいためというのもその理由の一つになているようです。　私は小学一年生の国語の宿題（ドリル）をみる機会がありますが、想像以上に緻密です。助詞「は」「を」の使い方や表記（発音）まで細かいです。「先生」について「せんせえ」か「せんせい」か正しいものを選べ等のような類が網羅されています。沖縄語の学習もかくあるべきかな。　子供の「学習能力」は教え次第で大人が想像する以上に大きなものがあります。基本さえ学習すれば、教師も分からない難しい所は、「文脈」から生徒自ら学習していきますので、将来的には先生を上回るのです。子供の学習を想定したカタカナ表記論は、むしろ、沖縄語を教える側の能力に配慮しているのかと疑いたくなります。　そもそも、言語表記はその言語活動をしている人たちの価値観や感性からなされているものです。自身の表記法は他人が真似ることを期待はしても決して押し付けるべきではありません。　もし、公的機関にカタカナ表記の提案するにしても、「活動家」自らのカタカナ表記の実践経験を踏まえて、なされるきなのでばないでしょうか。　自身は実践しないが、他にそうして欲しいとの表記論は成立しえません。筆：比嘉清

2023年04月03日

コメント(0)
ことばと文化（文字が文化を創る）

くとぅばとぅ文化（文字が文化創ゆん）　文化（ぶんくゎ）ぬ根（にい）ぐいんかいあしえ言葉（くとぅば）どぅやいびいる。　言葉あ、まあんかいんあくとぅ、気（ちい）ぬ如（ぐと）おるむぬんやいびいん。家（やあ）んかい居（をぅ）いねえ、新聞（しんぶん）、チラシんかいある字（じい）ぬ見（ん）じゅい、ラジオ、テレビから耳（みみ）んかい入（い）っちちゃあびいん。テレビぬ画面（ぐゎみん））や、いいくる字んまんどおいびん。学校（がっこう）んかい行（い）ちいねえ、教科書（ちょうくゎしゅしゅ）ぬ字見じゅい、外出（ふかん）じしいねえ、看板（かんばん）とぅ案内札（あんねえふだ）んでえぬ字ぬ見いやびいん。今（なま）ぬ世（ゆう）ぬ暮（く）らしえ言葉し成（な）とおんでぃちん、言（い）過（くゎ）ああびらん。　あんし文化あ言葉から生（ん）まりやびいん。言葉あ、文化、ちゃあ作（つく）いそおいびいん。かあわてぃ「字てぃらむぬお言葉ぬ上勝（うゐいまさ）い」そおるむぬやい、「創作（物書ち、物語作いんでえ）」するたみねえ、無（ね）えんでえならんむぬやいびいん。言葉あ又字なかい、磨（みが）かりやびいん。　文化ぬ根ぐいんかいあしが言葉やれえ、またうぬ言葉ぬしいなし、押上（うやぎ）とおしえ字やんでぃ言ちん済（し）まびいん。今ぬ文化にとぅてえ、なあ字やぬ入用（いりゆう）なむんやいびいん。　むし、うちなあぐちゆ独立語（どぅうたちくとぅば）しち思（うむ）とおるむんどぅんやれえ、うちなあぐちん日本語（やまとぅぐち）とぅ同（い）ぬ如（ぐとぅ）、また同ぬ如、あらんでえ、日本語んかいうたあち、暮らし・色（いる）んな所（とぅくる）んかい、うちなあぐちぬぶったあくゎったあし溢（あん）でぃとおたる筈（はじ）やいびいん。うあいびいしが、今ぬ有様（ありさま）あ、大簫々（ううそうぞう）とぅそおいびいん。うちなあぐちえ病院（びょういん）ぬロビーとぅか御年寄（うとぅすい）ぬ人達（ちゅんちゃあ）ぬ揃（すり）ゆる所（とぅくる）ぬ他（ふか）あ聞（ち）ちゅる事お無えらんあい、字うちなあぐちん、見じゅる事をいいくる無えやびらん。また沖縄芝居（うちなあしばい）とぅか物語（むぬがたい）そうな番組ぬ字幕（じいまく）お、いいくる「通事さっとおる日本語」どぅやいびいる。　「うちなあぐちぬ継じ」ぬ積合（ちむええ）どぅやら筈やいびいしが、琉球（るうちゅう）文化ぬ根ぐいにゃいまたうぬ押上（うしゃ）ぎやたる伝統表記（んかしからぬかちいよう）ゆカタカナんかいけえ変（け）えらんでぃぬ動（んじゅ）ち走（は）いぬあいびいん。　今迄（なままでぃ）、いふぃえ、とぅるどおんでぃ言ちん、全国ぬ中んじん、くねえだまでえ、沖縄（うちなあ）やうちなあくるぬ民謡（ふぁあうた）ぬ作（つく）らりいる唯（ただ）一（てぃい）ちぬ地域（とぅくる）やいびいたん。　今から後（あとぅ）、ちゃぬゆうな、ちゃぬあたいぬ琉球文化、創（つく）らりやい、作家（つくやあ、かちゃ）達（たあ）がちゃぬあたいぬうぐち持（む）っち、文化創いんかい思励（うみはま）てぃ行（い）ちゅる事、望（ぬず）でぃ、伝統表記からうすまさ外（はん）でぃとおるカタカナ表記、持（む）ち上（あ）ぎとおるむぬがやいびいら。ふぃるまさぬないびらん。註：註：いつかのNHKの番組で「組踊孝行の巻」を原文字幕があったが、これこそがあるべき姿である。　筆：比嘉清ことばと文化（文字が文化を創造する）　文化の根底にあるのは言葉です。　言葉は至る所にあるので、空気のような存在でもあります。家にいれば新聞、チラシの文字を目にし、ラジオ、テレビで耳にします。テレビ画面にはまた文字も溢れています。学校に行けば、教科書の文字に触れ、外出すれば、看板や案内板で文字を目にします。現代人の生活は言葉で成り立っているといると言っても過言ではありません。　そして文化は言葉から生まれます。言葉は絶えず文化を生み続けているのです。とりわけ「文字は言葉の発展形」であり、創作に欠かせないものです。言葉は文字によって、磨かれます。　文化の根底にあるのが言葉なら、その言葉（発展した言葉）を支えているのは文字だとも言えます。もはや現代文化は文字を必要とします。　もし、沖縄語を独立語と認識されているのであれば、沖縄語も日本語同様あるいはそれに準じて生活・巷に沖縄語が溢れていることででしょう。しかし、現状はお寒い状況です。沖縄語は病院のロビーやお年寄が集まる場所以外に耳にする事はないし、文字沖縄語も目にする事は殆どなく、沖縄芝居や物語等でも字幕は殆ど「翻訳された日本語」だけです。註下　「沖縄語の継承」のためなのでしょうが、琉球文化の根底にありその担い手であった伝統表記をカタカナに変えてしまおうとする動きがあります。これまで、少し鈍化しているとはいえ、全国の中でも、近年迄、沖縄は民謡が作詞作曲され唯一の地域でした。　今後、どのような、どのレベルの琉球文化が創造され、作家らがどの程度の創作意欲がかきたてられることを期待して、伝統表記から逸脱したカタカナ表記を提言しているのでしょうか。註：いつぞや（最近の）NHKの番組で「組踊孝行の巻」を原文字幕で放送した事があったが、これこそがあるべき姿である。　筆：比嘉清

2023年03月29日

コメント(0)
カタカナ表記をめぐる諸問題

カタカナをめぐる諸問題（表記法は伝統表記を継承すべき）　　うちなぐちぬ書（か）ちい様（よう）にちいてぃ、うぬ書ち様が纏ま（まとぅ）まてえ居（をぅ）らん事（くとぅ）、なじきやあに、童達（わらんちゃあ）が分（わ）かい易（や）っさんねえしする如（ぐとぅ）、カタカナんかい纏みらんでぃそおる考（かんげ）えぬある風儀（ふうじ）やいびいん。　むとぅから、琉球語（るうちゅうぬくとぅば）ぬ表記（かちいうよう）うや、うむるすうし代（ゆう）から琉球文化（るうちゅうぶんくゎ）開（ふぃら）かちゃる組踊（くみをぅどぅい）口（ぐち）ぬ頃迄（くるまで）え、日本語（やまとぅぐち）とぅぬ関（か）かわいから、うぬ表記やいいくく纏とおたん（ちゅなあちゅいなあ受き持ち、作家（かちゃあ）ぬ毎（かあじ）ぬ違（ちげ）えみえあいびいたしが）。　後（あとぅ）になてぃ明治初期（みいじはじみ）ぬ県（きん、ちん）（みいや明治政府ぬ出先（ゆだ））や「琉球の言語を本土と同一たらしむる」事ゆモットーとぅさあに「標準語奨励」運動（うんどう）、みぐらちゃるむぬやいびいん。うぬ事故（ゆい）に、うちなあぐちが全（まっ）とうばに継（ｈち）ち行（い）ちゅる仕組（しくみ）ぬ壊（くう）さっさたるばすやいびいん。　カタカナ表記（発音びけんぬ考え）言（い）ちゃる人達（ちゅんちゃあ）や、まあや纏てぃ、まあが纏てえ居らが、またうえいえ何故（ぬうゆい）ややがんでぃゆる事んああち、沖縄語え独立（どぅうだち）言葉（くとぅば）どぅやみ、あらんでえただぬ「しまくとぅば」（日本語ぬ一方語）どぅやみ、また書ち言葉とぅうぬ型あ如何（ちゃあ）すがんでぃゆる事とぅぬ関いちゃあすんがんでぃぬ肝（きむ）ぬ見（み）いやびらん。むとぅあｋらカタカナ表記なかいさっとおる沖縄語活動やちゃぬあたいぬ実績（しからし）ぬあいがすたらんでぃぬ事とぅかにちいぃぬ検（あらた）みぬ無（ね）えらんでえ、くぬカタカナ表記ぬ事お、どぅくだら飛（とぅ）び強（ぢゅう）さい、だてぃん、し行（い）かなんでぃぬ思励（うみはま）い、さんむぬのあいびらに。また、胴易（どぅうやし）くけえさなんでぃぬ「逃（ぬ）ぎ」がやらんわかやびらん。　沖縄語ぬ復興（またうくし）や、うむるすうし、組踊あんし琉歌（るうか）ねえぬ「古典的部分（んかいからぬむん）」とぅ一体的（てぃいちなち）、しいびちいやい、古典とぅ切（ち）り離（はな）しちえ、実（じゅん）にぬ継（ち）じ道（みち）え無えやびらん。　カタカナ表記え下（しちゃ）ねえぬ煩（わちゃ）れえ事んかいなら筈（はじ）やいびいん。１．昔（んかし）とぅ今（なま）さっとおる沖縄語活動（うちなあぐちくゎちどう）、ちい消（ちゃ）あち（見だん振なあし）、切り離するむぬどぅやい、継じ行ちゅる活動、抑（うせえ）うｙるむぬやいびいん。２．カタカナ表記ゆ県ぬ公用語あらんでえ第二公用語とぅしち議会（じくぇえ））行政（くうじ）公文書を作（づく）いんかい使（ちか）ゆんでぃゆむぬやれえ、分かゆしが、あねえあらな、今迄、長（なげ）えさうちなあぐちぬ活動しっちゃる人ん達んかい。、くり押（う）しい付（ち）きらんでぃぬする考えぬあるむんやれえ、「表現の自由、言語の自由、感性の自由」んかい踏（くだ）み入（い）ゆるｋとんかいなゆい、民主国家とししちぇ、あてえならん事やいびいん。３．うちなあぐちぬ現（なま）死語（しにくぅば）やれえ、いふぃえ分かやびしいが、日本語は当（あ）たり前（めえ）ぬ事、まあぬ生ち言語ぬ場合（ばあ）ん言語活動（くとうばぬ）ゎちどう）・継承や息（いいち）そおる言語活動者がどぅ構（かむ）とおしがどぅ当たい前やいびいる。息そおる言語ぬ場合んでぃせえ、多（うほう）くの言語活動ぬ日々（ふぃいびい）ぬ活動ぬ中（なか）から自然（しじん）に、互（たげえ）に纏（まち）ぶたい、またたっくゎたいさがなあ、なてぃいちゅむぬどぅやい、ある団体（ぐう）とぅか行政ぬ勝手（かってぃ）さあになてぃ行ちゅるむぬおあいびらん。筆：比嘉清カタカナをめぐる諸問題（表記法は伝統表記を継承すべきで）　　うちなぐちの表記について、その表記法が統一されてないことを理由に、子供たちが理解し易いカタカナに統一しようとする動き県行政にあります。　もともと、琉球語の表記は、おもろさうし時代から琉球文化の華を開かせた組踊脚本にかけては、日本語との関係からその表記はほぼ統一されていました（個々の担当者、作家による違いはありましたが）。　後年、明治初期の県（事実上の明治政府の出先）は「琉球の言語を本土と同一たらしむる」ことをモットーに「標準語奨励」運動を展開しました。これにより、沖縄語が正常に継承されてるシステムがを破壊されたのです。提言者たちは、どの部分が統一され、あるいはされないのか、それは何故なのか、また、沖縄語は独立語なのか一地方語なのか、書き言葉とその様式化をどうするのかについての考えが見えません。そもそもカタカナ表記(発音偏向オンリーか？）による沖縄語活動の実績がどの程度のあったのか、そうした検証がなければ、これまでどのような活動実績がカタカナ表記の提唱は飛躍であり、努力の放棄であり、安直な方向への「逃げ」なのかも知れません。　沖縄語復興は、おもろさうし、組踊そして琉歌といった「古典的部分」と一体的に行うべなのであり、古典と切り離して、継承はあり得えません。　カタカナ表記への動きは以下のような問題を生じさせていきます。１．過去と現在行われている沖縄語活動を無視し、切り離すものであり継承を著しく制約するものです。２．カタカナ表記を県の公用語あるいは第二公用語として議会会行政が作る公文書を作成に使うというのであれば、まだしも、そうではなく、これまで、長年の沖縄語の活動に携わってきた活動家らの継承活動にこれを押し付けようとするの意図があれば、表現の自由、言語の自由、感性の自由に踏み込みことになりかねず、民主国家としてあるまじきことです。３．沖縄語が現時点で死語であるならともかく、日本語は勿論、どの生きた言語の場合も言語活動・継承はその言語活動者が担っているの普通です。生きている言語の場合は多くの言語活動家の日々の活動の中から自然に、相対的また総体的になっていくものであり、ある団体や行政が一方的に関与してなしていくというのではありません。筆：比嘉清

2023年03月24日

コメント(0)
沖縄語ぬ特徴とぅ復興２２

沖縄語ぬ特徴とぅ復興２２（琉球語音）　　うちなあぐちぬ復興（またうくし）んでえぬ事（くとぅ）にちいてぃぬ新聞社（しんぶんしゃ）んかいぬ書（か）ち寄（ゆ）しや、まるけえてぃなあ、あいびいしが、琉球語音（るうちゅうぐいん）にちいていぬ書ち寄しや、なんぞお、見（な）あびらん。あんし、琉球語音、実（じゅん）に使（ちか）ゆみんでぃぬ事（くとぅ）ないねえ、あいがすたら、分（わ）かやびらん。　琉球語音、実に使ゆんでぃしえ、外来語（ゆすくとぅば）、借（か）ゆるばす、うぬ語音（ぐいん）やうぬまあまあぬ語音とお、さんようい、琉球語音ぬんかい変（け）えてぃ、使ゆる事やいびいん。たとぅれえ、「警察」ゆ「きいさち」、「世間」ゆ「しきん」、「アメリカ」ゆ「アミリカ」、「オランダ」ゆ「ウランダ」んでぃち直（のお）する事やいびいん。当（あ）たい前（めえ）ぬ事、枕（まっくゎ）ぬ通（とぅ）いあらんむぬん、あせえあいびいん。　琉球語音ぬ事お昔（んかし）から知（し）らっとおびいしが、うり、如何（ちゃあ）すがんでぃゆる事にちいてえ、わかしみん無えやびらん。うぬ故（ゆい）がやいびいら、折角（しっかく）ぬうちなあぐちん借い言葉ぬ所（とぅくる）ん、またうぬ言葉ぬ前後（めえうしる）まんぐらんでえが、後（あと）ぬうんじゅみ、日本語風（やまとぅぐちふうじい）でけえなやい、まあぬ言葉がやら決（ち）わみ難（がた）さるむんないびいん。うんな事からん、うちなあぐちし、文言（むんぐん）書ちゅしん、うけいがすらん分かやびらん。　うぬ事んまた、うちなあぐちが「独立語（どぅうたちくとぅば）」がやら「日本語ぬ方言（ほうげん）」がやら、わかしみんねえらんしとぅ似（に）ちが居（をぅ）ら分かやびらん。　３００年前（にんめえ）んじ組踊（くみをぅどぅ）作（つく）たる玉城張勲はじみ、彼（あ）りが後（あとぅ）ぬ作家（くみをぅどぅいつくやあ）たあや、江戸代（いどぅゆう）ぬ日本語（やまとぅぐち）、いちゃさきいなあん借やびたしが、何（ぬう）ぬうけえ思（うみ）いんさんようい、当たい前に琉球語音ぬんかい換えやびたん。琉球語（うちなあぐち）ぬどぅ自（どぅう）なあたあ言語（くとぅあ）やるんでぃぬ思（うみ）いぬ根（にい）からあたくとぅどぅやたら筈（はじ）やいびいん。　うんにいとぅ比（くな）びいねえ、今（なま）あ、うちなあぐちが自なあたあ母国語（くとぅば）やんでぃぬ思いや、無（ね）えらんなやあに、「日本語ぬ方言」んでぃぬ考（かんげ）えなかい、まるかっとくとぅどぅやら筈やいびいん。　筆：比嘉　清沖縄語の特徴と復興２２　　沖縄語の復興に関連する新聞社への投稿はたまにありますが、琉球語音についての一般からの投稿は殆ど見受けません。その運用論は皆無に近いかもしれません。　琉球語音の運用とは、外来語を借用するさいの語音をそのまま発音ではなく、琉球語音に変換して活用することです。たとえば、「警察」を「きいさち」、「世間」を「しきん」、「アメリカ」を「アミリカ」、「オランダ」を「ウランダ」とする等の独自語音への変換です（例えば、「あいうえお」を「あいういう」等）。勿論、基本から外れる慣用的な例外はあります。　琉球語音の存在は古くから「知識」としては存在するものの、実践するのかどうか（琉球語音に変換するかどうか）については、曖曖昧模糊としています。このためでしょうか、せっかくの沖縄語も借用語部分とその前後が結局、日本語（風）でなってしまうという中途半端な言語になってしまっています。このことからも沖縄語で文章を書くこと自体に躊躇して、二の足を踏んでしまいがちです。　そのことは、沖縄語が「独立語」なのか「日本語の方言」なのかという認識が曖昧であることに連動しているのかも知れません。　３００年前に組踊を作った玉城張勲をはじめ、以後の作家たちは、江戸時代の日本語を数多く借用しましたが、何らの躊躇もなく、堂々と、当然の事のように琉球語音に変換しました。琉球語こそわが母国語という意識が根底にあったからでしょう。当時に比べ、現代では、沖縄語（琉球語）に対する母国語意識は薄れに薄れ、「日本語の方言」意識に支配されているからかも知れません。　筆：比嘉　清

2023年02月13日

コメント(0)
沖縄語ぬ特徴とぅ復興2１

沖縄語ぬ特徴とぅ復興２１(琉球語音と琉球音階・独立語としての体裁）　なままでぃ、うちなあぐちぬ形（かたち）とぅ復興（またうくし）にちいてぃ、色々（いるいる）に、書（か）ち来（ち）ゃあびたしが、くぬまあどお、うちなあぐちぬ一番（いちばん）ぬ性質（しょうしち）やる琉球語音（るうちゅうぐいん）にちいてぃ書ちんだなんでぃ思（うむ）とおいびいん。　　廃藩置県（はいばんちきん）後（あと）お、書ち言葉（くとぅば）ぬ途絶（とぅでえ）てぃ、いいくる、話（はな）し言葉専（むっぱ）らんかいけえなやあに、いちゃっさきいぬ語彙（くとぅば）ぬ長呼（ながあ）びい風儀（ふうじい）んかい、けえ成（な）てぃ来ゃる事（くとぅ）書ち来ゃあびたしが、うぬゆうな話し言葉ぬ形や独立語（どぅうたちくとぅば）とぅしちぬ性質とぅ成いるむのおあいびらん。　琉球音階（うんけえ）（沖縄本島）ぬ枕（まっくゎ）あド、ミ、ファ、ソ、シ、ド（レとぅラが欠ぎゆん）からなとおいびいん。ドミファソシド、ドシソファミドんでぃち、叫（あ）びゆるうっぴし、琉球民謡（ふぁあうた）風儀（ふうじい）し聞（ち）かりいる人（ちゅ）ん居（をぅ）ら筈（はじ）やいびいん。　日本語（やまとぅぐち）ぬ「あいうえお」ゆ「あいういう」んでぃち叫びいねえ、ちなあぐち風儀し心地（くくち）する人ん居ら筈やいびいん。うんな有様（ありさま）あ、まあまでぃん、日本語から琉球語んかい置（う）ち換（け）えゆるばすに表（あら）わりゆる性質どぅやる、あんしいねえ、うちなあぐちえ三母音（さんぶいん）びけえどぅやるんでぃゆる事おあいびらん。＊根（にい）から、三母音からなとおたる言語（くとぅば）んかい五母音（日本語）ぬ覆（うす）い重（かさ）なてぃちゃる為（たみ）なかい、あんけえ成たるむぬがややらあ、解（わ）かやびらん。　くぬゆうな特（か）わとおる琉球語音（音ぬ癖）ぬどぅ、うちなあぐちが独立言語とぃしち叫（あ）びゆる事ぬいる一番ぬむぬやびいん。なあ言語言語（くとぅばくとぅば）や、必（かん）なじ、いちいち、独自（どぅうくる）ぬ音ぬ癖持（む）っちょおいびん。　例（たとぅ）れえ、漢字（かんじ）や中国文字やてぃん日本（にふん、にっぷん）んじえ音読（うんゆ）みん訓読（くんゆ）みん、必じ、日本語音（にふんぐいん）なかい読まりやびいん。５０（ぐじゅう）％やフランス語彙（くとぅば）やんでぃ、さっとおる英語彙（いんじりいくとぅば）ん英語圏（いんじりいまじり）うとおてえ英語読（いんじりいゆ）みさりやびいん。　　琉球語音んかい対する考（かんげ）え様（よう）とぅうぬ扱（あちけ）え様や琉球語が独立語どぅやみ、あらんでえ日本語ぬただぬ方言どぅやみんでぃぬ事んかい響（ふぃび）ちゃびいん。また、復興ぬしい様んかいん響ちゅるむぬやいびいん。　だた、破裂音（はりちうん）とぅかぬ事お、みいみいくじい、叫びやあ叫びやさりやびいしが、肝要（かんぬう）な琉球語韻にちいてぃぬ議論（はなしい）や、いいくるさってえ居いびらん。くりん、方言考え、押（う）しい付（ち）きらってぃちゃる歴史（りちし）ぬ後遺症（きじあとぅ）がやびいら。筆：比嘉清沖縄語の特徴と復興２１(琉球語音と琉球音階・独立語としての体裁）　これまで、沖縄語の特徴とその復興について、色々と書いて来ましたが、今回は沖縄語を最大の特徴である琉球語音にふれてみたいと思います。廃藩置県以降は、書き言葉が途絶え、話し言葉中心になり、多くの語彙が話し言葉特有である長呼化してきたことはを書きましたが、そうした話し言葉が持つ特徴は独立語としての特徴とはなりえません。　琉球音階（沖縄本島）の基本はド、ミ、ファ、ソ、シ、ド（レとラが脱落）からなります。ドミファソシド、ドシソファミドと口遊むだけで、琉球民謡のように聞こえる人もいるかもしれません。　日本語の「あいうえお」を「あいういう」と発声したら、沖縄語のような感じを抱く人もいるかもしれません。これはあくまで日本語から琉球語の変換する際に表れる特徴で、沖縄語が三母音しかないといことではありません。（元々、三母音を特徴とする言語に五母音が被さってきたためにそうなったのかは解かりません。）　このような音韻的癖（琉球語音）こそ、沖縄語が独立言語として主張しえる大きな要素です。各言語はそれぞれが独自の音の癖を持っています。例えば、漢字は中国文字でも日本では音読みも訓読みも日本語音で読まれます。５０％はフランス語彙だとされる英語彙も英語圏では英語読みされます。　琉球語音に対する認識とその取り扱い方が琉球語が独立語なのか、あるいは単に日本語の一地方語なのかの判断に影響するでしょう。ひいては、復興のあり方を左右するものであるといっても過言ではありません。　だた、破裂音については事細かく議論されるものの、肝心の琉球語韻にかんする議論は、殆どなされてないのが現状です。これも方言意識を植え付けられてきた歴史の後遺症なのでしょうか。筆：比嘉清

2023年02月01日

コメント(0)
沖縄語ぬ特徴とぅ復興２０

沖縄語ぬ特徴とぅ復興２０　いいくる、書（か）ち言葉（くとぅば）びけんし復興（またうくし）なたる言語（くとぅば）ぬあいびいん。ユダヤん人（ちゅ）ぬかあま昔（んかし）からぬ言語やるヘブライ語（ぐち）ぬ事（くとぅ）どぅやいびいる。　ローマ帝国（うふぐに）から追（うゐ）い放（ほう）らりやあい、世界（しけ）まぎりんかい分（わ）っくぃてぃんじゃるダヤん人お、自（どぅう）なあたあヘブライ語ぬ口語（あびくとぅば）ゆ失（うしなやあ）に、聖書（しいしゅ）ヘブライ語とぅち残（ぬく）さっとおいびいたしが、イスラエル国（くに）が国建（くにだ）てぃしちゃる（１９４８年）後（あとぅ）にヘブライ語ゆ復興しみやびたん。　地域（シマ）ぬ毎（かあじ）また階層（ぶん）、職業（しくち）、世代（でえ）ぬ毎なかい発音（ぐいん）、抑揚（あぎさぎ）ぬ違（ちが）ゆる、煩（わちゃ）れえがんどうそおる言葉とお変（か）わてぃ、書し言葉ぬしいなしや、いいくる、当（あ）たり前（めえ）に、一（てぃい）ちぬ形風（かたふう）（パターン化）けえないしが、言語、継（ち）じ行（い）ちゅる為（たみ）ねえ、ちゃあそおてぃん、あんならんでえならんむぬやいびいん。　音楽（うんがく、うたさんしん）とぅ言語あ別（びち）どぅやいびいしが、音楽が同（い）ぬ形（かたち）なかい、むとぅうち、広（ふぃる）がやい、継がってぃ来（ち）ょおしえ、「様式化」さっとおる楽譜（がくふ）ぬあくとぅどぅやいびいる。工工四（くくうしい、くんくんしい）ぬ無（ね）えらんでえ、今（なま）ぬ如（ぐと）おる琉球（るうちゅう）音楽ん在（あ）いがさびいたら。　いちゃっさ、電気（でぃんち）音響装置（ないむん）ぬしいなさっとおんでぃちん、なあ目（みい）ぬ性（しょう）頼（たる）がきらんでえならんなとおいびいん。　あんし、実（じゅん）に書ち言葉するむんやれえ、うぬ書ち様（よう）や、ただ発音（聴覚的要素）びけえのおあらな、目ぬ性ぬ都合（ちごう）ん考（かんげ）えらんとおならいびらん。語（くとぅば）ぬ成（な）い立（た）ち、言（い）いどぅんせえ、語源（くとぅばぬむとぅ）、語法（くとぅばぬならび）とぅかん考えらんでえならん筈（はじ）やいびいん。うんな考えする肝（ちむ）とぅ時間（じかん）ぬ入用（いりゆう）やいびいん。　あんし、うぬ先（さち）んかいや、言語復興ぬ為ぬ計画（くぬみ）とぅか手段（てぃだ）ぬん、見（みい）いてぃ来（ち）ゅうる筈やいびいん。筆：比嘉清沖縄語の特徴と復興２０　ほぼ書き言葉だけで復興した言語があります。ユダヤ人の古来からの言語であるヘブライ語がそれです。　ローマ帝国から追放され、世界に散ったユダヤ人は、母国ヘブライ語の口語を失い、聖書ヘブライ語として保存されていましたが、イスラエルが建国（１９４８年）後にヘブライ語復興させたのです。　地域毎あるいは階層、職業、世代毎に発音抑揚が異なるとりとめもない言葉と異なり、書き言葉の確立はほぼ必然的に様式化（パターン化）しますが、言語を継承する上では必要なことです。　音楽と言語は別次元のものですが、音楽が安定的に普及し継承されているのは様式化された楽譜の存在はそれに大きく貢献しています。工工四なくし今日の琉球音楽を語れません。　いくら音響装置が発達しているとはいえ、視覚的要素は排除されてないのです。　書き言葉を取り組む以上、その表記法は、単に発音（聴覚的要素）だけでなく、視覚的配慮を加えなければなりません。視覚的配慮とは、語の成り立ち（語源、語法等）をも反映させたものでなければならない筈です。このように考えていく勇気と時間を使う必要あるのです。　その先には、きっと、言語復興の計画や具体的段取りも遠くに霞んでいた形が明確に見えるようになってくるはずです。筆：比嘉清

2023年01月18日

コメント(0)
沖縄語ぬ特徴とぅ復興１９

沖縄語ぬ特徴とぅ復興１９　「おもろ」とぅか組踊（くみをどぅい）んでえや、昔人（んかしんちゅ）ぬ書（か）ち残（ぬく）ち呉（くぃ）てえる大切（てえしち）な言語（くとぅば）やいびいん。うん如（ぐと）おるうや、今（なま）ぬうちなあぐちとお別（びち）えあらなく、一本（いっぷん）ぬ糸（いいちゅう）し、繋（ちな）がっとおる実（じゅん）にぬうちなあぐち（また琉球語）どぅやい、一（てぃい）ちやんでぃぬ感考（かんげ）えする事（くと）んまた大切な事（くとぅ）やいびいん。　うちなあぐちゆ再興（またうく）しする為（たみ）ねえ、今（なま）ちきてぃ、ちゃっさきいなあぬしょううちなあぐちさあぬ居（をぅ）んでぃ言（い）ちゃんてえまん、大概（てえげえ）や日本語（やまとぅぐち）さあにどぅ暮（く）らし方（がた）んそおる事んあやあに、うぬ使（ちけ）え様（よう）や、いふぃえ日本語風儀（やまとぅふうじい）んかいけえなとおる事お、いいくる知（し）らっとおる事やいびいん。（我にんあんやいびいしが）。　ティリビうとおてぃぬうちなあぐち使てぃぬ「話物語（はなしむぬがい）」ん日本語ぬ直訳（ちゅくやく）風儀また日本的風儀ぬ言い様ぬまんどおる有（あ）り様（さま）やいびいん。　なまぬ有り様し、話し言葉びけんなかいうちなあぐちゆ継（ち）じ行（い）ちいねえ、如何（ちゃ）ぬ風儀（ふうじい）ぬうちなあぐちぬ形（かたち）んかいがなてぃ行（い）ちゅるむぬやいびいら。　継ち行ちゅる為（たみぬ巡（みぐい）や、けえてえ、よおんなあ、時間（じかん）かきてぃしん、失（うしな）ゆるむぬやか、得（とぅく）するむぬがる勝（まさ）ゆる筈（はじ）んでぃぬ段（だ）ぬんかい来（ち）ょおいびん。　今迄（なままでぃ）、言語継承する為ねえ、いちゃっさ、書ち言葉が大切やがんでぃ言る事ゆ書ちちゃあびたしが、なあうぬ書ち言葉、頼がきゆる段ぬんかいあくとぅやいびいん。　話し言葉が耳（みみ）ぬ感覚（しょう）ぬ言語どぅやいびいしが、書ち言葉あ、目（みい）ぬ感覚（しょう）ぬ言語やいびいん。聴覚（みみぬしょう）ぬ言語あ聴覚ぬ取（とぅ）い受（う）きる限（かじ）ろどぅ分（わ）かやびいしが、視覚（みいぬしょう）ぬ言語あ、またなあふぃん、解（わ）かゆる幅（はばぬ、でえじな広（ふぃる）がてぃ行ちゅるむぬやいびいん。うりん日本語はじみいいくるぬうふ言語見（ん）じいねえ、分かゆる事やいびいん。　話し言葉とぅかただぬ「しまくとぅば（なあめえめえぬシマ語ぬ事がやいびいら？）」ぬ感覚（しょう）しえ、「方言ぎさあ」やんでぃ思（うま）ありゆい、うぬ先（さち）んかや何（ぬう）ぬがあいびいら。　うちなあぐち継承なあ書ち言葉、中心（なかじん）とぅする事にゆてぃ、言葉数（くとぅばかじ）びけのおあらん、継承する力までぃん、んずみてぃ強（ちゅう）まゆのおあいびらに。　当（あ）たい前（めえ）ぬ事（くとぅ）、昔物（んかしむん）とぅぬ組（ぐう）成（な）しみてぃ、縦横（たてぃゆく）ん頑丈（がんじゅう）らち行かんでえならん事ん忘（わし）りてえないびらん。筆：比嘉清沖縄語の特徴と復興１９　「おもろ」や組踊などは先人たちの残した言語活動の貴重な所産です。これらは、現代沖縄語と別物なのではなく、一本の糸で繋がれたれきとした沖縄語（琉球語か）であり、一体であるという感覚を持つことも重要です。　沖縄語の復興には、まだ、かなりの話者が居るとしても、多くは日本語で生活していることもあって、言い回し語彙も日本語的になっているのは否めなめません。(私自身)もその一人ですが）。　テレビで放映される沖縄語による「物語」も日本語からの直訳調また日本的言い回しがかなりある状況です。　こうした状況の中で、話し言葉に偏重した継承の結果がどういう形としてなっていくのでしょうか。　継承の取り組みは、むしろ、じっくり、時間をかけても、失うものより、得るものの方が多い段階にあります。この間、言語の継承にとって、いかに書き言葉が重要であるかを書いてきましたが、書き言葉に頼る段階にあるからです。　話し言葉が耳の感覚（聴覚）言語であるのに対し、書き言葉は言うまでもなく、目の感覚（視覚）言語です。聴覚による言語の理解は、聴覚の及ぶ範囲に限られますが、視覚による言語はそれに加えて、理解できる範囲が飛躍的に広がります。このことは日本語はじめ主な言語を例にとれば分かります。　話し言葉や単なる「しまくとぅば（それぞれの地域語のことでしょうか）」の感覚は「方言感覚」の範疇でしかなく、その先がはどう描かれているのでしょうか。　継承を書き言葉中心にシフトすることによって、沖縄語の将来は、語彙的発展と進化は言うまでもなく、継承力が飛躍的に高まるでしょう。もちろん、過去との組み合わせて立体化することも忘れてはならないでしょう。筆：比嘉清

2022年12月22日

コメント(0)
沖縄語ぬ特徴とぅ復興１８

沖縄語ぬ特徴とぅ復興１８　例（たとぅ）いどぅんせえ、日本語（やまとうぐち）ぬばあや、学校（がっこう）うとおてぃ万葉集んでえぬ古謡（んかしうた）はじみ古文（んかしくとぅば）、習（なら）ちょおいびいん。言語（くとぅば）ぬ変（か）わい様（よう）、分（わ）かゆる事（くとぅ）うい、自（どぅう）なあ達（たあ）ぬ言語ぬ重（んぶ）らあさする肝(ちむ)んかいなら筈（はじ）やいびいん。あんしまた、うちなあんちゅとぅしち、改（あら）たみてぃ思（うむ）ゆる事んないびいん。　やいびいしが、うちなあんじえ「おもろ」とぅかや組踊（くみをぅどぅい）ゆ教科書（ちょうくゎしゅ）うとおてぃ見（ん）じゅる事お無（ね）えやびらん。　今（なま）あ話し言葉（くとぅば）びけんやてぃん、うやふじん達ぬ残（ぬく）ちゃる琉球語（るうちゅうくとぅば）とぅ繋（ちな）がとおる事ゆ習（なら）あする事お大切（てえしち）な事やいびいん。書ち言葉あ過去（んかし）とぅ繋がとおる事、悟（さとぅ）らする大切な役（やく）、持（む）っちょおるしいじやいびいん。　言語ぬ復興（またうくし）、試（くくる）みするばあに、手本（てぃふん）とぅする先（さち）え、多（うふ）されえ多さるさく、ましやいびいん。　やいびいしが、過去（んかいむん）ぬどぅ手本とぅしち、無（ね）えらんでえならんむのおあいびらに。昔物（んかいむん）ぬんかいや、先人（んかいんちゅ）ぬ言語に対（てえ）思（うみ）い、考（かんげ）ゆ習ゆる事ぬないびいん。昔ん人ぬ息(いいち)までぃ聞（ち）かりいねえ思（うま）ありやびん。　うちなあぐち、書ち言葉ぬ無（ね）えらな、何時（いち）ぬ間（みい）がやら、んまんかいあたんでぃ言（ゆ）るむぬおあいびらん。さてぃ、表記法（かちいよう）や如何（ちゃあ）すがとぅか考えたい、思い病（やみ）しん済（し）まびいしが、うんなばあや、昔物、とぅんけえてぃ見（ん）じゅしどぅましやいびいる。過去んかいや昔人ぬ纏（まじ）でえる宝（たから）ぬ山（やまぬ）ぬあいびいん。現在（なま）ぬ言語ゆ横（ゆく）とぅしいねえ、過去ぬ言語あ縦（ちゃてぃ）やびいん。縦とぅ横、組（ぐう）なちどぅ、ちゃんとぅそおる継承（ちじいよう）んかないびいる。　県（きん）の統計（とぅうちい）にういねえ、うちなあぐちゆ話（あ）びたい、解（わ）かたいする人（ちゅ）お、年々、減（ふぃ）なとおいびいん。うちなあぐちぬ廃（したり）たる原因（わき）え、日本語（やまとぅぐち）とぅ入（い）り替（け）えたるたみやいびいしが、あちらん復興ならん理由（わき）え又（また）、別（びち）やいびいん。　うちなあぐちゆむとぅうち、使（ちか）てぃ行（い）ちゅるたみねえ、如何（ちゃ）ぬ様（ゆう）なしい様（よう）（継承、教育）なかし、すしえましやがんでぃぬ事、念（にん）入（い）りてぃ、考（かんげ）えらんでえならん段（だ）ぬんかい、来（ち）ょおいんびん。ちぢちゅん筆：比嘉清沖縄語の特徴と復興１８　例えば、日本語の場合、学校で万葉集などの古謡はじめ古文を教えています。言語の変化を知る上でも、自らの言語の歴史的重みを感じることになります。ひいては、アイデンティティーの自覚を抱かせることにもなります。　しかし、沖縄では「おもろ」や組踊の台本が教科書でみることはありません。　現代は話し言葉が主であるにしても、先人が残した琉球語との繋がりを教える事は大切なことです。書き言葉は過去との繋がりを自覚するでも大切な役割を担うのです。　言語の復興を試みる上で、学ぶ先は確かに多い方が多いに越したことはありません。　だが、過去こそ学ぶ対象としてかかせないものはないでしょう。過去には先人の言語にたいする姿勢を学び取ることができます。息遣いさえ感じることができます。　うちなあぐちは、書き言葉を持たず、気か付いてみたらそこにあったというものではありません。さて、表記法をどうしようか等と考えたり議論したりするのも結構ですが、過去を振り返る必要があるのです。過去には先人たちが築いた宝の山があります。現在の言語を横とするなら、過去の言語は縦です。縦と横の組み合わせこそしっかりした継承に繋がるのです。　県の統計によれば、沖縄語を話せるあるいは理解できる人は年々減少しています。沖縄語が廃れた原因は、日本語と入れ替わったためですが、容易に復興できない理由はべつにあります。　沖縄語を持続的に安定的に使えるようにするのは、どういう方法（継承、教育）が良いのかを真剣に検討すべき時期にあります。つづく筆：比嘉清

2022年11月17日

コメント(0)
沖縄語ぬ特徴とぅ復興１７

沖縄語ぬ特徴とぅ復興１７　　例（たとぅ）れえ、英語（いんじりい）うとおてえパソコンぬんかい付（ち）ちょおるうマウスや「ゑんちゅ」（mouse）から、うぬ意味（ちむええ）んかい使（ちか）とおるむぬやいびいん。同（い）ぬぐとぅ、飛行機（ひこうち）ぬ「飛行機操縦室（コクピット）」ぬ源（むとぅ）お「雄鶏（ううどぅい）」んでぃぬ事（くとぅ）やいびいん。　うちなあぐちん、「肝（ちむ）」、「性（しょう、）そう」、「口（くち）」、「道（みち）」、「心（くくる）」、「物（むぬ）」、「考え」んでえんかいや英語とぅ似（に）ちょおる為（し）い様（よう）なかい、別（びっち）ぬ意味ぬたっ加（くゎ）あさっとおるむぬやいびいん。　やいびいくとぅ、なまぬうちなあぐちぬ語彙（くとぅばかじ）なかいん、哲学書（てぃちがくしゅ）ゆ通事（とぅうじ）さんでぃ思（うみ）いねえ、成（な）いるむぬやいびいしが、「難（むち）かさぎさる語彙（くとぅば）」ゆ使（ちけ）え熟（く）なちょおる日本語文（やまとぅぐちむんぐん）ぬどぅ、ちゃあそおてぃん、ちびらあしく見（み）いゆくとぅ、書（か）ち言葉（くとぅば）あ、日本語しさな、んでぃぬ風儀（ふうじい）なとおいびいん。　うちなあぐちにん漢字（かんじ）、組（く）でぃ作（つく）てえる漢語えあしえあしびいしが、日本語とぅ比（く）なびいねえ、よういい、ふぃ小（ぐゎあ）どぅやいびいる。　うな行（い）ち成（な）いなかし、特（かわ）てぃ、明治後（みいじあとぅ）お、日本語とぅ沖縄語とお、だてん、ああきてぃ、来（ち）ゃあびたん。　うちなあぐちぬ「保存（たぶい）」とぅ「継承（ちじ）」ゆ、一（てぃ）いちゃあなち、考（かんげ）えゆる人（ちゅ）ん居（をぅ）いびいしが、全（まった）ち、別（びち）ぬむぬどぅやいびいる。「保存」や、今（なま）あぬ姿形（しがたかたち）のまま、かじみゆる事どぅやいびいしが、「継承」や使うる事にゆてぃ、しいなち行（い）ちゅるむぬやい、変わてぃ行ちゅるむぬやいびいん。言（い）いどぅんせえ、「保存」や、なあ変わゆる事ぬ無（ね）えらん死語（しにくとぅば）んかいなゆる事どぅやい、「継承」や、生かち、ちゃあ変わいしいちゅるむぬやいびいん。　　死語んかい、けえないねえ、番（ばん、ばあん）さあなかい、前（めえ）なさってぃ、「継承」や使うる人ぬ自由とぅなゆるむぬやいびいん。　やいびいしが、生ちち、ちゃあ変わいしいちゅる言語ぬばあや、特てぃ古語（んかしくとぅば、ああらさし、古謡ゆ学校（がっこう）んじ教（なら）あする事、忘（わし）りてえ居いびらん。言葉んでぃせえ、変わてぃ行ちゅるむんやんでぃぬ考（かん）げえ持（む）っちょおくとぅどぅやいびいる。ちぢちゅん。筆：比嘉清沖縄語の特徴と復興１７　　例えば、英語ではパソコンに付属機器であるマウスは「ねずみ」（mouse）からの転用です。同様に、飛行機の「飛行機操縦室（コクピット）」の語源は「雄鶏」に由来するようです。　沖縄語でも、「肝」、「性」、「口」、「道」、「心」、「物」、「考え」等には英語的手法で多くの意味が付加されています。ですので、現在の語彙でも、哲学書を翻訳しようと思えば、出来なくもありませんが、「難しい語彙」を駆使した日本語文のほうがどうしてもカッコよく見えるので、書き言葉は日本語でという風潮が続いています。沖縄語にも漢字を組み合わせた漢語はありますが、日本語に比べたらごく少数です。　このように、明治以降、日本語と沖縄語は大きくかけ離れてきました。　沖縄語の「保存」と「継承」を一緒くたに考える人もいますが、実は次元が異なります。「保存」は現存の姿形のまま、棚に仕舞うことを意味するのに対し、「継承」は使用することで、進化発展つまり変化を伴うのです。つまり、保存は変化しなくなる死語になることを意味し、継承は生きて変化を続けることを意味します。　　死語は変化を見張るものの管理下に置かれ、継承は使う人が自由できるという違いがあるのです。　しかし、生きて変化を続ける言語は、主な言語を見る限り、古語をもまた大事にし、古謡を教科書で教えることを決して忘れてはいません。変化を自覚しているからです。つづく筆：比嘉清

2022年11月02日

コメント(0)
沖縄語ぬ特徴とぅ復興１６

沖縄語ぬ特徴とぅ復興１６　話（はな）し言葉（くとぅば）から生（ん）まりたるた書（か）ち言葉あ、後（あと）お「親元（あひゃあ）」から離（はな）ろやあい「独（ちゅ）い歩（あ）っち」し行（い）ちゃびいん。　書ち言葉ゆしいなちゃる言語（くとぅば）ぬばあや、普段（ふぃいじい）や、あんしゅかあ、ちにちかやびらんしが、例(たとぅ)れえ、ただ、日本語（やまとぅぐち）んでぃいちん、話し言葉とぅ書ち言葉とお、なあめえめえぬ言語んかい、けえなやびいん。「手話」ぬばあん又あんやいびいん。　書ち言葉あ目（みい）ぬ性（しょう）し視（ん）じゅる言語どぅやびいびいくとぅ、変（か）わゆるばすん、視覚（みいぬしょう）ぬ都合（ちごう）なかい変わてぃいちゃびいん。　前（めえ）、書ち言葉する事（くとぅ）なかい語彙（くとぅばかじ）ぬ、でえじな増（うゎあ）ちいちゅんでぃち書きちゃびたしが、あんないねえ、なあ、聴覚（みみぬしょう）ぬ事お考（かんげ）えらんてぃん済（し）まびいん。　特（かわ）てぃ、日本語ぬばあや漢字（かんじ）使（ちか）ゆるくとぅなかい、視覚（みいぬしょう）ぬ都合びけんし語ぬ造（つく）らりいる風儀（ふうじ）やくとぅがやいびいら、「同音異義語（いぬうとぅびちちむええくとぅば）」ぬ増（うゎあ）ち行ちゃびいん。　「うむる」うとおてえ「大（うふ）」、「世（ゆう）」、「御（ぐ）」んで、よういいふぃ小（ぐゎあ）ぬ漢字どぅ使とおたる琉球語やいびいしが、組踊（くみうどぅい）後（あと）お、漢字ん多（うほう）く使ゆんねえなあに、書ち言葉ぬ独い歩っち始（はじ）みとおたるむぬ、明治（みいじ）ぬ廃藩置県後お、書ち言葉する立場（たちふぁ）ぬ人（ちゅ）ん達（ちゃあ）が、いっそうから日本語んかい乗（ぬ）い換（け）えたる為（たみ）なかい、うちなあぐちえ、話し言葉びけんかいけえなてぃちゃあびたん。　やいびいくとぅ、漢字、組（く）まち語彙ぬ増する事お無（ね）えらんなやびたしが、言葉んでぃせえ、生（い）ち残（ぬく）らんでぃさびいん。　うちなあぐちえ、漢字組み道んかい行じゃる日本語ぬしい様（よう）やあらな、英語（いんじりいぐち）ねえし、ある語（くとぅば）ゆ別（びち）ぬちむええ、たっ加（くゎ）あち、新語（みいくとぅば）風儀（ふうじい）なさあに、ちむえええ広（ふぃる）ぎゆる道、求（とぅ）めえてぃちゃあびたん。ちぢちゅん。文：比嘉清。沖縄語の特徴と復興１６　話し言葉から生まれた書き言葉は、後は「親元」を離れて「独り歩き」します。　書き言葉を確立した言語の場合は、普段はそれほど自覚はされませんが、例えば、一口に日本語とはいっても、話し言葉と書き言葉では、それぞれが次元を異にする言語になります。手話も次元を異にする言語の一つです。　書き言葉は視覚言語ですから、その後の変化（動き）は視覚の都合で変化していきます。前回、書き言葉の実践で語彙が著しく増えると書きましたが、もはや、聴覚を気にしなくなるなります。特に日本語の場合は、漢字を使う関係で、視覚の都合だけで語が作らているでしょうか、同音異義語が平気で増えて行きます。　「おもろ」では「大」、「世」、「御」などほんの一分の漢字しか使わなかった琉球語は、組踊以降は、漢字を多く使うようになり、書き言葉が独り歩きし始めたにもかかわらず、明治の廃藩置県以降は、書き言葉を引っ張るべき人々が挙って日本語に乗り換えていってしまったために、沖縄語は話し言葉中心に移行してしまいました。　ですから、漢字の組み合わせによる語彙は増えることはありませんでしたが、言葉というものは、如何なる環境の中でも生き延びようとします。　沖縄語は、漢字組み合わせの道を選んだ日本語方式ではなく、英語のように、既存の語句を転用（既存語に新しい意味を追加する）することで、表現力を広げる道を歩んできました。つづく文：比嘉清。

2022年09月27日

コメント(0)
沖縄語ぬ特徴とぅ復興１５

沖縄語ぬ特徴と復興１５　書（か）ち言葉（くとぅば）しいねえ語彙（くとぅばかじ）え増（ぅわ）あち行（い）ちゃびいしが、日本語（やまとぅぐち）ねえし、明治後（みいじあとぅ）、一旦（ちゅけん）、書ち言葉ゆレールんかい、けえ乗（ぬ）しいねえ、なあ、止（とぅ）まやびらん。　特（かわ）てぃ、日本語（やまとぅぐち）え漢字（かんじ）、「借（か）」とおいびいくとぅ、漢字同士（どぅうさあ）、組（く）み合（あ）あち語句（くとぅば）作（つく）いねえ、うぬ数（かじ）え、果（は）てぃん見（み）いらんあたいぬ数んかいないびいん。近頃（ちかぐる）なたれえ、「黙食」んでぃぬ言葉んなやびたん。　言葉作いあや何（ぬう）ん、メディアとぅか物書（むぬかちゃあ）たあびけんがするむぬおあいびらん。店（まちや）ぬ看板（かんばん）、個人（わたくし）ぬ誰（たあ）やてぃん、毎（めえ）が毎日（めえにち）、新語（みいくとぅば）作とおいびいん。語彙ぬ増あち行ちいねえ、使（ちか）あらんないる語彙ん、また増あち行ちゃびいるむぬやいびいん。平生（ふぃじい）ぬ暮（く）らしんじ使ゆる言葉あ、限（かじ）らっとおくとぅやいびいん。世々（ゆうゆう）代々（でえでえ）、なあ地域地域（シマジマ）んかい相応（ふさ）とおる言葉ぬ取（とぅ）い入（い）りらったい捨（し）てぃらったいさあに、うすまさぬ早（ふぇえ）さなかい、あい変（か）わてぃ行ちゅむぬやいびいん。　うなちなあんじ、うちなあぐち同士ゆ、いふぃ小（ぐゎあ）、たっ加（くゎ）あちゃい、変（け）えたいせえる言葉、叫（あ）びいねえ、「うんなうちなあぐちえ無（ね）えらん」んでぃち、撥(は)にらったいさびいしが、書ち言葉うとおてえ、諸（むる）許（ゆる）さりやびいん。　書ち言葉やさん、あんしいねえ、語彙あ増あさびらん、「新語」使いねえ、厭（んぱ）さりいんでぃぬ繰（く）い返（けえ）んかい、けえないびいん。うんな言語ぬばあや、新語をや取らん言語ぬばあや、てえげえ、発音一方（ぐうんちゅかた）んかいけえないる事（くとぅ）んあいびいん。　さてぃ、うぬゆうな言語ぬ風儀（ふうじ）ぬ中（なあか）、語数（くとぅばかじ）ぬまんでぃ、またくなさっとおる日本語、使え慣（な）りとおる」人（ちゅ）ん達（ちゃあ）（いいくｒぬ人ん達があんやいびいしが）にとぅてぃ、うちなあぐちさあに文言（むんぐん）書ちゅる事（くとぅ）やか、かまらさるむぬお無（ね）えらん筈（はじ）やびいん。　また、書ち言葉知（し）らん、またならんあれえ、字（じい）見（ん）じゅる事ん無えらんどぅあくとぅ、言葉あ専（むっぱ）ら、耳（みみ）びけんし聞（ち）ちゅる言葉ぬばあや、意味（ちむええ）ぬ多（うほう）く変わてぃ行ちゃびいん。やいびいくとぅまた、うんなうしなあぐちし文言、書ちゅしん、異風（いふう）なあやい、ふらあ風儀（ふうじい）んやいびいくとぅんでぃち、あとぅぬうんじゅみ、うけえ思（うみ）いするぬむがやびいら。　あんないねえ、なあ、うちなあぐっちなかいする書ち言葉あ、なあ、難儀苦事（なんじくんじ）、哀（あわり）ぬ段々（だんだん）やいびいる。継（ち）じ行かんでならのおあいびいしが、何（ぬ）が、必（かんな）じ書ち言葉迄（までぃ）んさんでえならんばすいんでぃ考（かんげ）いねえ、肝（ちむ）ぬ乗（ぬ）りらん風儀（ふうじ）やいびいん。くんな有様（ありさま）ん又、復興ぬ前足掻（めえあが）ちならん事ぬ一（てぃい）ちえあいびらんがやあ。筆：比嘉　清沖縄語ぬ特徴と復興１５　書き言葉の実践で語彙が増えますが、日本語のように、明治以降、一旦、書き言葉を軌道に乗せてしまうと、もはや、止まらなくなります。特に日本語は漢字を「借用」していますので、漢字同士の組み合わせて語句を作ると、その数は天文学的数字なります。最近では「黙食」という語もできました。作る主体はメディアだけではありません。看板、個人でもだれでも日々、新語を作ります。語彙が増えると、使わなくなる語彙も増えてきます。生活に必要な言葉の数はそれほど多くある必要はないからです。時代時代にあった、世代世代、地域地域にあった言葉が取捨選択されて、恐ろしいスピードで変化していきます。　沖縄では、沖縄語語同士を少しアレンジした言葉を言うと、「そんな沖縄語はない」と撥ねられてしますが、書き言葉を持つ言語はすべてOKなのです。書き言葉はやらない、すると、語彙が増えない、「新語」を使うと、撥ねられるとう悪循環に陥ります。新語を受け入れない「言語」の場合、ややもすると、発音に拘ったりする現象も起きます。　さて、そうした言語環境の中で、語彙が豊富でスマートな日本語を使い慣れた習慣のある人々（殆どの人がそうなのですが）にとって、沖縄語で文章を書くことほど、もどかしく思うかもしれません。　書き言葉を知らない事は、文字を目にする機会もないのであるから、耳だけで聞く言葉は、その意味の転用が頻繁に起きます。転用の多い沖縄語で文章を書くのもどこか、変な感じなので、やはりきが引けるでしょうか。そうなれば、沖縄語による書き言葉は、もはやどんでもない苦痛なのです。継承をしなければならない事を理解していても、書き言葉となると、気も重いようです。これも、復興の取り組みを困難にしている事の一つなのではないでしょうか。筆：比嘉清

2022年08月25日

コメント(0)
沖縄語ぬ特徴とぅ復興１4

沖縄語ぬ特徴とぅ復興１４　うちなあが琉球国（るうちゅうくく）やたる世（ゆう）なかい、国（うむる主取（ぬしどぅい）たあ）が琉球ぬあまくまぬ「うむる」、「神歌（かみうた）」ゆ取（とぅ）い集（ちゃめ）えてぃ、書（か）ち纂（まとぅ）みたる「うむるすうし」とぅ１８世紀（じゅうはしいち）後（あとぅ）んじに玉城張勲たあが作（つく）たる組踊（くみうどぅい）とお、語彙（くとぅばかじ）え、んずみてぃ、変（か）わとおいびいん。　一目見（ちゅみん）じいねえ、同（い）ぬ言語（くとぅば）やみんでぃ、けえ思（うむ）ゆるあたいぬ違（ちげ）えみやいびいしが、実（じち）え、根（にい）「うむる」どぅやい、ちゃんとぅ、継（ち）がっとおいびいん。ただ、語彙（くとぅば）あ、江戸（いどぅ）んかい七回（ななむるし）ん行（ん）じゃいき来（ち）ゃいしちゃる玉城張勲や、日本（やまとぅ）から語（やまとぅぐち）、持（む）ち戻（むどぅ）やあに、あんし琉球語音（るうちゅうぐいん）とぅする事（くとぅ）にゆてぃ、琉球語（るうちゅうくとぅば）んかい直（のお）さびたるむぬやいびいん。　うんぐとおりいや、フランス語（くとぅば）ゆ英語（いんじりい）読（ゆ）みさあに、英語風儀（いんじりいふうじい）ちゃる事とぅか、日本語が中国語（とうくとぅば）ゆ日本読（にふんゆ）み（音読みん訓読みん）さあに日本語風儀んかいしちゃしとぅ同ぬむんやいびいん。　語音（ぐいん）ぬ話（はなしい）や、先（ま）じえ、措（う）ち、書ち言葉通（とぅう）ち、語彙とぅか言（い）い様（よう）が、んずみてぃ、増（うゎ）あする事、あらわちょおる例（りい）やいびいん。あんしまた、組踊語（くみうどぅいくとぅば）あ、作家（かちゃあ）ぬ出身（んまり）ぬ変わてぃん、いいくる同ぬ様式（かた）し書かっとおいびいん。　琉球うとおてぃん書ち言葉ぬ様式（かた）あ、うんにいから、きっさ枕風儀（まっくゎふうじい）なてぃどぅ居（をぅ）たい、書ち言葉ぬあたる事お、他所国（ゆすぐに）とぅか民族（みんずく）ぬ話やあいびらん。やいびいくとぅ、今（なま）から書ち言葉すんとぅか、興（うく）する事くるお、何（ぬう）ん難儀（なんじ）な事おあらん筈（はじ）やいびいん。　横話（ゆくばなし）ないびいしが、開音合音ぬ変わい様し組踊読みいねえ、いいくる、なまぬうちなぐちんかいないびいん。実え、２～３百年（びゃくにん）ぬ間（ゑえだ）なかいや、うちなあぐちえ、あんしゅかあ、変わてえ居らん事ん分（わ）かやびいん。文：比嘉清　沖縄語ぬ特徴とぅ復興１４　沖縄が琉球国だった時代に、国（おもろ主取の役職の人々）が琉球各地の神話や古謡を収録して編纂した「おもろさうし」と１８世紀以降に玉城張勲らが作った組踊とでは語彙が違います。一見、おなじ言語なのかと思うほどですが、実はおもろの流れが受け継がれています。ただ、語彙は江戸に七回も行き来した玉城張勲は日本語から語を持ち帰り、これを琉球語音（書くのは開音、読みは琉球口語音）に乗せることで、琉球語化しました。　この現象は、英語がフランス語を英語読みにして英語化した事や、日本語が中国語を日本読み（音読みも訓読みも）して日本語化したのと同じです。　語音の話は、とりあえず、さておき、書き言葉を実践する事を通して、語彙や語句が飛躍的に増える事の身近な実例です。しかも、組踊語は、作家の出身を問わず、ほぼ同じ様式で書かれています。　琉球には様式化された書き言葉は既にあったのであり、よそ事の国や民族の事でもありません。ですから、これから書き言葉をするあるいは復興する事自体、何ら難儀な事もない筈なのです。　余談ですが、開音合音変化のリールで組踊を読むと、殆ど、現代沖縄語になります。実は２～３百年の間に沖縄語はそれほど大きな変化はしていないことにも気づきます。文：比嘉清

2022年08月14日

コメント(0)
沖縄語ぬ特徴とぅ復興１３

沖縄語ぬ特徴とぅ復興１３　くぬブログぬ記事（ちじ）ぬシリーズの初(はじ)み頃（ぐる）んじ、うちなあぐちえ、「話（はな）し言葉（くとぅば）」ゆ柱（はあや）とぅしち、継（ち）がってぃちゃる経緯（いちない）ぬあいびいん。　日本語（やまとぅぐち）ぬばあや、明治（みいじ）後（あとぅ）、学校（がっこう）於（をぅ）とおてぃぬ教（うし）いぬしい成（な）さりい次第（しんでえ）、「標準語（ひゅうじゅんぐ）」ぬ成てぃちゃあに、作家（むぬかちゃあ）達（たあ）ぬすぬ創作（むぬがたい）書（が）ち、またうぬ他（ふか）ぬ文章（むんぐん）書ちゅる巡（みぐ）いぬはねえち、あんし語彙（くとぅばかじ）ん世（ゆう）・社会（しけ）んかい相応（ふさ）ゆる如（ぐとぅ）し、んずみてぃ、増（うゎあ）ちちゃあびたん。　やいびいしが、うちなあぐちえ、組踊（くみうどぅい）んでえんじ、しいなさってぃ、しいなる成さってぃ来（ち）ょおたる書（か）ち言葉あ、廃藩置県（ふぇえばんちきん）なゆしとぅまじゅん、昔物（んかしむん）けえなやい、継じゅる暇（いとぅま）ん取（とぅ）らさらな、県（知事や内務省からぬ遣え）ぬ強（し）いはっとうな習（なら）あしにゆてぃ、早々（ふぇえべえ）とぅ、先（ま）ぜえ、「書ち言葉」から日本語んかい変（か）わててぃいちゃびたん。　今（なま）ぬ語彙数（くとぅばかじ）ぬうすまさぬ違（ちげ）えみえ、書ち物勝負（しゅうぶ）ぬ違えみ故（ゆい）からなとおるむんどぅやいびいる。「書ち言葉」んでぃゆる言語（くとぅば）あ、「表現ぬ自由」とぅか法（ほう）とぬ関（か）がないや無（ね）えらな、物書（むぬか）ちゃあ達（たあ）が先走（さちば）いするむんどぅやいびいる。行政（しいじ）が言語（くとぅば）ゆ扱（あち）えゆる事（くとぅ）ぬないしえ、実（じつ）え、ようい、いふぃ小（ぐゎあ）、くうてん小どぅやいびいる。あんし、言語ぬ勝手（かってぃい）達や、傍（すば）から調（しら）びたい、整（とぅとぅぬ）いたいするうっぴどぅやいびいる。　「言語ぬ自由（じゆう）」や、何時（いち）ぬ世（ゆう）ん、まあんかいんあるむぬやくとぅやいびいん。「汝（いゃあ）言葉遣（くとぅばぢけ）えや法とぅ合（あ）たらん」んでぃゆる話（なはしい）や、むさっとぅ、無（ね）えやびらん。　言語ぬ字引（じいふぃち）んでえや書ち物、通（とぅう）ち、取（とぅ）い上（あ）ぎらてぃ行ちゃびいん。店（まちや）ぬ看板（かんば）ぬんちょうん、同（い）ぬむんやびいん。　うん如（ぐとぅ）いし、、言語ぬ為（し）しい成（な）しや、書ち言葉ぬはねえかんでえ、なてぃいかんむんやいびいん。　文：比嘉清沖縄語の特徴と復興１３　この記事のシリーズの初めの段階で、沖縄語は、「話し言葉」を中心に受け継がれてきた経緯があります。　日本語の場合は、明治以降、学校教育の普及充実とともに、「標準語」が確立し、作家らによる創作活動、文筆活動が盛んになり、語彙も時代に合わせて爆発的に増えていきました。　反面、沖縄語は、組踊などで確立されつつあった書き言葉は、廃藩置県とともに、過去のものとなり、受け継がれる暇もなく、県（戦前迄は知事は内務省から派遣）の強力な教育指導で猛烈な勢いでまずは「書き言葉」から日本語化していきました。　現在の語彙力の圧倒的差は文筆活動の圧倒的差の産物なのです。「書き言葉」という言語の部分は、表現の自由が法律と関係なく、作家・文筆家が主導するものです。行政が言語をコントールする部分は、実はごく僅かにすぎません。そして、言語学者は後追いで纏めるにすぎません。　「言語の自由」はいつの時代でも世界中どこにでも存在するものだからです。「君の言葉遣いは法に違反している」という現象は起こり得ないのです。　言語の辞書辞典は書き物を参照して採録されていきます。店の看板でさえ、その対象です。　このように、言語の進化発展は書き言葉の隆盛なくして、ありえないのです。　文：比嘉清

2022年07月28日

コメント(0)
沖縄語ぬ特徴とぅ復興１2

沖縄語ぬ特徴とぅ復興１2　世界（しけ）ぬ主（うむ）だちょおる言語（くとぅば）あ、書（か）ち言葉（くとぅば）、持（む）っちょおいびいん。　うぬゆうな書ち言葉がただ、会話体（いちゃいはんちゃい）、書ち表（あら）わっちょおるむぬ、あらん事（くと）、特（か）わてぃ英語（いんじりい）ぬ場合（ばあ）見（ん）じいねえ、分（わ」かゆる筈（はじ）やいびいん。実音（じゅんにぬうとぅ）とぅ書ちい様（よう、スペル（古い撥音）ぬちげえみぬまぎさいびいん。　英語や一回（ちゅけん）のお、１２世紀（じゅうにしいち）ぐる、フラランシでえぬ外（ゆす）からぬ敵（てぃち）なかい攻（し）みらったる事んあやあに、無（ね）えんあいぎさあそおいびいたん。　インジリイ人（ちゅ）にとぅてえ外敵から国、を守（まむ）うる事とぅ文化（ぶんくゎ）かわてぃ言語、守ゆる事とお、同（い）ぬやんでぃ思（うま）らあっとおたる筈やいびいん。　昔（んかし）からぬ表記（かちいよう）、いいくる、むとぅうする事お、また言語がなあめえめえ、けえないる事、防（ふし）じゅる事んかいないびいん。(方言ぬかあじ、書ち言葉ぬちむええし、うぬ書ち様しいねえ、なあ別（びち）ぬ言語んかいどぅけえないびいる)。　今ぬ有様んかい当（あ）てぃてぃ、リセットけえするむんどぅんやれえ、昔からぬ慣（な）り、すそんする事んかいないびらに。　書ち言葉あ実音とぅぬ違えみやか、語源（くとぅばぬむとぅ）、語法（成いよう、組み立てぃ）、風儀（ふうじ）、同ぬ風儀やる事、むとぅうちいちゆする事、とぅうち同ぬ形やる事んでえゆ大切（てえしち）にさびいん。　あんしいねえ、書ち言葉あ、ちゃぬ風儀し、なてぃいちゅむぬやいびいがやあ。　書ち言葉あ、書ち言葉、する事くるからしょうじてぃいちゃびいん。言葉書ちいねえ、言語作（つく）ゆる事んかいないる事んまんどおいびいん。やいびいしが、うんな作いや、ただぬ作いやあらんようい、進化（しいなし）どぅやいびいる。続ちゅん文：比嘉清沖縄語の特徴と復興１2　世界の主な言語は書き言葉を持っています。　これらの書き言葉は単に会話体を表記したものでないことは、特に英語の場合をみれば、気付きます。実音とスペル（古い発音）の差が大きいです。英語は、一度は１２世紀ごろから、フランス等の外敵の侵攻等もあって消滅の危機にありました。　イギリス人にとって外敵から国を守ることと文化とくに言語を守ることは、同じ次元のものだったようです。古表記を概ね維持することは同時に言語の分裂を防ぐことにも繋がります。(方言毎に書き言葉のつもりで表記したら別の言語になるのです)。現状に合わせてリセットしてしまうことは、過去の否定につながりかねないからでもあります。　書き言葉は実音との違いより、語源、語法、体裁、統一性、一貫性つまりは安定性などに重きを置いています。　では、書き言葉はどうやって出来上がっていくのでしょうか。　書き言葉は書き言葉を実践することで書き言葉自体から生じます。書き言葉の実践は、言語の加工を伴います。だが、そこで起こる「加工」は単なる加工ではなく、進化（発展）です。続く文：比嘉清

2022年07月21日

コメント(0)
沖縄語ぬ特徴とぅ復興１１

沖縄語ぬ特徴とぅ復興１１　うちなあぐちにちいてえ、日本（やまとぅ）はじみウランダ-んでえぬ言語学者達（たあ）が１８世紀（しいち）まんぐるから検（あらた）みらってぃ来（ち）ょおいびいん。　他所（ゆす）ぬ検みやあたあが、自（どぅう）なあたあくるぬ語（くとぅば）し、検みてえるむんゆ書（か）表（あらわす）しえ、合点（がてぃん）ないびいしが、うちなあんちゅぬやいがなあ、うちなあぐちし書ちぇえる検み文や、いいくる、見（ん）ちゃる事（くと）お無（ね）えやびらん。あらんでえまた、我（わあ）勉強不足（びんちょうぶすく）がやらあん分（わ）からのおあいびいしが…。　うんなんまた、うちなあぐちがちゃんとぅそおる書ち言葉（くとぅば）、持（む）っちぇえ居（をぅ）らん事ぬ表わりえあびらに。　　「ちゃんとぅそおる」書ち言葉ぬ無えんでぃゆしん、またうちなあぐちぬ特徴（しょうしち）ぬ一（てぃい）ちやいびいん。　あらぬ、うちなあぐちし書かっとおるる本（ふん、しゅむち）、書ち物（むん）やまんどおい、比嘉ぬ言（い）ちょおる事お当（あ）たらんでぃち、ちゃあき、叫（あ）びらりぎさあやいびいん。やいびいしが、大言語（うふくとぅば）ゆ良（ゆ）う見（ん）ち、書ち言葉ぬ形（ない）、考（かんげ）えてぃ見（に）いねえ、似（に）ちょうてぃん、同（い）ぬ如（ぐと）おるむぬおあいびらん。「ちゃんとぅそおる」書ち言葉あ、ただ、話し言葉ゆ書ち表わちょおるうっぴぬむぬおあらんくとぅやいびいん。　　言葉ぬ書ちい様（よう）にちいてえ、ばんじ、あらがあさっとおいびいん。　うんなあらがあぬさっとおる事くるが、うちなあぐちゆ言語（くとぅば）とぅしち、スタートラインんかい置（う）ちゅるしいじやびいん。あんしまや、復興（またうくし）にちいてぃ、いいくるアイヌ語とぅかハワイ語んでえとぅ比（く）なびらりいる事ぬあいびいん。　くりかあや、我（わあ）が某紙（なにがしぬしんぶん）ぬんかい書ち送（うく）たる論壇（るんだん）とぅ似ゆしが、書ち行（い）ちゃびら。筆：比嘉清沖縄語の特徴と復興１１　沖縄語をめぐって、日本はじめ欧米の言語学者らが１８世紀ごろから研究されています。　外部の研究者が彼らの自国語で研究内容を発表するのは分かりますが、内部の研究者でも沖縄語で書かれた研究発表はおよそ目にしたことがありません。あるいは私の勉強不足かもしれませんが…。　こうした事情も沖縄語が確固とした書き言葉を有してない事の表われではないでしょうか。　　「確固とした」書き言葉がないというのも沖縄語の特徴の一つです。　いや、沖縄語で書かれた本や書き物は多いし、その指摘は当たらないと即座に指摘されるでしょう。しかし、メジャーな言語を参考に書き言葉の要件を考えてみた場合、必ずしもそうした要件を満たしてるわけではありません。「確固たる」書き言葉は「単に話し言葉を書き表したもの」ではないからです。　　表記の問題は盛んに議論されています。　この議論がなされること自体、沖縄語をスタートラインに置くことを意味します。そして、復興についてよくアイヌ語やハワイ語が引き合いにされることがあります。　このくだりは、私が某紙に投稿した論壇内容とダブりますが、あえて触れていきたいと思います。筆：比嘉清

2022年06月24日

コメント(0)
沖縄語ぬ特徴とぅ復興１０

沖縄語ぬ特徴とぅ復興１０　うちなあぐちぬ、復（ま）た興（う）くする為（たみ）ねえ、なあいふぃへえ、うちなあぐちぬ特徴（しょうしち）とぅうぬ歴史（りちし）ん、把握（か）ちみとおかんでえならんでぃ思（うみ）やびいん。　やいびいくとぅ、なあふぃん、うちなあぐちぬ事（くとぅ）ぬ語（かた）らなやあんでぃ思とおいびいん。　　美（ちゅ）ら、あらんでえ又（また）、昔（んかし）うちなあぐちえ、南米（なんびい）ぬうちなあんちゅんちゃあんかいどぅあんでぃぬ話（はなしい）やいいくる聞（ち）ちゃる事ぬ人（ちゅ）おまんどおる筈（はじ）やいびいん。　沖縄ぬいちなあんちゅとぅ南米ぬうちなあんちゅんかい、うちなあぐちぬ使（ちけ）え様（よう）ぬ違（ちげ）えみぬあんでぃしいねえ、戦後（いくさとぅ）ぬ歴史ぬ別（びち）なとおたる事おあらんがあらんでぃ思とおいびいん。　戦後ぬうちなあや本土（やまとぅ）向（ん）かてぃ、方言札（ほうげんふだ）さあに、言語懲（くとぅばぐる）ち、南米ぬうちなあんちゅお、故郷（くちょう）思（うみ）いし、うちなあちゅとぅしち、意地（いじ）持（む）ち、うちなあぐちかたくじらうちなあ文化（ぶんくゎ）、あたらさしちゃるむぬやいびいん。うんなああきぬ違えみぬあくとぅどぅ、南米んかいや美らうちなあぐちぬあんでぃさっとおるばすおあいびらに。　復帰（ふっち）し直（ちゃき）頃（ぐる）までえ、うちなあぐち使（ちか）ゆる人（ちゅ）お、「あしばあ配（くば）い」さってぃん来（ち）ゃあびたしが、死（し）ぬるまでぃ、一言（ちゅくとぅば）ぬ「標準語（やまとぅぐち）」んちょうん、叫（あ）びゆさんたる祖母（はあめえ）とぅか孫（んまが）とぅ話（はなしい）するばすびけん、「標準語」、てえてえ物言（むに）いそおみせえたる母（あんまあ）とぅか、「標準語」叫びゆさんたるうんにいぬ人々（ちゅんちゃあ）や、うちなあぬ戦後（いくさあとぅ）教育（うしい）んかい、如何（ちゃ）ぬ様（ゆう）な思（うみ）いが持ちょおみせびいたら。　確（たし）かに、１９８０年（にん）代頃（でえぐる）までえ、沖縄ぬ遊（あし）ばあたあや、自（どぅう）なあたあ「標準語」ぬ如（ぐとぅ）、うちなあぐち、能（ゆ）い使（ちか）とおいびいたしが、うりん、時代（ゆう）どぅやびいたる。ちぢちゅん文：比嘉清沖縄語の特徴と復興１０　沖縄語の復興は沖縄語の特徴とこれを取り巻く環境を知り、把握しなければならないと思います。　ですから、もう少し、沖縄語を取り巻く環境について書いてみたいと思います。　　きれいな（あるいは古い）沖縄語は南米の沖縄人の間に残されているという話を耳にしたことがある人は多い筈です。沖縄の沖縄人と南米の沖縄人の間に、沖縄語の違いがあるとすれば、戦後の歴史を共有してないからだと思います。　戦後の沖縄は本土を強く志向し、方言札という言語弾圧の嵐の経験してきたのに対し、南米の沖縄人は、そうした経験をすることなく、故郷に思いを馳せ、沖縄人としての誇りと沖縄語や文化を大切にしてきたことがうかがえます。この差こそが両方の沖縄語の差なのではないでしょうか。　復帰間もない頃まで沖縄語をはなす人は「不良扱い」されたりもしましたが、死ぬまでついに片言の「標準語」を話すことができなかった祖母や孫と話するときだけそれこそ片言の標準語を話した母など、「標準語」をちゃんと使えなかったあのころの人々は、沖縄の戦後教育にどんな思いをいだていたのでしょうか。　確かに、１９８０年代頃までは、沖縄ヤクザの間では自分たちの「標準語」であるかのように沖縄語を使っていましたが、それも時代という「成り行き」でしかありませんでした。つづく文：比嘉清

2022年06月09日

コメント(0)
沖縄語ぬ特徴とぅ復興9

沖縄語ぬ特徴とぅ復興９　くぬめえ、沖縄県（うちなあきん）ぬ文化観光（ぶんくゎくゎんこう）スポ―ツ部（び）ぬ「しまくとぅば」ぬ今（なま）ぬ有様（ありさま）ぬ検（あらた）みなかいや、コロナ禍（さび）故（ゆい）んでぃんさっとおいびいしが、「しまくとぅば」使（ちか）いゆうする人（ちょ）お、１４％ん、減（ふぃ）なとおんでぃぬ事（くとぅ）やいびいん。　如何（ちゃ）ぬ風儀（ふうじい）ぬ検みがやたら、委細（いせえ）な事お分（わ）からのおあしびいしが、うちなあぐちさあぬいきらくなとおしえ、今迄（なままでぃ）と変（か）わやびらん。　　うりえ措（う）ち、うちなあぐちぬ特徴（しいしち）ぬ事んかい話（はなし）、戻（むどぅ）さびら。　うちなあぐちぬ無（ね）えらんなてぃ行（い）ちゅる一番（いちばん）ぬ原（むとぅ）お、日本語（やまとぅぐち）とぅ入（い）り替（か）とおる事どぅやいびいしが、やくとぅんでぃち、なあ、うちなあんちゅから日本語、取（とぅ）い外（はん）する事、如何なしんないるむぬおあいびらん。言葉（くとぅば）んでぃせえ、一回（ちゅけん）、うぬ味（あじ＝良たさ）、覚（うび）いねえ、すびけえないびいん。　今ぬ英語（いんじりい）ん、言葉ぬ半分（はんぶん）びけえや、フランシ語どぅやいびいしが、しょう英語んかい戻さりやびらん。日本語やてぃん、中国語由来（ゆりい）ぬ漢語（かんご）ぶったなやい、元から日本語やたんねえ、取い外する事お、じょういないびらん。　やいびいくとぅ、今ぬ有様あ、うぬまあまあそうち、別（びち）ぬしい様（よう）さんでえならんばすやいびいん。あんせえ、如何しいねえ済（し）まびいが。筆：比嘉清沖縄語の特徴と復興９　先頃、沖縄県の文化観光スポ―ツ部は「しまくとぅば」の現状についての調査によると、「コロナ禍の影響もあるものの」とした上で、「しまくとぅば」を使う人が１４％も減少したのと結果でした。　どのような調査内容が適切かどうかは分かりませんが、話者が減少傾向にあることは従来と変わりないようです。　　それはさて措き、話題を戻しましょう。　沖縄語話者が減少していく一番の原因は、日本語と置き換わっているからなのですがびいしが、だからといって、もはや、沖縄人から日本語を取り除くことは不可能で非現実的です。言葉といいうものは、一度使い、その良さを身に着けてしまえば、外す事はできません。　現代英語も、その語彙の約半分はフランシ語だとされていますが、古代的英語には戻すことはできません。日本語でも、中国語由来の漢語は日本語語彙の圧倒的部分を占め、元から日本語だったかのうようでであり、取り外す事はできません。（註:「当分の間用いる」という意味の「当用漢字」という表現を止め、今「常用漢字」に改めています）。　ですので、現状（沖縄人が日本語を普通語としている現状のこと）は、そのままにして、ただ、「使いましょう」方式ではなく、別の沖縄語復興方法を確立しなければなりません。　ではどのような方法があるのでしょうか。筆：比嘉清

2022年05月27日

コメント(0)
沖縄語ぬ特徴とぅ復興８

沖縄語ぬ特徴とぅ復興８　米軍（びいぐん）なかい掛（か）きらたんでぃぬ異風（いふう）な代（ゆう）んなやあに、戦後（いくさあとぅ）ぬうちなあぐちがすそうんさってぃちゃる事（くと）お、沖縄（うちなあ）ぬてえげえ、まあんくぃんぬ小学校（しょうがっこう）うとおてぃ「方言札」掛（か）きぬさってぃ来（ち）ゃる事（くとぅ）からん分（わ）かゆる事やいびいん。　やいびいしが、戦前（いくさめえ）、「沖縄学の父」んでぃ、言（い）らっとおる伊波普猷が「うちなあぐちえは滅（ふる）びる言語（くとぅば）やん」でぃち言（い）ちゃる事ん、今（なま）ぬ有様（ありさま）ぬ先走（さちば）いとぅなとおたる事んあら筈（はじ）やいびいん。　学校うとおてえ「標準語（日本語）」ぬ上手（じょうじ）やる組（ぐう）とぅ下手（ふぃた、ひた）やる組（註）んかい分（わ）かりやい、学業ぬ成績ん、てえげえや、上手組や出来（でぃ）きやあ、上手あらぬうや、出来らぬうんでぃ分かりてぃ行ちんでぃ言らっとおいびいしが、我考（わあかんげ）なかいや、あねえあらんでぃ思（うむ）とおいびいん。　我（わあ）同期（ちるみい）なかい、大学（でえがく）を卒業（すつじょう）し、公務員んかいなたる人（ちゅ）ん居（をぅ）いびいしが、今（なま）ちきてぃ、「標準語」（やまとぅぐち）え上手（じょうじ）えあいびらんしが、うちなあぐち叫（あ）びらしいねえ、人ぬけえ変（か）わたんねえ、叫びたっくゎあさびいん。　また、シマかじなかい言葉（くとぅば）ぬ変わゆしん、うちなあくるぬ特徴（しいしち）やんでぃ思（うま）っとおいびいん。我くるん、確（たし）かに、シマ毎（かじ）ぬ言葉ぬ違（ちげ）えみぬあんでぃ思（うむ）とおいびいん。　やいびいしが、言葉ぬ地域（しまかじ）ぬ違えみえ、沖縄びけんぬむぬおあいびらん。話し言葉があんないしえ、世界中（しけじゅう）、同（い）ぬ特徴どぅやいびいる。　ただ、書（か）ち言葉ぬあぬ言語や、うりがなあシマ言葉ゆ引（ふぃ）っ張（ぱ）やあ引っ張やあする為（たみ）なかい、なあ地域（シマ）言葉同士（どぅうさあ）ぬ違えみえ、まぎくお、なてぃ行かんでぃち考（かんげ）えらりやびいしが、書ち言葉ぬ無（ね）えらな、てえげえ、話し言葉びけんなとおる言語ぬばあや、なあシマくとぅばぬ違えみえ、まぎくなてぃ行ちゅんでぃ思ありやびいん。良（ゆ）し悪（あ）しや措（う）ち。註：うちなあぐちえ、遊（あし）ばあたあ、言葉やたる事んあいびいたん。筆：比嘉清【語句】沖縄語の特徴と復興８　米軍統治という特殊な時代を背景にして戦後の沖縄語が粗末に扱われてきたことは、沖縄のほぼ全域で戦後も小学校で「方言札」が実行されてきたことで十分、説明できます。　しかし、戦前、「沖縄学の父」とされた伊波普猷が「沖縄語は滅びゆく言語である」と予言したこともその素地になっていた可能性もあります。　学校では「標準語（日本語）」の上手なグループと下手なグループ（註）に二分され、学業成績も概ねそれに比例していったといわれますが、私見では実際はそうでもなかったと思います。　私の同期の中では、大学を卒業し、公務員になった人もいますが、いまだに、「標準語」が上手でなく、うちなあぐちでは水を得た魚のように喋ります。　また、集落単位で言葉が異なるのも沖縄語の特徴だとされます。私も確かに狭い沖縄で言葉の地域差を実感します。しかし、言葉の地域差は何も沖縄に限ったことではなく、世界中にある話し言葉の特徴の一つです。ただ、書き言葉を持つ言語はその共通する強い回帰性（参照できること）によって差が薄まると考えられますが、書き言葉を持たず、話し言葉中心の言語の場合は、薄まらないと考えられます。良し悪しは別として。註：沖縄語は沖縄ヤクザの言葉だったこともあります。筆：比嘉清

2022年05月21日

コメント(0)
沖縄語の特徴とぅ復興７

沖縄語ぬ特徴とぅ復興７　うちなあぬ言語（くとぅば）が、前（さち）、述（い）ちゃる通（とぅう）い）、やまとぐちんかい入（い）り替（か）わたる後（くさあ）んかいや、他（ふか）ぬ「少数言語」とお変（か）わとおる経緯（いちない）ぬあいびいん。　戦後（いくさあとぅ）、敗戦（まきいくさ）ぬ慣（なり）とぅしち、米軍（びいぐん）なかい掛（か）きらったる事（くとぅ）やいびいん。占領（うふぃぬ）米軍んかいぬ反発（げえ）んあてぃ、うちなあんちゅお日本（やまとぅ）ゆ「祖国（すくく）」んでぃち扱（あちけ）えやあなかい、戦前（いくさめえ）ぬ本土政府（やまとぅしいふ）ぬ「皇民化政策」とぅ同（い）ぬ如（ぐとぅ）、自（どぅう）なあたくるし、本土化（やまとぅない）、進（しし）みてぃちゃるむぬやいびいん。うりんまた占領軍（びいぐん）かいぬ抵抗（げえ）んやいびいたしが、けえてえ、抵抗ぬ「象徴（しるし）」がやたらんわかやびらん。　あんさあに、日本語（やまとぅふち）ゆ本土人並（やまとぅんちゅなみ）に使（ちけ）えくなあち、勝負（すうぶ）する如し、「日本的（やまとぅふうじい）エリート」ゆっ志（っくるざし）しちゃるむぬやいびいん。　うぬ陰（すば）んじえ、うちなあぐちえ、いいくる、粗（す）そうん軽（かろ）うんさってぃ、来（ち）ゃあに、なあだ、うちなあんちゅぬ１００％がそううちなあぐちさあやたる戦、終（うわ）てぃ直（ちゃあき）どぅやいびいしが、「哲学書ぬ一頁やてぃん、琉球方言なかい翻訳（とぅんじい）なゆみ」（でならんさに←筆者加筆）んでぃち、大概（てえげえ）、うっちゃんなぎらってぃちゃるばすやいびいん。　うんな事がどぅ、うちなあぐちに哀（あわり）やいびいる。他ぬ少数的危機言語とぅぬ違（ちげ）えみんやいびいん。目（みい）ぬ覚（さみ）てぃにいねえ、そううちなあぐちさあや、うすまさ、けえ減（ふぃ）なてぃ、２００９年（にん）ねえ、「消滅危機言語」とぅしち、定（さだ）みらたるばすやいびいん。筆：比嘉清沖縄語ぬ特徴とぅ復興７　　沖縄の言語が前述のように、日本語への入れ替わりが進んだ背景には、他の少数言語と異なる歴史的事情がありました。　戦後、米軍に占領されたという歴史を背負わされたことです。占領米軍への反発もあって、沖縄県民は日本を「祖国」と位置づけ、戦前の本土政府の皇民化政策と踏襲する形で、自ら本土化を推進してきたのです。それも占領軍への抵抗の一つであり、むしろ、抵抗の「象徴」であったのかも知れません。　そして、日本語を本土人並に使いこなし、競って、「日本的エリート」を目指した側面もありました。その陰で沖縄語は、まだ、県民の１００％が話者で終戦後間もない頃に既に「哲学書の一頁、琉球方言で翻訳できるか」（できるわけないだろう←筆者加筆）と、無視に近い扱いをされていたのです。　こうした考えが、復帰の頃まで支配的だったのが沖縄語の悲劇です。他の少数的危機言語との背景の違いです。気付いた帰途には話者は激減し、２００９年にはユネスコは沖縄語を消滅危機言語に指定しました。

2022年05月10日

コメント(0)
沖縄語の特徴とぅ復興６

沖縄語ぬ特徴とぅ復興６　てえげえや、話（はな）し言葉（くとぅば）ゆびけんなかい「使（ち）やびらう」運動（うんどう）びけえせえ、うちなあぐち、受（う）継（ち）行（い）ちゅる事（くと）お、いいくる、難（むち）かさああいびらに。　たとぅれえ、大阪弁とぅか東北弁ねえし、ただ話（はなしい）さい、語（かた）たいするうっぴせえ、なあ、ちゃあんならんなとおいびいん。　書（か）ち言葉ぬなてぃちゃる政治（しいじ）ぬ入要（いりゆう）とぅか宗教（うがんぐとぅ）ぬ入要とぅかん無（ね）えらなそおてぃ、今更（なまでぃい）から、実（じゅん）に書ち言葉ぬ入要やみんでぃうあらがあいやあら筈（はじ）やいびいん。やいびいしが、言語（くとぅば）ぬ受け継じんでぃぬちむむええからあ、ちゃあそうてぃん入要どぅやいびいる。　他（ゆす）ぬ言語ぶ場合（ばあ）ぬ継承（うきちじ）や、平生（ふぃいじい）から、むとぅうち、あんしまた、日々（ふぃび）ぬ仕口（しくち）ぬ中（なあか）うとおてぃ、「うびらじに」受き継がっとおいびいん。どぅく、当（あ）たい前（めえ）過（し）じてぃ、言葉、受ち継じょおんでぃぬ肝（ちむ）ん無えらんあたいやいびいん。　やいびいさ、学校（がっこう）うとおてぃ、教科書、通（とぅう）ち、受ち継がってぃどぅ居（をぅ）いびいる。　筆：比嘉清沖縄語の特徴と復興６　話し言葉を中心とした「使いましょう」運動だけでは、沖縄語の継承は困難ではないでしょうか。　たとえば、大阪弁や東北弁のように、ただ話し継いでいけば継承できるというものではなくなっているのです。　書き言葉の成立要件であった政治的要請や宗教的要請もない現代で、今更、書き言葉が必要かという議論はあるでしょう。だが、言語の継承という側面からどうしても必要なのです。　他の言語の場合は、その継承は日常的に、継続的に、そして日々の活動の中で、ほぼ「無意識に」継承されています。当たり前過ぎて、継承であることを気付かないほどです。　そうです。学校で教科書を通して継承されています。　筆：比嘉清

2022年05月03日

コメント(0)
沖縄語ぬ特徴とぅ復興５

沖縄語の特徴とぅ復興５　言（い）いどぅんせえ、本土語（やまとぅぐち）ぬばあや、ちゃんとぅそおる学校言葉（書ち言葉＝回帰言葉）ぬあくちぅ、なあく国々（地域）ぬ弁（くち）までぃん、いいくる、むとぅうち来（ち）ょおい、よねえ、くじりてえ居（をぅ）いびらん。　やいびいしが、うちなあぐちぬばあや、学校言葉（がっこうくとぅば）あ、本土語どぅやい、なあしまくとぅばぬ回帰言葉（書ち言葉）あ、あいびらんどいぅあくとぅ、本土とお違（ちが）とおる有様（ありさま）んかいないる外（ふか）あ、無（ね）えやびらん。　うぬ有様んでえ、如何（ちゃ）様（ゆう）なむんやがんでぃ、言いねえ、うちなあぐちが日本語んかい置取（とぅ）い換（け）えゆる事（くとぅ）どくやいびいる。　どぅく、違えみぬある言語同士（くとぅばどぅうさあ）や、回帰言葉とぅしちぇえ、あらんようい、入り替（け）えてぃ行ちゅる命（みい）やるしいじやいびいん。　学校んでえんじ、保良（たむちゆ）たしく、むとぅうち行ちゅる事ぬないる書ち言葉（回帰言葉）ゆちゃんとぅ習（なら）ゆる仕組（しく）みぬなてえ居（をぅ）らんでえ、言葉あ、廃（した）りてぃ行ちゅるびけんやあいびらに。　あんしまた、うちなあぐちん、日本語語彙（やまとぅぐち）とぅ沖縄語音（うちなああぎさき）ぬまんちゃあくんちゃあ、けえなやあに、テレビドラマんじ聞（ち）ちゅる「沖縄弁化」（クレオール化）なてぃ来ょおいびいん。続ちゅん文：比嘉清沖縄語ぬ特徴とぅ復興５　つまり、本土語の場合は、ちゃんとした学校言葉（書ち言葉＝回帰言葉）があるから、それぞれのお国言葉も、（相互作用的に）概ね維持されきており、簡単には崩れないのです。　ですが、沖縄語の場合は学校言葉は、本土語（標準語）なのであり、それぞれの「しまくとぅば（地域語）」の回帰言葉（書き言葉）ではないのであるがら、本土とは異なる現象が起きてしまうのです。　その現象とはどういうものなのかといえば、沖縄語が日本語に置き換わるという現象です。　あまりにも、差のある言語同士の場合は、回帰言葉としては機能せず、入れ替わるという運命が待っているのです。　学校などで、安定的に持続していくことのできる書き言葉（回帰言葉）をきちんと学習できる制度がなければ、言葉は廃れていくほかはないでしょうか。　加えて、沖縄語も日本語語彙と沖縄語音が混合し、テレビドラマでみるような「沖縄弁化」（クレオール化）になってきています。つづく文：比嘉清

2022年04月21日

コメント(0)
沖縄語ぬ特徴とぅ復興４

沖縄語ぬ特徴とぅ復興４　　　やいびいしが、学校（がっこう）うとおてぃ習（なら）ゆる言葉（くとぅば）と家（やあ）、シマんじ使（ちか）ゆる言葉ぬ変（か）わとおてぃん、異風（いふう）なあ、思（うみ）いらんせえ、まあまでぃん、本土（やまとぅ）うとおてぃぬ話（はなしい）どぅやいびいる。　標準語とぅ胴（どぅう）なあ達（たあ）が丸平生（まるふぃいじい）ぬ使とおる言葉とぅ何（なん）ぞう、変わらんあい、標準語ん方言（地域語ゆ元（むとぅ）とぅさあに、作（つく）らっとおるむぬやくとぅやいびいん。　やいびいしが、うちなあぐちぬばあや、また、別（びち）やいびいん。　国語学（くくぐがく）ぬ慣（なり）や、かあま昔（んかし）に日本語（やまとぅぐち）とぅ沖縄語や日本祖語（にふんぐぬあひゃあ）から分（わか）りてぃ来（ち）ょおんでぃ言（い）らっとおるあたい、「二大方言」けえなやあに、今（なま）いや、なあ互（たげえ）に通（つう）じらん言葉んかいけえなとおいびいん。　やいびいくとぅ、学校んじ習ゆる標準語お、まあまでぃん、日本語どぅやい、家シマんじ使ゆる言葉とお、別（びち）ぬ言葉どぅやいびいくとぅ、言葉ぬ継承（ち）じや、むさっとぅ、ならんしいじや、沖縄語ゆ継（ち）じゅる事（くと）とお、何ぬ関がないん無（ね）えやびらん。続ちゅん文：比嘉清沖縄語の特徴と復興４　　　ですが、学校で習う言葉と家庭地域で使う言葉が変わっていても、違和感を覚えないのは、あくまで、本土でも話です。　標準語と自分たちが普段使う言葉とそれほど変わらないし、標準語とはいえ、地域語を元に作られたもものだからです。　ですが、沖縄語の場合は事情が異なります。　国語学の「定説」によれば、はるか昔に日本祖語から日本語と琉球語に分かれてきたされるほど、「二大方言」に変化し、今では、もはや互いに会話ができない言言語になってしまっているのです。　ですから、学校で習う標準語はあくまで日本語なのであり、沖縄の家庭や地域で使う言葉とは、別の言語なのであるから、言葉の継承にあなるとは言えないし（当然ですが）、沖縄語の継承とは何ら関係がありません。つづく文：比嘉清　　

2022年04月20日

コメント(0)
うちなあぐちぬ特徴とぅ復興３

うちなあぐちぬ特徴とぅ復興３　話（はな）しち言葉（くとぅば）や、うぬ特徴（しょうしち）故（ゆい）に、いいくる、しまぬかあじ、分（ぶん）ぬかあじ、代（でえ）ぬかあじ、またええずう同士（どぅうさあ）うとおてぃ、変（か）わてぃ行（い）ちゅるむぬやいびいん。あんし、長（なげ）えさ、ようそうちねえ、別（びち）ぬ言語（くとぅば）んかい、けえないるむぬやいびいん。　書（か）ち言葉ぬ役（やく）ぬ一（てぃいち）なとおる回帰言葉（うてぃけえいくとぅば、たちむどぅいくとぅば）や、うぬゆうな話し言葉ゆ纏（まとぅ）みゆる役ぬあいびいん。言語んでぃせえ、確（たし）かに親（うや）から子（くゎ）んかい、子から孫（んまが）んかい継（ち）じ行ちゅるむんやいびいしが、うぬ事（くと）お、まあまでぃん、うぬシマぬ話し言葉ぬばあどぅやいびいる。　書ち言葉あ、学校（がっこう）んでえ、教育現場（ならあするとぅくる）とぅかや書ち物（むん＝書物）、通（とぅう）ち継がってぃ行ちゃびいん。シマかじ、話し言葉ぬ変わとおてぃん、学校（教科書）んじ習（なら）ゆう言葉あ、一ちどぅやい、またむとぅうゆる書ち言葉どぅやいびいる。　童（わらび）生徒（しいとぅ）ん達（ちゃあ）や、自（どぅう）ぬシマ言葉とぅ変わとおてぃん、異風（いふう）な思（うみ）んさんようい、当（あ）たり前（めえ）ぬ事ねえ、うんな書ち言葉（がっこう）ゆ、取（とぅ）受（う）きとおるばすやいびいん。筆：比嘉清【語句、訳】　話し言葉は、その特徴として常に、地域ごと、階層ごと、世代ごとあるいはグループごとに変化し、枝分かれしがちです。長い年月、ほっておくと、別の言語に分化していきます。　書き言葉の役割の一つとしてある回帰言葉はそうした話し言葉を束ね、纏める役割を担っています。言語は確かにその地域のなかで親から子へ、子から孫へと継承されていくものですが、それはあくまで話し言葉の場合です。　書き言葉は、学校等教育現場や書き物を通して継承されます。地域ごと話し言葉が異なっていても、学校（教科書）で習う言葉は統一的で安定的な書き言葉です。　子供たちは地域で話す言葉と違っていても、違和感を抱くことなく当然のように、書き言葉を受け入れています。続く筆：比嘉清

2022年04月11日

コメント(0)
うちなあぐちぬ特徴とぅ復興２

うちなあぐちぬ特徴とぅ復興２　　例（たとぅ）れえ、戸籍名（くしちなあ）や書ち言葉（くとぅば）やい、音引（うんび）ちさっとおる名や話し言葉やんでぃしいねえ、書ち言葉とぅ話し言葉ぬ違（ちげ）えみえ、いふふぇえ分（わ）かゆるむのおあいびらんがや。　元々（むとぅむとぅ）、書ち言葉んでぃせえ、御万人（うまんちゅ）、かきゆる為（たみ）なかい、また宗教（うがんぐとぅ）ゆ保（たむ）ち、広（ふぃる）みゆる為（たみ）なかい、話し言葉ゆ元（手本）とぅさあに、作（つく）らったるむぬどぅやいびいしが、月日（ちちふぃ、ちちひ）ぬ経（た）ち次第（しでえ）、立場（たちふぁ）あ、うっ返（ちぇ）えりやあに、今（なま）いや、書ち言葉ぬどぅ、話し言葉ゆ扱（あち）けえとおるばすやいびいん。　うぬ現象（ありさま）あ、まあぬ大言語（うふくとぅば）ん大概（てえげえ）、同（い）ぬ道（みち）歩（あ）っちちょおいびいん。　あんし、書ち言葉あ、色（いる）んな役目（やくみ）ぬ被（か）んじゅんねえしなてぃ来（ち）ょおいびいん。うぬ一（てぃい）ちえ、回帰言葉（うてぃけえいくとぅば、たちむどぅいくとぅば）やいびいん。ちぢちゅん。文：比嘉清【語句、訳】　うちなあぐちぬ特徴とぅ復興２　例えば、戸籍名が書き言葉であり、音引きされた名は話し言葉だとすれば、書き言葉と話し言葉の違いが、少しは理解できるだでしょうか。　元々、書き言葉なるものは、人民（国民、民族、その共同体の構成する人々）を統治する目的で、また宗教を安定的し、かつ広める目的で、話し言葉を元に発明されたものでしたが、歴史時間の経過とともに双方の立場が逆転し、今では、書ち言葉が話し言葉を制御するという風になってきています。　この現象は、メジャーな言語では大抵、同様な経緯を歩んできています。　そして、書き言葉は、様々な役割を担うよになっています。その一つが、「回帰言葉」としての役割です。つづく。文：比嘉清

2022年04月06日

コメント(0)
うちなあぐちぬ特徴とぅ復興

うちなあぐちぬ特徴とぅ復興（またうくし）　うちなぐちぬ一番（いちばん）ぬ特徴や、廃藩試験後（あとぅ）、ちゃんとぅそおる書ち言葉、持（む）たんなやあに、話（はな）し言葉（くとぅば）一方（ちゅかたあ）けえなとおる事（くとぅ）やんでぃ、思（うむ）やびいん。　話し言葉ぬ特徴や、世界（しけ）ぬまあぬ言語（くとぅば）んあんやいびいしが、語（くとぅば）ぬあまくま、肝（ちむ）ぬ向（ん）かゆる侭（まま）、音引（うんび）ちする事やいびいん。　分（わ）かい易（や）っさんねえし、言（い）いねえ、例（たとぅ）れえ、人（ちゅ）ぬ名（なあ）ぬ叫（あ）び様（よう）やいびいしが、いいくる音引ちなかいさっとおいびいん。清　きよしー。正子　まさこー美穂　みーほーなび　なびーかまどぅ　かまどぅーでえぬ如（ぐとぅ）やいびいん。　言語（くとぅば）にゆてぃ、また語尾（尻音）が母音やみ子音やみんでぃぬ違（ちげ）えみしん音引ちする所（とぅくる）お変（か）わやびいん。GOD（ゴッドゥ）⇨ガー。Michael（マイケル）⇨マイコーAntonio（アントニオ）⇨アントーニオなあ言葉言葉んかい、うぬばううぬばすぬ色（いる、表情）、たっ加（くゎ）あする事にゆてぃ、叫びとおる人ぬ肝内（ちむ）、腸内（わたうち）ぬ分かゆんねえ、なとおるしいじやいびいん。続ちゅん【語句】沖縄語の特徴と復興　沖縄語の最たる特徴は、廃藩置県以後、固定化（様式化）された書き言葉を持ってないことにより、話し言葉中心になっていることから生じていると思います。　話し言葉の特徴は、世界のどの言語でもそうあのですが、語のあちこちに、気分気持ち次第で、音引（きが行われることです。　分かりやすいように言えば、例えば、人の名を呼ぶ場合ですが、多くは音引きを伴っています。清　きよしー。正子　まさこーなび　なびーかまどぅ　かまどぅー　　以上のような感じです。　言語によって、また語尾が母音か子音かのよっても異なりますが、音引ちする音節位置が変わります。GOD（ゴッドゥ）⇨ガー。Michael（マイケル）⇨マイコーAntonio（アントニオ）⇨アントーニオ　それぞれの言語に、その場その場の話し手の感情が加わる事によって、音引きがされたり、抑揚が変化したりするのです。続く

2022年03月31日

コメント(0)
フルシチョフぬ名言

フルシチョフぬ名言　我（わあ）が中学生（ちゅうがくしい）ぬばすがやいびいたら、キューバ危機（ちき）ぬあいびいたん。　近頃（ちかぐる）なてぃ、うぬキューバ危機ぬ事（くとぅ）なかい、いるんな事ぬ明（あ）がらさっとおいびいん。沖縄婿（うちなあむうく）やたる米兵ぬ話（はなし）なかいや、沖縄ん無（ね）えらんいがすらんでぃぬ話、テレビんじそおいびいたん。　うれえ措（う）ち、（なま）あ、ロシア軍（いくさ）がウクライナんかい戦（いくさ）押（う）し寄（ゆ）してぃ、しい欲（ぶ）しゃ勝手（かってぃい）そおんでぃぬ報道ぬ毎（めえ）が毎日（めえんしひ）ぬ如（ぐとぅ）、さっといびいん。　キューバ危機ぬばすぬ旧ソ連ぬフルシチョフぬ話ゆ思（うみ）い出（ん）じゃさびいん。　うる覚（うびい）どぅやいびいしが、てえげえや下（しちゃ）ぬ通（とぅう）いやいびいたん。「戦あ狂人（ふりむん）ぬ始（はじ）ゆん。やしが、如何（ちゃ）ぬゆうな、まあぬ天才（すぐりむん）やてぃん、戦止（とぅ）ゆる事おならん。」　あん言（い）やあに、フルシチョフやアミリカんかい向（ん）きてぃキューバんかい据（し）きとおたる弾道ミサイルゆ引（ふぃ）ちなちゃんでぃぬ事やいびいたん。　ちゅけん、戦ぬ始まいねえ、始みたる人（ちゅ）お、なあ意地（いじ）けえなやあに、よねえ、止みららん筈（はじ）やいびいしが、如何なしん、世界（しけ）諸（むる）し、止みゆる手段（てぃだん）尽（ち）くさんでえないびらん。NO WAR！ PEACE UKRINE！　FREE UKRINE！フルシチョフの名言　私が中学生の頃だっでしょうか、キューバ危機がありました。　最近になって、そのキューバ危機に関するさまざまな事が明らかにされています。沖縄婿だった元米兵（軍用機で沖縄の核爆弾を韓国に輸送するようしじされていた乗務員）の話によれば、沖縄は消滅するかもしれないという事をテレビ（NHK）で証言していました。　それはさておき、今、ロシア軍がウクライナに侵攻して、ウクライナを破壊しているとの報道が連日のようになされています。　キューバ危機のとき、旧ソ連のフルシチョフ首相の話を思い出した次第です。　うろ覚えではありますが、およそ次の通りのだったと思います（当時の書簡が米ロ双方にあるはずです）。「戦争はバカが始める。だけど、一度始まった戦争は、どこのどのような天才でもそれを止めることはできない」　そう言って、フルシチョフはアミリカに向けてキューバに設置していた弾道ミサイルを引き上げたとのことです。　一度、戦争を始めれば、始めた人は、意地の塊（虜）になってしまい、簡単には止められないでしょうが、どうしても、世界中は、止めるためのあらゆる工作を尽さなければなりません。NO WAR！ PEACE UKRINE！FREE UKRINE！

2022年03月10日

コメント(0)
龍柱あらがあい

龍柱あらがあい　昨日（ちぬう）ぬ新聞、読（ゆ）なびたしが、御城（うぐしく）ぬ龍柱やまんかい向（ん）きゆがんでぃぬ事（くとぅ）なかい、今（なま）ちきてぃ、話（はなし）ぬ纏（まとぅ）まらん風儀（ふうじ）やいびいん。　龍柱や前（めえ）んかいどぅ向きゆみ、たんかあんかいどぅなすみんでぃぬ事やいびいん。　元々（むとぅむとぅ）、龍柱や何（ぬう）ぬ為（たみ）、何ぬ積合（ちむええ）し、建（た）てぃらってぃが居（をぅ）いびいら。　琉球（るうちゅう）んじ一番初（いちばんはじ）みに建（た）てぃらったる八重瀬（いぇえじ）ぬ獅子（しいさあ）や、火走（ほうは）い、鎮（しじ）みゆる積合にあたんでぃぬ事やいびいしが、うりに抗（あらが）ゆる為なかい、南風原（ふぇえばる）んじえ、八重瀬んかい向きてぃ、獅子建てぃたるむぬやいびいしが、別（びち）ぬシマから、自（どぅう）ぬシマんかいどぅ向かとおるんでぃち、思（うみ）いばっぺえし、また同（い）ぬ如（ぐとぅ）、抗あゆる為なかい、南風原んかい向きてぃ、獅子造たんでぃぬ伝（ち）てえ話ぬあいびいん。　うんな事、考（かんげ）いねえ、龍柱ん風気（ふうち）また災禍（さび、わざゑえ）返（げえ）しぬ意味（ちむええ）や無（ね）えやびらに。　風気災禍返しぬ意味やいどぅんせえ、外向（ふかん）き、言（い）いどぅんせえ、正面（めえ）んかい向きしがどぅ、実（じゅん）ねえあいびらに。たんかあなしいねえ、風気災禍返しぬ意味え無（ね）えらんないがすらん分かやびらに。　あんせえ、何んでぃち、後々ぬ龍柱やたんかあけえなとおいびいたがやあんでぃぬ話んかいないびいしが、何がなぬ祭（まちい）ぬばす、御庭（うなあ）んかい揃（すり）ゆる人（ちゅ）ん達（ちゃあ）が、「何がうぬ龍柱や人んかい向きとおる」あらんでえ「清（中国）んかいどぅ向きとおみ」んでぃち、癖（くし）し、たんかあ向きいんかい直（のお）ちゃるむのおあいびらに。　やいびいくとぅ、「何ぬ意味（ちむええ）し龍柱ぬあが」んでぃぬ事から考（かんげ）えゆしえ、ましえあいびらんがらあ。琉歌龍柱ぬ慣や返し事（ぐとぅ）あてぃどぅ思事（うむくとぅ）ぬあてぃどぅ守（まむ）い立ちゅる筆：比嘉清【語句、訳】龍柱論争　昨日の新聞を読みましたが、首里城の龍柱をどこ向けにするかという事で、まだ議論が纏まらないようです。　龍柱は正面向きなのか、相対なのか。　そもそも、龍柱はや何のために、どういう意味があって、建てられてきたのでしょうか。　琉球で最初に建てられた（という）八重瀬の獅子は、火事を鎮めるためだった言われていますが、それに対抗して、南風原では、八重瀬に向けてぃ、獅子を建てたつもりが、別の集落が、自分の所に向けられていると、思い込み、同様に、対抗獅子を造ったという伝説があります。　そんな事から憶測すると、龍柱にも伝染病や災禍をはね返す意味がないでしょうか。　伝染病災禍返しの意味なのであれば、外向き、つまり正面向きこそ、本当ではないでしょうか。もし相対なら、伝染病災禍返しぬ意味が無くなりはしないだろうか。　ではなぜ、近年の龍柱は相対になったのだろうという話になりますが、何かの祭のとき、御庭に集合する人々が、「なぜ、龍柱はわれわれに向けられているのか」あるいは「清（中国）」に向けられているのかと嫌い、（前の火事で喪失して再建する機会に）相対に変更したのではないでしょうか（すべて想像、妄想です）。　言いたいことは、「何の意味があっての龍柱か」という事から考えるべきではないでしょうか。琉歌龍柱というものは返し事（魔除けなど）があってこそ思事（意味が）があってこそ守り立つ筆：比嘉清

2022年02月02日

コメント(0)
オミクロン

オミクロン　今（なま）あ、ばんじ、新（みい）コロナぬ種変（さにが）わいやるオミクロン株ぬうさまさ、流行（ふぇえ）とおいびいん。あんし、今迄（なままでぃ）ぬ種（さに）やか、三倍（さんべえ）、ぐるく、罹（か）かい易（や）っさんでぃぬ事（くとぅ）やいびいん。　人（ちゅ）ぬ細胞んかい、たっくゎい易（や）っさんねえし、また入（ふぇ）えりんちい易っさんねえし、棘（んじ）ぬまんでぃ、我（わ）んから我からさあに、人ぬ鼻（はな）、喉（ぬうでぃい）また横喉（ゆくぬうでぃい）んかい、入（い）ゆしとぅまじゅん、大概（てえげえ）ぬウィルスや鼻とぅか喉まんぐらぬ細胞んかい、直（し）ぐに入えりんちゅくとぅ、肺（ふぇえ、へえ）迄え、いいくる、行（い）かんぎさいびいん。（行ちぐれえいあらんでぃが思とおいびいらあ）　どぅく、ちゃっさきいなあ、ウィルス入（い）りいねえ、肺迄、入えりんち行ちゅるむぬんあら筈（はじ）やいびいしが、いきらウィルスやれえ、自（どぅう）ぬ持（む）っちょおる初期免疫さあに、けえ死（し）なすくとぅ、罹かてぃん、息辛（いちぢら）さんとぅか、強当（ちゅうあん）あたいさん風儀（ふうじ）やいびいん。　やいびいしが、病持（やんめえむ）ちとぅか、ワクチン打（う）っちぇえ無（ね）えらんあれえ、強当たいさびいくとぅ、たんきみしょうり。　かわてぃ、くぬ新コロナあ、油断好（ゆだんじ）ちやいびいくとぅ、ちゃあ、たんきとおちゅしえましやびいさ。返（けえ）し返（げえ）し、言（いゃ）びいしが、何（ぬう）やらん、早（ふぇえ、へえ）く、終（う）わてぃ、たぼり。琉歌オミクロンてぃしやそう抜（ぬ）があなやい鼻喉（はなぬでぃ）びけんし肝（ちむ）がふぃずら筆：比嘉清オミクロン　今は、新型コロナぬ新株であるオミクロン株が、恐ろしい勢いで、流行しています。そして、これまでの株より、三倍の速さで感染しやすいとの事です。　人の細胞に、くっ付き易いように、そして入り込み易いように、突起が多く、人間の鼻、喉また気管支に暴露すると同時に、大抵のウィルスは先を争って、鼻や喉付近の細胞に、直ちに入り込むので、肺迄は、殆ど行かないようです。（行くまでもないと思っているのでしょうか）。　あまりにも多く、ウィルスを取り込むと、中には肺迄、到達するのもあるかもしれませんが、それでも少しぐらいなら、自己の初期免疫力（初期消火する家庭用消火器？）で、対抗できる筈ですので、感染しても、息苦しいとか、重症化はしないようです。　ですが、持病のある人やワクチンを接種してない人（家庭用消火器？を使い果たした人）の場合は、重症化し易いですので、気を付けた方がよいようです。　特に、この新型コロナは、大の油断好きですので、気を付けるに越したことはありません。言い続けてきたことですが、とにかく、早く、収束しますように。琉歌オミクロンというものは慌てもので鼻喉だけで満足するものなのか註：琉歌は韻数を優先するので、「鼻喉（はなぬうでぃい→はなぬでぃ）」のように実音を略することがあります。筆：比嘉清

2022年01月22日

コメント(0)
龍柱あらがあ

龍柱あらがあ　今日（ちゅう）ぬ新報んかい、「『大龍柱「相対」』で質問状」んでぃぬ記事ぬあいびいん。　今（なま）あ、御城（うぐしく）ぬ再建（まただ）てぃすんでぃち、関（かが）なとおる人（ちゅ）ん達（ちゃあ）や、うはまとおみせえん。　ただ、龍柱やまんかい向（ん）かとおたがんでぃぬ事（くとぅ）にちいてぃ、たんかあいうやたんでぃぬ資料んあい、また、前向（めえん）けえややんでぃぬ資料んあいぎさいびいん。やいびいくとぅ、二通（たとぅう）いぬ資料ぬあれえ、何（じ）るんあたてぃどぅ居（をぅ）いびいる筈（はじ）やいびいくとぅ、何（ぬう）んでぃん定（さだ）みらりやびらん。　あんどぅんやれえ、なあ、前んかい向かてぃん、又たんかあなやてぃん済む（し）ねえし、４５度（どぅ）、回（みぐ）ゆる造（つく）すしえましえあいびらんがや。うんなしいや、いやでぃん、「ヴェニス憲章」んかい当たらんがあらあ分かやびらんしが。　異風（いふう）な、上（うわあ）ば事（ぐと）お、言（ゆ）なんでぃち、ぬらありいがすらん分からのおしびいしが…。琉歌何（ぬ）がし首振（くびふ）ゆる御城ぬ龍柱琉球（るうちゅう）心配（しわ）しどぅあまくま見（ん）じゅる（一字余い）筆：比嘉清龍柱論争　今日の新報に、「『大龍柱「相対」』で質問状」という記事がありました。　現在、首里城の再建を取り組んでいる人々は懸命に仕事をしています。　ただ、龍柱の向きについて、相対だったとの資料も前向きだったという資料もあるようです。ですから、二通りの資料があるのであれば、いずれも「正しい」ことになる筈であり、どうにも定めがたいようです。　であれば、前向きでも、又相対でも良いように、４５度、回転できる造りにすればよいのではないでしょうか。そういうやり方がはたして、「ヴェニス憲章」に抵触するかどうかは知りませんが。　変なこと、余計なことを口走しるなと怒られるかもしれませんが…。琉歌なぜに首を振る首里城の龍柱琉球（の行く末）を案じて目配せしているのだ（一字余い）筆：比嘉清()

2022年01月12日

コメント(0)
鬼ぬ股

鬼ぬ股　今日（ちゅう）やムーチーやいびいん。　玄関（じんくゎ）ぬんかい物退（むんぬ）きとぅしち、鬼（うに）ぬ股、飾（かざ）てえいびいん。今度（くんどぅ）ぬばあや、早（ふぇえ）くなあ、コロナ世（ゆう）ぬ終（うわ）ゆんねえ、願立（ぐゎんた）てぃ飾てえびいん。　実（じゅん）ねえ、家屋敷（やあやしち）ぬ四隅（かどぅかどぅ）んかい飾らんでえならのおあいびいしが、だあ、昔家（んかしやあ）とぅ造（つく）い様（よう）ぬ違（ちが）てぃ、四隅んかいや、柱（はあや）あ無（ね）えらな、コンクリートどぅやいびいくとぅ、縊（く）んち下（さ）ぎゆる事（くとぅ）んないびらん。　うちなあ正月（しょうぐゎち）、迎（んけ）えゆる為（たみ）ねえ、ムーチーや必（かん）なじさんでえならんむんやいびいん。琉歌ムーチーぬ慣（なれ）や鬼ぬ股どぅ飾るコロナん退きやい元（むとぅ）ぬ世果報（ゆがふ）筆：比嘉清鬼ぬ股　今日はムーチーです。　玄関に物退けとして、鬼の股を飾りました。今年の場合は、早く、コロナ禍が終りますように、願いを立てて飾りました。　本来なら、家の四隅に下げないといけないのですが、四隅に柱のある伝統家屋でもなく、四隅に柱もないコンクリート造りであれば、くびって下（さ）げることができません。　旧正月（うちなあ正月）を迎えるには、ムーチーはどうしてもしなｋればなりません。琉歌ムーチーの習慣として鬼の股こそを飾るコロナも跳ね除け元の穏やかな世に（しよう）筆：比嘉清

2022年01月10日

コメント(0)
魂脱がする新コロナ

魂脱がする新コロナ　昨日（ちぬう）ぬ沖縄（うちなあ）んじぬ新（みい）コロナんかい罹（か）かとおる人（ちゅ）お、１４１４人（にん）やいびいたん。夢（いみ）えあらんがあいびいら。　うぬ拡（ふぃる）まい様（よう）や、どぅくだらなやあいに、なあ、ただ魂（たまし）ぬ脱（ぬ）ぎゆる他（ふか）あ無（ね）えやびらん。実（じゅん）にうん如（ぐと）おる事（くとぅ）んあいびいみ。　病院人（ちゅ）ん罹かたい、罹かやあとぅまじゅん居（をぅ）たんでぃぬ事なかい、仕事（しくち）、欠（か）ぎゆる人んまんどおんでぃぬ事やい、医療（びょういん）ぬん、前（めえ）足掻（あが）ちんなならんなてぃ、又仕事んしいゆさんなとおんでぃぬ事やいびいん。PCR検査（ちんさ）くるん、侭（まま）ならんあたいけえなとおんでぃぬ事んやいびん。あんどぅんやれえ、なあ、熱（にち）とぅか、何（ぬう）がなぬ風邪（かじ、はなふぃち、ふうち）んでえぬあれえ、そうまりい、症状にゆてぃ、抗体カクテル、打（う）っちゃい、新コロナ用ぬ新薬（みいぐすい）飲（ぬ）まかいすしえ、ましえあいびらんがや。　恐（うとぅ）るしい世（ゆう）けえなとおいびいさ。　うぬ有様（ありさま）が新コロナ世ぬ終（う）わいぬ始（はじ）まいやれえ済（し）まびいしが…。超新星ぬ爆発する如（ぐとぅ）。うん如し、念（にん）じやびら。琉歌（るうか）コロナ暴（あま）ゆしや超新星ぬ（一字足らん）はっぷきゆる事に似やいたぼり筆：比嘉清腰抜かすほどに仰天させる新型コロナ　昨日の沖縄での新型コロナの感染者は１４１４人でした。　感染力のすざましさは、ひどい。ただ、腰を抜かす他、ありません。本当にこんなこともあるのでしょうか。夢かではないのでしょうか。　医療関係者も感染したり濃厚接触者になったりして、欠勤する人も多数いるとのことであり、医療もこなしきれなくなり、又治療もできなくなっているとのです。PCR検査ですら、侭ならならないほどでのようです。それならいっそのこと、もう、とにかく、熱など、何らかの風邪のような症状があれば、早急に、症状によって、抗体カクテルを打ったり、新コロナ用の新薬を処方するのがよいのではないでしょうか。　恐ろしい世の中になってしまいました。　この現状が新型コロナ禍の終わりの始まりであればよいですけど…。超新星の爆発のように（恒星の寿命が尽きる現象）。そう祈りましょう。琉歌（今のように）コロナが暴れるのは超新星の（一字足らず）爆発と同じでありますように註：足掻（あが）ちゅん=（肉体）労働する、農耕用牛馬が足を掻いて働く事に由来する言葉。前足掻ち=前に進む。足掻（あが）ちゃあ＝肉体労働者。筆：比嘉清

2022年01月08日

コメント(0)
明きま年、拝でぃ

明きま年、拝でぃ　ぐすうよう、明（あ）き間（ま）年（どぅし）、拝（うが）でぃ、嘉例（かりい）でえびる。今年（くとぅし）ん、くぬブログ、思愛（うみがな）さし、うたびみせえびいるぐとぅ、御願（うにげ）え、うんぬきやびら。　毎年（めえにん）、色（いる）んな事（くとぅ）ぬあやあに、いしょうさぬばあん、くさみちゅるばあんまた、なちかさるばあん、あたいさびいしが、諸（むる）、人ぬ慣（な）どぅやるんでぃち、思やびら。色々（いるいる）とぅ、思（うみ）病（や）みいしん済（し）むい、また、いちゃんだん、去（は）いくゎあち行（い）じん、なあ銘々（めえめえ）ぬ考（かん）げ様（よう）どぅやいびいる。　如何（ちゃ）ぬ様（ゆう）な事ぬあてぃん、慣（な）りとおる人（ちゅ）ん居（をぅ）れえ、胴苦（どうぅぐり）さ思（うみ）いする人ん居みせえん。　ただ、年頭（んんとぅう）んじびけえのお、良（い）い年なゆる如（ぐとぅ）、祈（いぬ）やびら。琉歌明きま年　拝でぃ世果報年（ゆがふどぅし）願（にが）てぃ太陽（てぃだ）に願立（ぐゎんた）てぃる心安（くくるやし）さ筆：比嘉清【語句、訳】新年を迎え　みなさま、新年を迎えおめでとうございます。今年も、このブログをご愛顧賜りますようお願い申し上げます。　毎年、色々な事が起こり、嬉しいときも、怒ることも、また、悲しい事もあったりしますが、これらもすべて、人生だと思います。色々と、思い悩んでもよいし、また、天に任せて、やり過ごしていくのも、それぞれの考え方次第です。　どのような事があろうとも、経験で切り抜けるひともいれば、苦しい思いをする人もいるでしょう。　ただ、年頭に当たっては、良い年になるように祈る他はありません。琉歌新年を迎え幸せで平和な年であることを願い太陽に祈る心の安らぎ筆：比嘉清

2022年01月01日

コメント(0)
今年（くとぅし）ん後（あとぅ）僅（わじ）か

今年（くとぅし）ん後（あとぅ）僅（わじ）か　「月（ちち）ぬ走（は）いや馬（んま）ぬ走い」んでぃぬ黄金言葉（くがにくとぅ）んあいびいしが、今年え、いっそうまぬ年（とぅし）やか、さあらない、経（た）ちゃんねえ、思（うみ）やびいん。　コロナに始（はじ）まやい、コロナし終（うわ）ゆる思（うみ）いやいびいん。　秋後（あちあとぅ）からあ、コロナん収（うさ）まいぎさあなやあに、「今（なま）やさ」んでぃ、思（うむ）やあに、いふぃえ、あまくま、歩（あ）っちゃあ歩っちゃあんさびたしが、一年（いちにん）通（とぅう）ちえ、いいくる、何処（まあ）にん行（い）からな、コロナ籠（ぐま）いすぬ日（ふぃい、ひい）んまんどおいびいたくとぅ、ゆくん、あん、思いやびいん。　やいびいしが、秋（あち）ぬ終いがたあんじえ、うすまさ、軽石（からし）ぬ寄（ゆ）やあい、海（うみ）え、いっそうから、はごうくないびたん。　実（じゅん）に、ちゅうちゃんでぃん、異風（いふう）な世（ゆう）、けえなやびたんやあさい。手（てぃ）はごうさいびいしが、うりびけえのお、一人（ちゅい）しえ、如何（ちゃあ）んないびらん。　ただなあ、来年（やあん）や、良（い）い年ないる如（ぐとぅ）、念（にん）じるびけんどぅやいびいる。琉歌海行きば軽石（からし）街行きばコロナ山やハブ処（どぅくる）何処（まあ）や済（し）むが筆：比嘉　清【語句、訳】今年も残り僅か　　「月日が経つのは馬が走るごとし」という諺がありますが、今年は、平年より、さっさと駆け抜けた感じがします。　コロナに始り、コロナで終った感じです。　秋以降は、コロナも大分、収まりそうになり、「今のいうちに」と思い、少しは、あちこちに足を運んびましたが、一年を通していえば、だいたいは、どこにもいけず、コロナ籠りをする日々でしたので、よけい、そう思うのかも知れません。　しかしながら、また秋以降は、大量の軽石が押し寄せ、海を片っ端から汚なくしました。　ほんとうに、あっという間に、奇妙な時代になってしまいましたね。もどかしいでしが、こればかりは、一人ではどしようもありません。　ただ来年こそは、良い年になるように祈るばかりです。琉歌海行けば軽石街行けばコロナ山はハブの住処どこならよいのか筆：比嘉　清

2021年12月22日

コメント(0)
「うさがやびら」「くゎっちいさびら」「食まいい」

「うさがやびら」「くゎっちいさびら」「食（か）まいい」　あるしょううちなあぐちさあやる友（どぅし）からぬ訊（ち）ち事（ぐとぅ）どぅやいびいる。　「んじ、むぬ食（か）むる前（めえ）ぬ言（ゆ）る言葉（くとぅば）んかい、『いただちゃびら』んでぃん、あたがやあ」　テレビんじ、言ちょおたんでぃぬ事（くとぅ）やいびいん。聞（ち）ちばっぺえんあらん風儀（ふうじ）やいびいたん。我（わ）んにん、「いただちゃびら」んでぃぬ言葉あ聞ちぇえなあびらん。　確かに、近頃（ちかぐる）お、日本語からぬ直訳調うちなあぐちぬまんでぃ、とぅぬうまぬうする事んあいびいん。異風（いふう）なあや、やいびいしが、やくとぅんでぃち、うんな言葉、使（ちか）ゆる人（ちゅ）んかいばっぺえとおんでぃち、怖気（うじ）らあすしやか、新語（みいくとぅば）んでぃ思（うみ）やあに、伸（ぬ）びてぃ取（とぅ）らすしえましえあいびらに。言葉あ使いねえ、使ゆるさく、変（か）わてぃ行（い）ちゅるむぬやい…。追記：やてぃん、無（ね）えらん語（くとぅば）やれえ、うぬまあまあ、語、借（か）てぃ使（ちか）てぃん済（し）まびいしが、昔（んかし）からある語あ、使え続（ちぢ）けえゆしせえましんやいびいしがどぅ…。参考１　日本語ぬ「頂く」や、大概（てえげえ）「拝（うが、をぅが）むん」でぃん言（いゃ）びいしが、実（じゅん）ねえ、食（か）み物（むぬ）んかいや言（い）らんでぃ思（うむ）やびいん。参考２　芝居（しばや）ぬ「泊阿嘉」んじぬ乳母（ちいあん）ぬ言葉（くとぅば）なかい、「親（うや）がなしからぬ暇（いとぅま）ん、拝（をが）まびたい」ぬあいびいん。うぬ日本語しぬちむええや「親御さんからのお休みも、頂いたし」やいびん。註：「食ま+いい」ぬ「食ま」や「食むん、食ぬん」ぬ未然形、「いい」や感嘆詞、「い」やてぃん済むまびいん。　琉歌茶（ちゃあ）や二（たあ）ち茶食（かむ）し腹八分（わたはちぶ）やてぃどぅ肝（ちむ）体（からた）また勝（まさ）ゆる筆：比嘉　清【語句、訳】「（食べ物を）いただきます」「ご馳走になります」「食べようね」　ある沖縄語のネイティヴ話者である友からの質問です。　「あのさ、食べ物を召し上がる前に言う言葉に、『いただちゃびら』というのがあったけな」　テレビでそう言っていたとの事です。聞き違いでもなさそうでした。私も「いただちゃびら」との言葉は聞いたことがありません。　確かに、最近は、日本語からの直訳調沖縄語が増えて、戸惑う事もあります。変ではありますが、だからといって、そういう言葉を使う人に間違っていると言って、萎縮させるより、新語ぐらいに思って大目にみるべきでしょうか。言葉は使えば使うほど、変化していくものでもあるし…。追記：それでも、沖縄語に無い単語であれば、そのまま、借用語を使ってもよいですが、伝統的に存在する語は、それを使い続ける方が良いと思いますが…。参考１　日本語の「頂く」は多くは「拝（う、をぅが）むん」という語になる事がありますが、それでも食べ物には言わないと思いますが…。参考２　沖縄芝居の「泊阿嘉」で乳母のセリフに、「親がなしからぬ暇ん、拝まびたい」というのがあります。その日本語の意味は「親御さんから、お休みも、頂いたし」です。註：「食ま+いい」の「食ま」は「食むん、食ぬん（首里語）」の未然形、「いい」は「～ね」等を表す感嘆詞で、「い」でもよいです。　琉歌茶を飲むなら二杯を食べ物は腹八分でそれこそがまた心身を健康にさせる註：沖縄には「一ち茶や飲まんむん」という教訓言葉があります。「他所ではお茶は一杯だけで済まさすな」という意味で、どんなに急いでも二杯は飲むべしという意味です。そうすることによって、心の落ち着きを取り戻し、同時に、お茶を出してくれた相手に対しても失礼にならないという意味合があります。筆：比嘉　清

2021年12月18日

コメント(0)

全136件 (136件中 1-50件目)

1 2 3 >

ジャンル別一覧

出産・子育て
ファッション
美容・コスメ
健康・ダイエット
生活・インテリア
料理・食べ物
ドリンク・お酒

ペット
趣味・ゲーム
映画・ＴＶ
音楽
読書・コミック
旅行・海外情報
園芸

スポーツ
アウトドア・釣り
車・バイク
パソコン・家電
そのほか
すべてのジャンル

人気のクチコミテーマ

まち楽ブログ

メ～テレ『ドデスカ』東海三県！１２…

(2025-01-22 17:20:56)
写真俳句ブログ

寒ぬくし

(2025-01-22 19:14:12)
お買い物マラソンでほしい！買った！…

楽天お買い物マラソンで後悔しない！…

(2025-01-22 20:30:08)

ゆんたく物語

[カテゴリ未分類] カテゴリの記事

ぐすうよう、また、やあん、御行逢うがなびら。

うちなあぬ音

うちなあ風儀ぬ台風１０号

与勝ぬ劇場３

与勝ぬ劇場２

与勝ぬ劇場１

いちまでぃんコロナ世

ふしがらんあたいぬ暑さ

ブログまた始みやびいん

書ち言葉とぅ話し言葉ぬ違えみ

あきよ！ワクチンよ！

「意地ぬ出じらあ…」碑ぬ表記法

GHQと日本語表記

なあだぐとぅ、台風６号

音し分かゆん台風ぬ強さ

コロナ世ん明きてぃ

カタカナ表記と子供（子供は教育次第）

ことばと文化（文字が文化を創る）

カタカナ表記をめぐる諸問題

沖縄語ぬ特徴とぅ復興２２

沖縄語ぬ特徴とぅ復興2１

沖縄語ぬ特徴とぅ復興２０

沖縄語ぬ特徴とぅ復興１９

沖縄語ぬ特徴とぅ復興１８

沖縄語ぬ特徴とぅ復興１７

沖縄語ぬ特徴とぅ復興１６

沖縄語ぬ特徴とぅ復興１５

沖縄語ぬ特徴とぅ復興１4

沖縄語ぬ特徴とぅ復興１３

沖縄語ぬ特徴とぅ復興１2

沖縄語ぬ特徴とぅ復興１１

沖縄語ぬ特徴とぅ復興１０

沖縄語ぬ特徴とぅ復興9

沖縄語ぬ特徴とぅ復興８

沖縄語の特徴とぅ復興７

沖縄語の特徴とぅ復興６

沖縄語ぬ特徴とぅ復興５

沖縄語ぬ特徴とぅ復興４

うちなあぐちぬ特徴とぅ復興３

うちなあぐちぬ特徴とぅ復興２

うちなあぐちぬ特徴とぅ復興

フルシチョフぬ名言

龍柱あらがあい

オミクロン

龍柱あらがあ

鬼ぬ股

魂脱がする新コロナ

明きま年、拝でぃ

今年（くとぅし）ん後（あとぅ）僅（わじ）か

「うさがやびら」「くゎっちいさびら」「食まいい」