ゆんたく物語

米異風（くみいふう）

　去（ん）じゃる１３日（にち）え、旧十六日祭（じゅうるくいちい）やいびいたん。
　いっそうまぬ通（とぅう）い、親戚（うゑえか）巡（みぐ）いしんでぃち、まんぐらぬスーパーんじ、「御歳暮」買（こ）ういが、行（い）ちゃびたしが、高昼間（たかふぃるま）なてぃん、「御歳暮用」ぬ米（くみ）え、高積（たかまじ）みさってぃ、買うゆるっ人（ちゅ）ん居（をぅ）いびらんたん。　
　値（でえ）や４５００円余（いんあま）い。去年（くず）ぬ２倍（にべえ）から２．５倍ぐれえやいびいたん。
　我（わ）ぬん米え買ういゆさな、ニ千円（しんいん）まんぐらぬシーチキンそうな物（むん）どぅ買うやびたる。また、巡たる親戚からぬ返礼（ふぃんりい）ん諸（むる）、米くうとぅぬ物どぅやびいたる。
　去年ぬ盆迄（しちぐゎちまでえ）、しちぐゎち、しょうぐゎち、じゅうるくにちいぬ贈（うく）い物や、いいくる米どぅやたるむぬ、うんな文化（ぶんくゎ）ん、あったむす、けえ崩（くじ）りとおいぎさいびいん。

琉歌
米や食（か）まんてぃん
圃（あたい）ぬ芋（んむ）食（か）でぃ
生（い）ちち行かりゆい
昔（んかし）戻（ぐとぅ）てぃ

筆：比嘉清。

---

​米異変

　去った１３日は旧十六日祭でした。
　普段通り、親戚回りをしようと、近くのスーパーで「御歳暮」を買いに行ったですが、昼後になっても、「御歳暮用」の米がうず高く積まれたままで、買う人は殆ど居ませんでした。　
　値段や４５００円余。去年の２倍から２．５倍ほどでした。
　私も米には目もくれず、ニ千円台のシーチキン類を買ったしだいです。また、親戚からのお返しも、全て米以外の物でした。
　去年の盆迄は、盆、正月、旧十六日祭の贈物は、大抵、米だったのに、そういう文化、あっというまに崩れさった感じです。

琉歌
米は食べずとも
裏庭の芋さえあれば
生きていけるし
昔に戻って

筆：比嘉清。