ゆんたく物語

[カテゴリ未分類] カテゴリの記事

全127件 (127件中 51-100件目)

< 1 2 3 >

• 

  桜ぬ自由

  桜ぬ自由　今日（ちゅう）ぬ朝（あさ）、テレビんじ、浦添（うらしい）んじ桜（さくら）ぬ咲（さ）ちょおんでぃぬニュースそいびいたん。　まじえんでぃ、思（うむ）やあに、外（ふか）んかい出（ん）じたれえ、我（わ）ったあ庭（なあ）ぬ桜ん、二輪（にり）のおやいびいしが、咲ちょおいびいん。　桜あ、いふぃ小（ぐゎあ）やてぃん、気温（ちいん）ぬ変（か）わいねえ、直（し）ぐに咲ちゃびいん。我覚（わあうび）いなかい、一番（いちばん）、早（ふぇえ）く咲ちょおたしえ、台風後（てえふうあとぅ）ぬ八月（はちぐゎち）やいびいたん。　何時（いち）、何時（なんどぅちゃ）咲かわん、桜ぬ勝手（かってぃ）どぅやいびいる。【琉歌】夏（なち）に咲く桜触（ふ）り桜とぅ思（む）な何時（いち）ん咲ち欲（ぶ）しゃしが（一字余りい）にじてぃる居（をぅ）る筆：比嘉　清桜の自由　今朝のテレで、浦添で桜が咲いたとのニュースがありました。　まずはと思い、外に出てみたら、我が庭の桜も、二輪だけですが、咲いています。　桜は少しでも、気温が変化すると、直ぐに咲きます。私の記憶では、最も早く咲いたのは、台風明の八月でした。　どの時期に、何時、咲こうと、桜の自由なのです。【琉歌】夏に咲く桜ばか桜と思わないで何時だって咲きたいのだけど我慢しているだけ筆：比嘉　清

  2021年10月05日

  コメント(0)

• 「ちょんまげ」んでえ何ぬちむええ？

  「ちょんまげ」んでえ何（ぬう）ぬちむええ？　アミリカから戻（むどぅ）てぃ来（ち）ゃるある日本人（やまとぅんちゅ）ぬ髪（からじ）ぬ格好（かっこう）ぬ事（くとぅ）、日本ぬマスコミえ「ちょんまげ」んでぃち、言（い）ちょおいびいん。　どぅくだら、異風（いふう）なあ思（うむ）やあい、広辞苑調（しら）びてぃ、見（な）あびたれえ、後（あとぅ）ねえし、書（か）かっとおいびいん。ちょんまげ【丁髷】（略）。江戸時代、頭髪を広く剃りあげ、もとどりを前面にむけてまげた小さい髷。（略）。筆者註：「もとどり」＝主には束ねた髪のこと。　広辞苑ぬんかい記（か）かっとおる通（とぅう）いやれえ、マスコミぬ言い様（よう）や、違（ちが）とおいびいん。「ちょんまげ」え「髷」ぬ一（てぃい）ちどぅやい、言らっとおる日本人ぬんかいや合（あ）たてえ居（をぅ）いびらん。「ちょんまげ」んでえ、日本くるぬ文化どぅやい（やたい）、「ポニーテール」とお、別（びち）やいびいん。若（む）しか、「ポニーテール」が「ちょんまげ」やれえ、世界中（しけまぎり）、「ちょんまげ」文化ぬあるしいじけえなやびいん。　ゆうちらん無（ね）えらん事までぃ、強（し）いてまでぃ、むさげえらんでぃするちむええどぅふぃるまさいびいる。彼（あり）が髪ぬ事し誰（たあ）が、また何（ぬう）が迷惑（みいわく）そおいびいが。　日本うてえ「すがい」ぬ自由（じゆ）やか、「伝統文化」、「マナー」がどぅ第一（でえいち）んでぃさっとおる風儀（ふうじ）やいびいしが、なあいふぇえ、肝小（ちむぐう）ささんようい、「すがいぬ自由」ねえんかい伸（ぬ）びあてぃん済むのおあいびらに。足し書ち：世界んかいや、民主自由や後（くさあ）なち「宗教」ゆ第一とぅすぬ国んあいびいん。自由、後（くさあ）なする事お、うかあさあ無えやびらに。何やらわん、歴史（りちし）やばんない、ちゃあ変わし行ちゅるむぬやいびん。望（ぬず）でぃん、望まんてぃん。琉歌ちょんまげぬ事（くとぅ）しむさげゆる事や恋忍（くいしぬ）ぶまでぃぬ禁（ち）じや無（ね）さみ註：下句や「恩納節（恩納ナビイ作）」からぬパクリ。筆：比嘉　清【語句、訳】「ちょんまげ」とは何の意味？　アメリカから帰国したある日本人の髪型を日本のマスコミは「ちょんまげ」と表現しています。　とても違和勘を覚え、広辞苑で調べてみたら、次のように記述されています。ちょんまげ【丁髷】（略）。江戸時代、頭髪を広く剃りあげ、もとどりを前面にむけてまげた小さい髷。（略）。筆者註：「もとどり」＝主には束ねた髪のこと。　広辞苑に記された通りであれば、マスコミの表現は間違いです。「ちょんまげ」は「髷」の一つにすぎないのであって、言われているその日本人のそれには該当しないのです。「ちょんまげ」とは日本独自の文化（だったの）であり、「ポニーテール」とは異なります。もし、「ポニーテール」を「ちょんまげ」というのであれば世界中に「ちょんまげ」文化があることになります。　そこまで、騒ぐだけのものなのか、不思議です。彼の髪型の事で誰が迷惑し、また何が不都合なのででしょうか。　日本では「身なり（身だしなみ）」の自由より「伝統文化」、「マナー」の方が優先するようですが、もっと、「身なり自由」に対して心大きく持ち寛容であっても良いのではないでしょうか。追記：世界には、自由民主を後回しにして、「宗教」を優先する国もあります。自由を二の次にすることは危ういことではないでしょうか。何はともあれ、歴史はどんどん変わってくものです。好むと好まざるにかかわらず。琉歌ちょんまげの事で騒ぐ事は（まさか）恋する事まで禁じようとはしていはいないだろうね註：下句は「恩納節（恩納ナビイ作）」からのパクリ。筆：比嘉　清

  2021年09月29日

  コメント(0)

• 琉歌とぅ原（毛）遊び

  琉歌とぅ原（毛）遊び　恩納（うんな）ナビイや、実（じゅん）に居（をぅ）いがすたら分（わ）からんでぃちん言（い）らっとおいびいん。　うぬちむええや、ナビイぬ作（つく）たる琉歌（るうか）ぬでえじなちびらあさいびいくとぅ、学問（がくむん）ぬ無（ね）えらんたる百姓（ひゃくしょう）ぬ女（いなぐ）ん子（ぐゎ）ぬん、あん丈（たき）ぬ琉歌あ作いゆさん筈（はじ）んでぃぬ思（うみ）いぬ有（あ）いぎさいびいん。　実にぬ事（くと）お、我（わ）んぬん分からのおあいびいしが、ただ、うるま市ぬ旧（むとぅ）石川（いしちゃあ）山城（やまぐしく）んかい残（ぬく）とおる戦前（いくさめえ）ぬ資料にゆいねえ、二才（にいせえ）達（たあ）が原遊（もうあし）びぬばすんじ、作たる琉歌ぬいちゃっさきいなあびいびいん（参：『シマくとぅばー旧石川山城』　山城正夫著）。　著作権ぬ事（くとぅ）んあいびいくとぅ、御目掛（うみか）きゆる事おないびらんしが、特（か）わてぃ、学問そおる青年（にいせえ）やあらな、普通（ふつう）ぬ二才達が作てえる琉歌どぅやいびいる。　うぬ資料から何（ぬう）ぬ分かやびいがやあ。一（てぃい）ちえ、戦前までえ、学問のお無えらんてぃん、琉歌あ作いゆすたる事。二（たあ）ちえ、原遊びえ、ただ、歌（うた）たい舞（もう）たいし、むさげえゆる所（とぅくる）おあらな、互（たげ）えに琉歌作てい来（ち）ゃあに、御目掛き勝負（すうぶ、しゅうぶ）する所んやたる事。　やいびいくとぅ、「何が必（かんな）じ、学問ぬ無えらんでえ琉歌あ作いゆさんどぅあるばすい」んでぃ言（い）い欲（ぶ）しゃいびいん。肝美（ちむぢゅら）どぅんさあれえ、琉歌あないびいん。　　琉歌あ当（あ）たい前（めえ）ぬ事やいびいしが、うちなあぐち叫（あ）びゆさんでえ、作い難（がた）なさいびいん。「勉強琉歌（びんちょうるうか）」んでぃんあしえあいびいしが…。　うりえ済（し）まびいしが、今（なま）、流行（ふぇえ）えとおる表記法（かちいよう）や琉歌、作いねえ、見映（みいば）あ如何（ちゃあ）ぬ風儀（ふうじ）がないびいらあ…。　琉歌昔人（んかしふぃとぅ）ややから（一字余り）何時（いち）ん何処（まあ）んじん琉歌作ゆすい肝（ちむ）や豊（ゆた）か筆：比嘉　清琉歌と原遊び　恩納ナビは実在していたか疑わしいとの説もあります。　その訳の一つに、ナビの作った琉歌があまりにも素晴らしい事から、学のない平民の娘があれだけの琉歌を作れるわけはないとの考えもあるようです。　本当の事は私には分かりませんが、ただ、うるま市旧石川山城に残された戦前の資料によれば、青年達原遊びをするときに作った歌が数多く残されています（参：『シマくとぅばー旧石川山城』　山城正夫著）。　著作権の事もありますので、紹介する事はできませんが、とりたてて、学を積んだ青年が作ったのではなく、ごく普通の若者らが作った琉歌なのです。　その資料から何が分かるのでしょうか。一つに、戦前までは、学問がなくても琉歌は作れた事。二つに、原遊びは、ただ、歌ったり踊ったりして、どんちゃん騒ぎをする場所ではなく、互いに作った琉歌を持ち寄って、披露する場所でもあった事。　ですから、「強いて迄、教養学問が無ければ琉歌は作れないのですか」と言いたいのです。心が豊かであれば琉歌は自然になるのです。　　琉歌は当前ながら、うちなあぐちの話者でなければ、作るのは難かしいです。「勉強琉歌＝非話者が賢明に勉強して作る琉歌」もあることはありますが…。　それはそうと、今、「普通」になされている表記法で琉歌を作れば、見映えはどうなるのでしょうか…。琉歌昔人は大したもの何時でも何処でも琉歌を作れるし心が豊か筆：比嘉　清

  2021年09月19日

  コメント(0)

• 世願え

  世願（ゆうにげ）え　コロナ世（ゆう）なてぃからあ、うちなあぐちぬ勉強会（びんちょうくゎい）すしん侭（まま）ならんなやあに、寂（さび）しいむんやいびいしが、うりん、なあ、仕方（しかた）あ無（ね）えやびらん。　ワクチン打（う）っちねえ、事直（くとぅのお）いしいがすらんでぃ思（うむ）とおびいたしが、時（とぅち）ぬ経（た）ちねえ、抗体ん弱（よう）まてぃ来（ち）ゅうんでぃぬ事（くとぅ）やい、また、新株（みいかぶ）ん、ちゃあ出（ん）じいそおんでぃぬ事んあてぃ、ワクチンぬ頼（たる）がきららんなとおる風儀（ふうじ）やいびいん。　何時（いち）ないねえ、コロナ世ん明（あ）きてぃ、うぬ荒（災、さび）から直てぃ行ちゃびいらあ。　今（なま）あ、なあただ、世願えする他（ふか）え無えやびらん。琉歌コロナ世ん明きり苦世ん直やい楽しみん給り世願えさびら筆：比嘉　清【語句、訳】豊かで平穏な世を　コロナ禍になって以来、うちなあぐちの勉強会をするのも侭ならなくなり、寂しいものですが、それも致し方ありません。　ワクチンを打てば、事態が改善するのかと思いきや、時とともに、その抗体は弱まるとのことであり、また、新株も次々と登場している事もあって、ワクチンに依存するのも限りがあるようです）　いつになれば、コロナ禍も収まり、その禍から立ち直っていくのでしょうか。　今はただ、平穏な日々が訪れますように祈る他ありません。琉歌コロナ世は終れ苦しい時世も直れ楽しみを給われ平安の訪れを祈ろう筆：比嘉　清

  2021年09月17日

  コメント(0)

• コロナ寂びぬシチグヮチ（盆）

  コロナ寂（ちゃ）びぬシチグァチ（盆）　昨日（ちぬう）や盆ぬ御送（ううく）いうやびいたん。　でえじな、寂（さび）っさる盆やびいびたん。コロナ世（ゆう）お去年（くず）ん親戚（ゑえか）ま廻（みぐ）いや遠慮（いんる）んそいびいたしが、ワクチン打（う）ち済（し）まちゃる今度（くんどぅ）ん、遠慮しみらんでえ思寄（うみゆ）ゆやびらんたん。　エイサーんさんあい、なあ二年（ににん）ぬん、観（ん）だんくとぅ、まあから寂しくなてぃ来（ちゅ）あびいが。　なあ国（くに）ぬ緊急事態宣言さんてえまん、人（ちゅ）ん達（ちゃあ）や、じかじん聞（ち）かんなとおい、コロナ罹（か）かてぃん病院（びょういん）ぬんかいや、入（い）りららんあい、実（じゅん）に異風（いふう）な世ぬ中（なか）けえなとおいびいん。　去年からあんし、一時（いっとぅちゃ）ぬ間（ゑえだ）なかい、世界（しけ）世ぬ中あ、うすまさ相変（あいか）わとおびしいが、うぬ先（さち）え如何（ちゃあ）がなてぃ行（い）ちゃびいらあ。　琉歌親戚廻（ゑえかみぐ）いならんエイサーん見（ん）だん後生（ぐそう）やふぃらてぃん肝（ちむ）やふぎてぃ筆：比嘉　清コロナ禍の寂びしいお盆　昨日は盆の「御送日でした。　とても、寂しい盆でした。コロナ禍の去年も親戚巡りは自粛しましたが、ワクチンを打ち終えた今年もまた自粛を余儀なくされるとは、想定外でした。　エイサーもしないし、もう二年も観てないし、この寂しさはどこから沸いて来るのでしょうか。　もはや国が緊急事態宣言しても、国民は、言う事を聞かなくなっているし、コロナに感染しても入院できないないし、ほんとうに、異常な世の中になってしまっています。　昨年から、あっという間に、世界は、激変してしまいましたが、この先どうなっていくのでしょう。　琉歌親戚廻もできないしエイサーも見れなし後生をお持て成ししても心は穴が空くだけ筆：比嘉　清

  2021年08月23日

  コメント(0)

• 「虻蜂取らず」さあにどぅ、あんけえなとおらあ？

  「虻蜂取らず」さあにどぅ、あんけえなとおらあ？　あっさびよう！、沖縄（うちなあ）ぬ新コロナぬデルタ株（かぶ）ぬ勢（いちゅ）いや、防（ふし）がりやびらん。報道に拠（ゆ）いねえ、「世界最悪レベル」んでぃがら。　去年（くず）ぬ今頃（なまぐる）お、日本人（やまとぅんちゅ）はじみ東（あがり）アジアぬ人（ちゅ）ん達（ちゃあ）や、新（みい）コロナんかい罹（かか）い難（ぐり）さんでぃ、勝手（かってぃい）はじみ色（いる）んな人ぬ叫（あ）びやあ叫びやあそおいびいたるむぬ、今（なま）ぬ如（ぐとぅ）ぬ有様（ありさま）、けえなたれえ、なあ、うんな話（はなしい）ん聞（ち）かんなとおいびいん。　ウランダアはじみ、他所国（ゆすぐに）え、いいくる経済ん、持（む）ち直（のお）ち、来（ち）ょおいびいしが、日本や、あちらん、強（ちゅう）い鈍（にい）さる風儀（ふうじ）やいびいん。　儲（もう）き尽（じく）（経済）ぬ事（くとぅ）ん考（かんげ）えやがなあ、新コロナんかい当（あ）たてぃ来（ち）ゃる事んあてぃがやら、「虻蜂取らず」風儀、けえなてえ居（をぅ）びらに。だあ、ゆくん、経済や弱（よう）とおいびいせえ。　また、中国ん中国やいびいさ。新コロナぬ出（ん）じ所（どぅくる）にちいてぃ、なあ一回（ちゅけん）のお、検（あら）たみらち取（とぅ）らんしんでぃぬ、WHOんでえぬ望（ぬず）どおるむぬ、二回（たけ）のお、しみらんでぃ言（い）ちょおる風儀やいびいん。　我（わあ）が頭（かしら）どぅんやれえ、「うう、済（し）まびいんどう、ちゃっさやてぃん、肝（ちむ）ふぃずる迄（までぃ）、検みやびれえ、人人間（ちゅにんじん）ぬ為（たみ）どぅやるむぬ」んでぃいしょうさし、叫（あ）びゆしがどぅやあ。国とぅ肝ぬまぎさや反比例どぅさびいがやあ。琉歌コロナ検みや御万人（うまんちゅ）ぬ為（たみ）明（あ）がらす事んまた防（ふし）じ道（一字余い）筆：比嘉　清【語句、訳】「虻蜂取らず」の結果がこうなのか？　ああ！、沖縄での新型コロナのデルタ株の勢いは、どうしようない状況です。報道によれば、「世界最悪レベル」だとか。　去年の今頃は、日本人はじめ東アジア人は、新型コロナには感染しにくいなどと、専門家はじめ様々な人たちが唱えていたものですが、今のような状況を目の当たりにして、もはや、そういう声は聞かれなくなりました。　欧米はじめ、諸外国は、概ね経済も回復しきていますが、日本はなかなか、回復が鈍いようです。　経済を回しながらという積りで、新型コロナ対策をしてきたこともあってか、どうやら「虻蜂取らず」の状態になってはいませんか。かえって経済は回らなくなってきている感がないですか。　また、中国もさるもんですよ。新型コロナの発生について、もう一回、調査させて欲しいとのWHO等の要望しているのに、二回はさせないと言い張っているようです。　私が当局なら、「ええ、勿論、よろしいですヨ、いくらでも気の済むまで、調査してください。その方が人類の為ですからね」と、喜んで言っていたでしょうに。国の大きさと心の大きさは反比例するでしょうか。琉歌コロナ（発生）調査は人類の為明らかにする事も再発防止の一手段筆：比嘉　清

  2021年08月17日

  コメント(0)

• あきよ！沖縄於とおてぃぬデルタ型よ

  沖縄於とおてぃぬデルタ型よ　沖縄（うちなあ）於（をぅ）とおてぃん新（みい）コロナあデルタ株（かぶ）んかいけえ変（か）わやあに、ふしがらんあたいん、流行（ふぇえ）てぃ、昨日（ちぬう）や４６７人なやあに、今迄（なままでぃ）なかい一番多（いちばんうふ）さんでぃぬ事（くとぅ）やいびいん。　あんし、うぬ流行い様（よう）や、なあ去年（くず）ぬ欧米（うらんだあ）並（なみ）んでぃん、言（い）らっとおいびいん。　今迄（なままでぃ）ぬウイルスやれえ、罹（か）かい易（や）っさしえ、毒（どぅく）ぬ弱（よう）さぬ、また、罹い難（ぐり）さしえ、毒ぬ強（ちゅう）さんでぃ言（ゆ）しがどぅ、当（あ）たい前（めえ）やいびいたしが、デルタ株ぬばあや、うんな「当たい前」とお、別（びち）やる風儀（ふうじ）やいびいん。　自（どぅう）せえ動（んじゅ）ちゆさんコロナ、かやあすしえ、人（ちゅ）びけんどぅやいびいる。　やいびいしが、世（ゆ）ぬ中（なか）あ、オリンピックんむさげえとおい、また家籠（やあぐま）いすしん、にり腐（くさ）りやあに、なあ何（ぬう）なてぃん済（し）むるう風儀（ふうじい）けえなとおいびいん。またワクチン打（う）ち済（し）まち、油断そおる事んあてぃ、なあ、人ぬ動ちゅせえ止（とぅ）みららんなとおいびいん。（やいびいしが、如何なしん、ワクチンびけえのお、打っち呉みせえびり）　やいびいしが、コロナ罹かてぃん、コロナぬ他（ふか）ぬ病気（びょうち）罹かてぃん、病院（びょうい）ぬんかいや入（い）ららんでぃぬ事やいびいしが、うりかあや如何（ちゃ）ぬ風儀しが考（かんげ）えとおびいらあ。琉歌ワクチン打ち進でぃ　（一字余り）オリンピックしみてぃ家籠いぬなゆみ誰（た）勝手（かってぃ）がやら筆：比嘉　清嗚呼。沖縄のデルタ型よ　沖縄でも新型コロナもデルタ株に置き換わり、猛威を揮い、昨日は過去最多の４６７人が感染したようです。　そして、その感染状況は昨年の欧米並みと言われています。　ウイルスの常識として、感染しやすいのは、毒性が弱く、感染し難いのは、毒性が強いとうものでしたが、今回のデルタ株の場合は、そいう「常識」には当てはまらないようです。　自らは移動できないとウイルスコロナを運ぶのはひたすら人間だけです。　ですが、世間は、オリンピックで盛り上がり、自粛するのも、バカらしくなり、どうなろうと構わないという雰囲気になってしまっています。おまけに、ワクチン接種も、進んでいる事による油断も加わって、もはや人の動きは制御不能状態です。（でも、ワクチンは絶対接種してください）　ですけど、コロナに感染しても、コロナ以外の病気になっても、病院には入れないとのことですが、その辺はどのように思考しているのでしょうか。琉歌ワクチンも打ち進みオリンピックは（普通に）やっているし家にとじこまっていられるものか誰れの勝手でこうなっていしまい誰が得するのか筆：比嘉　清

  2021年08月04日

  コメント(1)

• 

  毎日台風や未だぐとぅ

  毎日台風（めえにちてえふう）や未（なあ）だぐとぅ豊見城ぬ海端歌江川（溝原、糸満市、豊見城市）　今（く）ぬまあどぅぬ台風６号ぬ風（かじ）ぬ吹（ふ）ちい様（よう）、雨（あみ）ぬ降（ふ）い様や、実（じゅん）に未だぐとぅあいびいん。　暴風警報ぬ解（ふ）どぅかってぃから今日（ちゅう）し、三日（みっか）なゆしが、今（なま）ちきてぃ、風え強（ちゅう）さい、雨えちゃあ降いそおいびいん。　車（くるま）歩（あ）っかち、買（こう）い物（むん）しいが、行（い）ちゅるばすん、車ぬ強風なかいうゐいかさってぃ、怖（うとぅる）さいびいん。着物洗（ちんあれ）えんならんあい、如何（ちゃあ）せえ済（し）まびいが。　やいびいしが、クーラー点（ち）きらんてぃん、済まびいくとぅ、うりびけえのお、良（ゆ）たさいびん。　はっさびよう、うんぐとおるうや、未（なあ）だぐとぅやいびいん。なあ、「台風一過」んでぃる言葉（くとぅば）あ、死語（しにくとぅば）けえなとおいびいん。早（ふぇえ）くお、台風走（は）いくゎあしいねえ、太陽くゎんくゎんし晴（は）り渡（わた）ゆしがどぅ、圃（あたい）前（めえ）ぬ御粥米（うけめえ）やいびいたしが、今ぬ世（ゆう）やけえ違（ちが）とおいびいん。琉歌毎（めえ）が毎日（めえにち）に台風雨風ノアぬ方舟（はくぶに）に居（をぅ）るが心地（しんち）筆：比嘉　清かってない毎日台風 今回の台風６号による風雨は、本当にかって経験したことのない有様です。　暴風警報が解除されて今日で、三日になるのに、今だに、風は強いし、雨は降り続いています。　車で買い物しに行くときも、車が強風で揺さぶられて、怖いです。洗濯もできないし、どうしていいのやら。　ですが、クーラーを点けなくても良いので、これだけは助かります。　ああでも、こうした事態は、未だかってないことです。もはや「台風一過」という言葉は死語になってしまっているようすです。以前は、台風をやり過ごせば、どこまでも晴れて太陽がいやというほど照るのが常識でしたが、現在は狂ってしまっています。琉歌来る日も来る日も台風雨風ノアの方舟に居るが如き心地だ　註：当た前ぬ御粥米＝「当たい前」を語呂で「裏庭畑（あたい）前」にし、「御粥米」はその「裏庭畑で獲れた米」の意味で、「当たり前（当然、常識）」を強調する場合のジョーク的言い方。筆：比嘉　清

  2021年07月24日

  コメント(0)

• どぅくだらぬ暑さ

  どぅくだらぬ暑さ　今（なま）あ、台風（てえふう）６号故（ゆい）にいふぇえ、涼（しだ）さいびいしが、くねえだあ、高戸（たかばしる）わい開（あ）きてぃん、どぅくだらぬ暑（あち）さぬ昼（ふぃる、ひる）からクーラーかきらんでえ、ならんあたいやいびいたん。　報道に故ねえ、本土（やまと）ぬ暑さん、沖縄（うちなあ）やかちじやんでぃぬ事（くとぅ）やいびいん。他所国（ゆすぐに）から来（ち）ゃるオリンピックぬ選手達（いらびんちゅたあ）ん、どぅくだら暑さんでぃち、叫（あ）びとおんでぃぬ事やいびいん。　１９６４年（にん）ぬばすぬ東京オリンピックぬばあや、確か、うゎあちちぬ一番良（ゆ）たさる１０月（ぐゎち）１０日（か）が開催日やたる筈（はじ）やいびいん。日本（にっぷん）ぬんかいや、「スポーツぬ秋（あち）」んでぃぬ言葉（くとぅば）んあいびいしが、何（ぬう）んでぃちがやら、今度（くんどぅ）ぬオリンピックお、真夏（まなち）んじする事んかいけえなとおいびいん。　台風ぬ節（しち）んやいびいしが、うぬわきん無（ね）えらんがあいびいたら。　「平和（ひいわ）友情ぬ祭典（まちい）」んでぃ言（い）らっとおいびいしが、今度（くんどぅ）ぬオリンピックお、コロナぬ事んあい、「いいかあ合（ええ）」、「煽合問答（おおええむんどぅ）」風儀（ふうじい）けえなやあに、異風（いふう）なあやいびいん。琉歌風立（かじた）ちゅる水面（みじ）に影（かあぎ）ぬ映（うつ）ゆみ心静（くくるじず）みやい世界（しけ）や観（ん）だな筆：比嘉　清猛暑　現在は台風６号の影響で少しは涼しいですが、その前迄は窓を片っ端から開けても、あまりにも暑く、昼間からクーラーをかけなければならないほどでした。　報道によれば本土の暑さは沖縄以上だとの事です。外国から来たオリンピックの選手たちも、ひどい暑さだと悲鳴をあげているとのことです。　１９６４年ときの東京オリンピックの場合は、確か（過去の統計で）天気が一番良いである１０月１０日が開催日だったはずです。日本には、「スポーツの秋」という言葉が」ありますが、なぜ、今回のオリンピックの場合は、真夏に行う事になってしまっています。　台風シーズンでもありますが、それも年頭にあったでしょうか。　「平和友情の祭典」との謳い文句ですが、今回のオリンピックは、コロナ禍でもあり、どうも「言い争い」、「喧嘩分裂」の様相を呈して、異様です。琉歌風立つ水面に影が映るのか心を穏やかにして世界（世の中）を観よう筆：比嘉　清

  2021年07月21日

  コメント(0)

• ワクチン打ち済まち

  　新（みい）コロナあ実（じゅん）に、悪（や）なむん、やびいん。　いいくる、半年越（はんとぅしぐ）しなかい、種変（さにが）わいさあに、たった、悪（や）なくなてぃ行（い）ちゃびいん。特（か）わてぃ、今（なま）、流行（ふぇえ）とおるデルタ株んでぃせえ、どぅくだだらやいびいん。　若者（わかむぬ）ん、強当（ちゅうあ）たいすんでぃぬ事（くとぅ）やい、また、罹（か）かてぃから、強当たいする迄（までぃ）んたでえまやんでぃぬ事やいびいん。　何時（いち）かあ、徒（ただ）ぬ風邪（はなふぃち）風儀（ふうじい）なゆる筈（はじ）んでぃ、積（ちむ）とおたる人（ちゅ）ん達（ちゃあ）ん、思いとぅけえ違（ちが）てぃ、なあ、けえとぅるばゆる外（ふか）あ無（ね）えやびらん。　沖縄（うちなあ）ぬ新コロナぬ流行様（よう）ん、また、うすましいむんやいびいさ。　県（きん）ぬ専門家（かってぃい）ぬ人ん達が、緊急事態宣言や解（ふとぅ）ちゅしえましんでぃち、叫（あ）びとおたるむぬ、だでえまなかい、また罹ゆる人ん達ぬ上増（うゎあ）し始（はじ）みとおいびいん。　我（わん）にん、やっとぅかとぅ、ワクチン打（う）ち済（し）まち（二回目の）、うみなあくなとおいびいん。デルタ株ぬ事んあいびいくとぅ、今からん、遠慮（いんる）し、行かんでえならん筈（はじ）えやいびいしが…。御主ようんたんきみそおり。琉歌待（ま）ちかにてぃ居（をぅ）たるワクチン打ち済まち　（一字余り）マスク着（ち）きゆしん肝（ちむ）ぬゆちみ筆：比嘉　清　新型コロナは本当に、いやなものです。　だいたい、半年おきに変異株が発生し、状況はますます悪化の一途を辿っている感じです。特に、今、流行しているデルタ株なるものは、あんまりです。　若者でも重症化するとのことであり、また感染してから重症化するまでの期間も短いとのことです。　いずれ、徒の風邪にようになるだろうと、予測していた人たちも、当てが外れ、もはや、口を閉ざす以外なさそうです。　沖縄での新型コロナの感染状況もまた、恐ろしいありさまです。　県の専門家らが、緊急事態宣言は解除すべきだと提言していたのに、そのわずか数日後からは感染者数は上昇に転じています。　私もやっと、ワクチン接種をし、ほっとしています。デルタ株の事もありますので、これからも自粛は続けるかもしれませんが…。みなさま方もお気を付けてください。琉歌待ちかねていたワクチンを打ち済ましマスクを着け（続け）るのも心のゆとり（というべきか）筆：比嘉　清

  2021年07月16日

  コメント(0)

• 慰霊ぬ日

  慰霊の日　昨日（ちぬう）や慰霊（いりい）ぬ日（ふぃい、ひい）やいびいたん。　今度（くんど）お、生（んま）りジマぬ慰霊祭や新（みい）コロナ故（ゆい）に止（ゆ）しみらっとおいびいくとぅ、長（なげ）えさ来（ち）ぇえ見（ん）だんたる糸満（いちまん）ぬ平和記念公園（ひいわちにんくういん）ぬんかい伸（ぬ）ばがてぃ見（な）あびたん。　コロナ世ぬ最中、緊急事態宣言ぬんさっとおい、また大雨（うふあみ）ん降る（ふ）とおくとぅ、参（も）うゆる人（ちゅ）ん達（ちゃあ）んいきらさがあらんでぃ思（うむ）とおいびいたしが、思（うみ）いぬ外（ふか）、まんどおいびいたん。　　毎年（めえにん）、慰霊ぬ日ぬ近（ちか）ゆてぃ来（ち）いねえ、新聞・テレビんでえや戦（いくさ）ぬ話（はなしい）、書（か）ちゃい、放送さいそおいびいしが、我（わ）んにん一（てぃい）ちえ、話し見（な）あびら。　戦後ぬ何年（なんにん）が間（ゑえだ）あ、砲弾ぬんでえぬ戦道具（いくさどうぐ）ぬ古鉄（ふるがに）とぅしち漁（あさ）てぃ売（う）ゆるスクラップブーム世（ゆう）やいびいたん。　うんなある日、我兄（わあしいざ）ぬ手榴弾持（む）っち遊（あし）どおたるちるめえ達（たあ）二三人（にさんにん）とぅはい逢（い）ちゃやびたん。兄ぬ手榴弾ふぃるまさあに、見（ん）ちょおたれえ、うり持ちょおたるちるめえが兄んかい、「欲（ふ）しゃみ」んでぃち、言（ゆ）しとぅまじゅん、兄んかい取（とぅ）らさびたん。兄あ、握（にじ）たる手榴弾から「シュー」んでぃゆる音（うとぅ）聞（ちち）、またピンぬ抜（ぬ）かがとおる事ぬ分かやい、思（うび）らじに遠（とぅう）さんかい投（な）ぎびやびたん。あんし、手榴弾や爆発さびたん。兄あ大人（うふっちゅ）なかい、呪（ぬら）りしえ逃（ぬが）あららんでぃ思（うむ）やあい、傍（すば）んかいあたる大木（まぎいきい、蜜柑木？）んかい急（いす）じ登（ぬぶ）てぃ、隠（くゎ）っきたんでぃぬ事。　爆発音、聞（ち）ちゃるまんぐらぬ幾人（いくたい）びけえぬ大人（うふっちゅ）ぬ走合（はあええ）なやい、手榴弾ぬ投ぎらったる所（とぅくる）んかい揃（すり）とおいびいたんでぃぬ事。　兄や大人達ぬ居（をぅ）らんなゆる迄（までぃ）、木んかいちゃあ登いそおたんでぃぬ事やいびいん。琉歌得（い）いたる手榴弾（てりゅだん）握てぃ見（み）りばピンぬ抜（ぬ）がりやい居（をぅ）むぬ急じ投ぎら筆：比嘉　清【語句、訳】慰霊ぬ日　昨日は慰霊の日でした。　今年は故郷での慰霊祭はコロナ禍で中止になりましたので、久しぶりに糸満の平和記念公園に寄ってみました。　コロナ禍の緊急事態宣言の最中でもあり、また梅雨も大降していましたので、参拝者は少ないだろうと思っていましたが、案外、かなりの人がいました。　　毎年、慰霊の日が近づいて来ますと、新聞・テレビ等では戦争の体験話などが載ったり、報道されたりしますが、私も一つ戦争にまつわるお話を一つしてみたいと思います。　戦後の数年は砲弾等の兵器の残骸が漁って売られるというスクラップブーム時代でした。　そんなある日、私の兄は、手榴弾を持って遊んでいた同年の友達二、三人に出会いました。兄が手榴弾を珍しがって見ていたら、それを持っていた同年の友だちが兄に「欲しいか」と言うが早いか、兄にその手榴弾を呉れました。兄は握った手榴弾から「シュー」と音のするのを聞き、またピンが抜かれているのことが分かり、とっさに遠くへ投げつけました。そして手榴弾は爆発しました。兄は大人に間違いなく叱られると思い、傍にあった大木（蜜柑木だったか？）に急いで登って、隠れたとの事。　爆発音を聞いた周辺の何人かの大人達が走って、手榴弾が投げられた場所に集まったとのことです。　兄は大人達が居なくなる迄、木に登ったままだったそうです。琉歌貰った手榴弾握って見ればピンが抜がれているではないか急ぎ投げよう筆：比嘉　清

  2021年06月24日

  コメント(0)

• 

  夏至（かあちい）とぅ豊見城ぬ滝

  夏至（かあちい）とぅ豊見城（てみぐしく）ぬ滝（たち）雨降いぬばすぬ豊見城ぬ滝　今日（ちゅう）や夏至なとおいびいん。　一年（いちにん）じ、一番、昼（ふぃる。ふぃる）ぬ長（なが）さる日（ふぃい、ひい）やいびいしが、朝から大雨（うふあみ）ぬ降（ふ）やあに、薄暗（ううぐら）さいびいん。　いっそうまやれえ、長雨（ながあみ）ん明（あ）きてぃ、太陽（てぃだ）んくゎんくゎんすぬ節（しち）やるむぬ、今度（くんど）お、違（ちが）とおいぎさいびいん。　雨降（あみふ）いんでぃ言（い）いねえ、前々（めえめえ）から、雨降いぬばすぬ豊見城ぬ滝ぬ水（みじ）え、如何（ちゃ）ぬ風儀（ふうじい）がなとおらあんでぃち、肝掛（ちむが）かいそおびいたしが、思（うみ）い切（ち）っとぅ、見（ん）じいが行（い）ちゅる事（くとぅ）にさびたん。　　まんぐらんかい車（くるま）停（とぅ）みやあに、歩（あ）っち行ちゅしん、大儀（でえじ）えやいびいしが、来（ち）ゃる詮（しん）ぬあいびいたん。　うりひゃあ、んちゃ、いっそうまとぅ変（か）わてぃ、落流（うとぅなが）りいる水（みじ）んあいゆかん上増（うゎあ）ち、実（じゅん）に滝らあさる姿（しがた）んかいなとおびいたん。琉歌滝落（たちう）てぃる音（うとぅ）や鳴らす三味心（さみぐくる）また跳（は）にる水（みじ）や踊い心（ぐくる）筆：比嘉　清【語句、訳】今日は夏至です。一年で一番、昼が長い日ですが、朝から大雨が降っていて、薄暗いです。例年なら、梅雨も明け、太陽がかんかんと照る季節なのに、今年は違うようです。雨降りと言えば、以前から、雨降りのときの豊見城の滝の水量はどのようになっているのかと、気になっていましたが、思い切って、見に行く事にしました。近くに車を停めて、歩るいて行くのも、疲れますが、やって来た甲斐がありました。ほれほれ、思っていた通り、普段とは違い、流が落ちる水も随分と増え、本当の滝らしい姿をみせていました。琉歌滝落る音はうち鳴らす三味線のようまた跳び散る飛沫は舞踊のよう筆：比嘉　清

  2021年06月21日

  コメント(0)

• 東京オリンピックぬ事

  コロナピック　新（みい）コロナ障（ざわ）いぬパンデミックぬ万事（ばんじ）えやいびいしが、東京オリンピックお、如何（いか）なしん、さんでえならんむんとぅしち、けえなとおる風儀（ふうじ）やいびいん。　先（さち）ぬ事（くと）お、誰（たあ）ん分（わ）かあらんどぅあくとぅ、済（し）むんとぅか、済まんとぅか、言（い）ちん、如何（ちゃあ）んないるむぬおあいびらんしが、如何ならわん、「コロナ障いんじするオリンピックぬ世界（しけ）ぬ大実験場（うふちんさば）」んかいないる事（くと）とぅかコロナ世やてぃん、オリンピックおなゆんでぃぬ前例作（つく）ゆる目当（みやてぃ）とぅする事ん又あいがすらん分かやびらん。　オリンピックんかい関（かが）なとおる人（ちゅ）ん達（ちゃあ）、選手（いらびんちゅ）、観（ん）じゃあ達（たあ）、あんしまた持（む）ち国（ぐに）ぬ国民が如何ぬ風儀なてぃが行（い）ちゃびいらあ。　PCR検査（ちんさ）うりにワクチン打（う）ちんでえが如何ぬあたい関なやあに、如何がなてぃ行ちゃびいら。くりんまた「人体実験」風儀とぅがないびいらあ。　データびけんや、後々（あとぅあとぅ）確（たし）かみらりゆんねえし、しかっとぅ、くめえきてぃ、取（とぅ）とおかんでえならん事お、当（あ）たい前（めえ）やびいん。琉歌誰が審判すがコロナとぅぬ勝負（すうぶ）誰が作ゆがルール　（一字余り）コロナピックぬ　　（一字余り）筆：比嘉　清【語句、訳】コロナピック　新型コロナ禍のパンデミックの最中であっても、東京オリンピックは、どうしても開催しなければならいものになってしまっているようです。　先の事は、誰も分からないのであるから、良いとか悪いとか、言ったところで、どうにもなるものでありませんが、どのような結果になろうとも、「コロナ禍で開催するオリンピックの世界的大実験場」にする事やコロナ禍でもオリンピックができるという前例作りが目的なのでしょうか。　オリンピック関係者、選手、観客そして開催国の国民の健康がどのようになっていくのでしょうか。　PCR検査そしてワクチン接種の状況がどのように関係していくのか。これらの事も「人体実験」みたいになっていくのでしょうか。　データは後々、検証できるよう、こまめに、しっかり取っておくべきことは当然でしょう。琉歌誰が審判するのかコロナとの競技誰が作るのかルールコロナピックの筆：比嘉　清

  2021年06月14日

  コメント(0)

• 恐るしむん「慣り」

  恐（うとぅ）るしむんや「慣（な）り」　沖縄（うちなあ）於（をぅ）てぃぬ新（みい）コロナ罹(か)かやあや、今日（ちゅう）ん２４４人なてぃ、東京（とうちょう）んかい直（のお）しいねえ、２４００人ぐれえんかいないびいん。　コロナん恐しむんやいびいしが、人（ちゅ）ぬコロナ慣（な）ろぬん又（また）、いっぺえ恐るしむんやいびいん。　新コロナあ、新株（みいかぶ）作（つく）やあに、人攻（し）みたっ喰（くゎ）あちょおいびいしが、人てぃらむぬお、恐るしさん一時（いっとぅちゃ）、たでえまなかい、けえ慣りやあに、何（ぬ）ううん思（うま）あんないびいん。　あんし、又、いふぃ小（ぐゎあ）やてぃん、罹かやあぬ減（ふぃ）ないねえ、片心（かたくくる）、けえ許（ゆる）さびいん。医者（いしゃ）ぬは話（はなし）なかいや、あんないかんないそおるうちなかい、病院ぬんかいいかかいゆさな、けえ亡（まあ）する人ん出（ん）じてぃ来（ち）ゅうんでぃぬ事（くとぅ）やいびいん。　「悪（や）な慣り」んでえ、「脳が悪順応」する事やる風儀（ふうじ）やいびいん。うりぬ恐さしえ、例（たとぅ）れえ、戦（いくさ）ぬばすぬ人ぬ心、DV、人揉（ちゅみ）みじ、群集心理ん同（い）ぬむんやでぃ言（い）らっとおいびいん。「脳が順応」けえしいねえ、なあ、物（むぬ）ん思（うま）あらんなやあに、カニ（知性、常識、正常性）ぬ外（は）んでぃやあに、全（ま）っとうばに考（かんげ）えゆる事んならんなゆんでぃぬ事やいびいん。うりびけえのおあびらん。なあ、全っとうばな人ぬ言（ゆ）しん聞（ち）かんなゆんでぃぬ事やいびいん。　うん如（ぐと）おるうや、「まやあさっとおん」でぃぬ言葉（くとぅば）なかい言い表（あら）わさちやびいん。オリンピック開催ぬ事ん、うぬたっぺえあらんでえ済（し）まびいしが…。　同ぬ「慣り」やてぃん、良（い）い事んかい慣りやびら。琉歌人（ふぃとぅ）ぬ身（み）ぬ慣れや帆（ふ）無（ね）ん舟心（ふにぐくる）波風（なみかじ）に靡（なび）ち行（い）ちゅる辛（ちら）さ筆：比嘉　清【語句、訳】恐いのは「慣れ」　沖縄での新型コロナの感染者は今日も２４４人で、東京との人口換算では２４００人ぐらいです。　コロナも恐いものですが、人のコロナ慣れもまた、ほんとうに恐いものです。　新型コロナは、新株を作って、人への攻撃を繰り返しますが、人間は、恐さも一時で、すぐに慣れてしまい、気にしなくなるようです。　そして少しでも感染減になると、安心してしまいます。医者の言うには、そうこうするうちに、入院できずに死亡するケースも発生するとのことです。　「悪いことへの慣れ」というものは、「脳が悪いことに順応」する事のようです。その恐ろしさは、例えば、戦争時の人間の心、暴力（DV含む）、いじめ、群集心理なども同じだと言われています。「脳が順応」してしまうと、もはや、正常に判断することが出来ず、知性、常識、正常性が機能しなくなりようです。さらには、正常な人の助言を聴かなくなるとのことです。　そのような現象について、「まやあさっとおん（惑わされている）」との沖縄の言葉で言い表すこともできます。オリンピック開催の事も、そのような類でなければよいのですが…。　同じ「慣れ」でも、良い事に慣れましょう。琉歌人間というのは帆の無い小舟のよう波風のままに漂う心もとなさ筆：比嘉　清

  2021年06月03日

  コメント(0)

• 

  月食

  ２０２１年（にん）５月（ぐんぐゎち）２６日ぬ月（ちち）月食（ぐゎっしゅく）　夕（ゆ）びぬ十五夜（じゅうぐや）や月食そおいびいたん。２４年越（ぐ）しんでぃぬ事（くとぅ）やいびいたくとぅ、見（ん）でぃわるやるんでぃち、カメラ持（む）っち、外（ふか）んじ立（た）っちょおいびいたん。　雲（くむ）ぬ間（ゑえだ）からぬさかたとおたるばすお、きっさ、欠（か）きとおいびいたん。　欠き月（ちち）え、見（ん）じ慣（な）りてぃん居（をぅ）い、日食（にっしゅく）ぬ如（ぐと）お、ふぃるましむんでえ思（うみ）やびらんたしが、「見ちゃん」でぃゆるうっぴし、肝（ちむ）ふぃじゃびたんん。　「月ぬ間昼間（まぴるま）」んでぃぬ言葉（くとぅば）んあいびいしが、夕びえ、「月ぬ真夜中（まゆなか）」でぃが言（い）やびいらあ。琉歌月光（ちちびちゃい）消（ちゃ）あてぃ驚（うどぅ）るちんしるな地球（ちちゅ）ぬ影（かぎ）に隠（かく）りたびけ月夜（ちちゆ）ん毎夜（めえゆる）同（い）ぬ姿（しがた）やりば飽（あ）ち果（は）てぃゆい稀（まり）ね変（か）わら筆：比嘉　清月食　夕べの十五夜は月食になりました。２４年振りとのことでしたので、見なくてはと思い、カメラを抱いて外に立っていました。　雲の合間から顔を出したときは既に、欠けていました。　欠けた月は、見慣れており、日食のように珍しいとの思いはありませんでしたが、「見た」というだけで満足しました。　「月ぬ間昼間（まぴるま）」（昼のように明るい月夜）という言葉もありますが、夕べは「月ぬ真夜中」（真っ暗な夜）とでも言えばいいでしょうか。琉歌月明かりが消えても驚くなかれ地球の影に隠れただけ月も毎晩同じ姿では飽きるしたまには変身しよう筆：比嘉　清

  2021年05月27日

  コメント(0)

• コロナん又生ちち勝負い

  コロナん又（また）生（い）ちち勝負（すうぶ、しゅうぶ）い　種変（さにが）わい新（みい）コロナぬ飛（とぅ）び力（でえ）や、うすまさいぎさいびいん。　去年（くず）迄（までぃ）ぬコロナあ、弱（よう）ばあ両面テープぬ如（ぐとぅ）し、人（ちゅ）ぬ細胞（せえぼう）んかいたっ付（くゎ）ゆる力（ちから）ぬ弱（よう）さぬ、飛び力ん弱さたんでぃぬ事（くとぅ）やいびいしが、今度（くんどぅ）ぬ新コロナあ、たっ付ゆる力あ強力両面テープぬ如おる風儀（ふうじ）やいぎさいびいん。　弱ばあコロナぬ中（なあか）から、あった変わいし、たっ付い力ぬ強（つう）さるコロナぬ出（ん）じやあに、今（なま）あ、弱ばあコロナんかい取（とぅ）い変わやあに、流行（ふぇえ）とおいびさいびいん。　コロナ同士（どぅうさあ）ん、生ち残（ぬく）ゆんでぃち、勝負そおる風儀やいびいん。　コロナにとぅてえ、人ぬ細胞や、生ちちゅる為（たみ）ぬかねえがかいと同（い）ぬむんがやらん分（わ）かやびらん。　やいびいしが、人んかいかねえ代（でえ）、うやぎらんようい、「宿主（ぬうし）」滅（ふる）ぶちゃいしいねえ、自（どぅう）ん生ちちゆうさんしがどぅ…。あらんでえまた、「中和抗体」得（い）いらち、かねえ代ぬ積むええがやびいら…。　かあま大昔（うふんかし）、かねえ代ぬ積むええがやいびいたらあ、動物（いちむし）ぬ体（からた）んかいイヤ作（つく）てぃ取（とぅ）らちゃるウィルスん居（をぅ）たんでぃぬ事（くとぅ）やいびいしが、今ぬコロナや如何（ちゃあ）する積（ちむ）ええがやいびいら。琉歌何時（いち）なりば当（あ）たるワクチン打（う）しゅしや外（は）じきらん如（ぐとぅ）し願（にげ）え祈（いぬ）ら筆：比嘉　清【語句、訳】コロナもまた、生存競争なのか　新型コロナの変種の感染力はすざましいものがあるようです。　昨年迄の新コロナは、粘着力の弱い両面テープのようなもので、人の細胞にくっつく力が弱く、したがって感染力も弱かったとの事ですが、今年の新型コロナは、くっ付く力が強力両面テープのようだとのことです。　従来のコロナのぬ中から突然変異をして、粘着力の強いコロナが出現し、今では、従来の弱コロナにとってかわって、流行っているようです。　コロナ同士も、生き残る競争をしているようです。　コロナにとって、人の細胞は、生き抜く為の「小作」（畑）ようなものかも知れません。　ですが、人に小作料を献上せず、「宿主」を滅ぼしては、自らも生きていけないのですけど…。あるいは、「中和抗体」を呉れて、その積りになっているのでしょうか。　はるか古代、献上のつもりだったのでしょうか、動物の体に胎盤を作ってあげたウィルスもいたとのことですが、はたして、今のコロナはどうする積りなのでしょうか。琉歌何時になればありつけるワクチン接種に（間にあうように）取り残されないように願い祈ろう筆：比嘉　清

  2021年05月25日

  コメント(0)

• 新コロナ復ゆくん増ち

  新コロナ、復（また）ゆくん増（うゎあ）ち　沖縄（うちなあ）んじ、新（みい）コロナんかい罹（か）かたる人数（にんずう）や、一昨日（うてぃい）や２０３人（にん）、昨日（ちぬう）や１９８人やんでぃぬ事（くとぅ）やいびいん。　新コロナや事直（くとぅのお）い、又（また）願（にが）ゆる人（ちゅ）ん達（ちゃあ）ぬ肝（ちむ）ん知（し）らやびらん。くったあ種変（さにがわ）いむんや、とぅずまい道（みち）ん知らん、ゆくん、人抑（ちゅうせえ）てぃ、ゆくん、増（うゎあ）ちどぅ歩（あ）っちゃびいる。　「銭儲（じんもう）きんさんでえならん」んでぃ言（ゆる）人ん居（をぅ）い、遠慮（いんる）しいびちいんでぃ言る人ん居いびいしが、新コロナや、うんな事お、何（ぬう）ん構（かま）やびらん。　罹かてぃん、病院（びょうい）ぬんかい入（い）ららん人（ちゅ）んまんどおい、別（びち）ぬ病（やんめえ）罹とおる人ん、今（なま）あ病院ぬんかいかかてぃ取（とぅ）らすなんでぃぬ言（い）い付（ち）迄（までぃ）さっとおる風儀（ふうじ）やいびいん。　はあなあ、如何（ちゃあ）がなてぃ行（い）ちゃびいらあ。頭（かしら）ぬ人ん達（ちゃあ）、今ぬ事ん又、後々（あとぅあとぅ）、今ぬ暇（まあどぅ）ぬ如（ぐとぅ）ならんねえし、能（ゆ）う考（かんげ）えらんでえないびらん…。琉歌沖縄（うちなあ）ぬコロナ復（また）増（うゎあ）ち居（をぅ）しがあんし抑（うせ）えてぃどぅくやあらにコロナてぃる風気（ふうち）油断（ゆだん）好（じ）ちなやい忘（わし）りたるばすに増ち歩っち筆：比嘉　清【語句、訳】新型コロナ、再び、ますます増加　沖縄で新型コロナに感染した人は、一昨日は２０３人、昨日は１９８人だったとの事です。　新型コロナは改善を願う人々の願いを知りません。そしてコロナの変種は、総じて、収束することを知らず、人々を侮り、ますます、増加する一方です。　経済と叫ぶ人が居る一方、自粛を唱える人たちもいますが、新型コロナは、そんなことはお構いなしです。　感染しても、入院できない人も多いし、別の病気に罹かっている人も、今は病院に行くのを遠慮して欲しいとの達しも出ているようです。　もう、一体どうなるのでしょうか。　当局は、その事も、また将来、今回のような事にならないようよくよく、対策を考えないといけません。琉歌沖縄のコロナ再び増えているがこれほど侮りあんまりではないかコロナという伝染病（人間の）油断が大好きで（彼らが）忘れたタイミングで増殖する筆：比嘉　清

  2021年05月21日

  コメント(0)

• 小満雨え何処んかい？

  小満雨（しゅうまんあみ、すうまんあみ）何処（まあ）んかい？　今度（くんどぅ）ぬ小満雨え何処んかいが去（は）やびたらあ？　「梅雨入り宣言」ぬ新（しん）ぬ五月（ぐんぐゎち）５日（ぐにち）んじ、さったる後（あとぅ）、２、３日（にさんにち）え確（たし）かに雨（あみ）え、あいゆかん、降（ふ）とおたるむんぬ、うぬ後から今日（ちゅう）までぃ、むさっとぅ、降いびらん。　あんないかんないそうる内（うち）なかい、本土（やまとぅ）んじえ、「梅雨入り」けえなとおいびいん。だああんせえ、沖縄（うちなあ）ぬ小満雨え、如何（ちゃあ）なとおいびいが。あんしまた、小満雨やか、うすまさ降ゆるくぬ後ぬ芒種雨（ぼうしゅうあみ、ぼうすうあみ）え、如何ぬ風儀（ふうじい）がないびいらあ。　いっそうまあやれえ、長雨故（ながあみゆい）に、なんぞお、暑（あち）くんないびらんたしが、今度お、朝（あさ）ん夕（ゆ）さん、暑さぬ、またふみちん居（をぅ）いびいん。　早（ふぇえ、へえ）こお、どぅくだら、水餓死（みじかし）ぬ多（うふ）さぬ、本土から船（ふに）さあに、水かやあち来（ち）ゅうる年（とぅし）んあいびいたしが、くぬ後、今（なま）ぬ如（ぐとぅ）し、雨ぬ降らんあいねえ、同（い）ぬ如（ぐとぅ）、水渇ぬ世話（しわ）あ無（ね）えやびらんがやあ。　雨降いぬ節（しち）え、ちゃんとぅ、雨ん降てぃだぼり。琉歌雨無（あみね）えん小満またふみち暑さ水渇や済（し）まん降らち給（たぼ）りあきよ小満雨沖縄（うきな）はいくゎあち大和（やまとぅ）にどぅいめみ戻（むどぅ）てぃいもり筆：比嘉　清【語句、訳】梅雨はいずこへ？　今年の梅雨は一体何処へいってしまったのやら？　「梅雨入り宣言」が新暦の五月５日になされた後、２、３日は確かに雨はよく降っていたいのに、その後、今日まで、全く降りません。　そうこうするうちに、本土では梅雨入りがなされてしまいました。では、沖縄の小満雨（梅雨前期）はどうなってしまっているのでしょうか。そしてまた、小満雨より強力に降るこの後の芒種雨（梅雨後期）は、どうなるのでしょうか。　例年だと、長雨のために、それほど暑くならず済むのですが、今年は、朝から晩まで暑くまた湿気が強いです。　以前、あまりにも、枯渇することが多く、本土から船で水を運んでくることもありましたが、この後、今のように、雨が降らなければ、以前のように、枯渇の心配もないとは限りません。　雨降りの季節にもあんれば、きちんと降らして欲しいものです。琉歌雨の無い梅雨そして蒸し暑さ水渇になってはならないどうか降らしてくださいああ、梅雨雨よ沖縄を素通りして大和にいらしゃったのですか戻っていらっしゃい筆：比嘉　清

  2021年05月17日

  コメント(0)

• ワクチン打っち、気強らさな

  ワクチン打（う）っち、気強（ちいちゅう）らさな　今度（くんどぅ）ぬ新（みい）コロナあ、くぬ４～５日（しぐにち）ぐれえや、鎮（しじ）まいぎさあやいびいたるむぬ、種変（さいが）わいぬ出（ん）じとおる故（ゆい）がやら、また増（うゎあ）ち来（ち）ゃあに、よねえ、鎮まらん風儀（ふうじ）やいびいん。　なあ、如何（ちゃあ）そおてぃん、ワクチン頼（たる）がきんかいけえなとおびびいしが、近頃（ちぐる）い、御年寄（うとぅす）いぬ人（ちゅ）ん達（ちゃあ）んかいぬワクチン打ちん、進（しし）どおいぎさいびいん。あんやりわるやいびいる。　終（う）わいぬ見（み）いらんでえ、人てぃらむぬお、ちるだいさい、肝（ちむ）ぬ暮（く）りたいさびいしが、いふぃえ、見いてぃ来（ち）が居（をぅ）びいら。　やいびいしが、また、なあふぃん、別（びち）ぬ種変わいん出（ん）じとおんでぃぬ事（くとぅ）やいびいくとぅ、油断（ゆだ）のおないびらん。琉歌新（み）コロナん輩（やから）種変えい変（げ）けえい違（ちが）あるうし人攻（ちゅし）みてぃ歩（あ）っち筆：比嘉　清【語句、訳】ワクチンを接種して元気をだそう　今年の新型コロナは、ここ４～５日ほどは、収束に向かうのかと思っていましたのに、変異株が出現のせいなのか、再び感染数が増加し、なかなか収束しないようです。　もはや、何が何でも、ワクチン頼みになってしまっていますが、最近は、高齢者へのワクチン接種も進んでいるようです。そうでなければならないでしょう。　終わりが見えなければ、人は、気落ちしたり、気が滅入ったりしするのですが、少しは、先が見えてきたでしょうか。　ですが、また、もっと別の変異株が出現しているとのことですので、油断は禁物です。琉歌新型コロナもやり手だ変異を繰り返し入れ替わり立ち替わり人間を攻撃するし註（注意）：「気強ゆん」は「元気がでる」という意味の慣用句で、見かけは日本語の「気が強くなる」に似ていますが、そのような意味はありません。農作業で疲れたときに、近くの泉の水を飲んだときなどに、その慣用句を使います。「あっさ、気強とおるむん（ああ、元気がでたよ）」等。筆：比嘉　清

  2021年05月09日

  コメント(0)

• 種変わいコロナ

  種変（さにが）わいコロナ　新（みい）コロナぬ流行（ふぇえい）や、今（なま）ぬまあどお、種変わいぬどぅ主（うむ）なとおる風儀（ふうじ）やいびいん。　飛（とぅ）びい易（や）っさんあい、罹（か）かてぃから強当（ちゅうあ）たいなゆる迄（までぃ）ん、早（ふぇえ）さんでぃぬ事（くとぅ）やいびいん。　病院（びょういん）やパンクそおる風儀やい、なあ防（ふし）がらりやびらん。頼（たる）がきらりいしえ、ワクチンびけんがやいびいら。　あたまから、なあふぃん、しい様（よう）ぬあたる筈（はじ）やいびいん。今でぃいから言（い）ちゃんてえまん、何（ぬう）んないるむぬおあいびらんしが、また、後々（あとぅあとぅ）、同（い）ぬ事ぬ起（う）きてぃん、しい様ゆ取（とぅ）違（ちが）らんねえし、さんでえないびらん。　琉歌何時（いち）なりば明（あ）きるコロナぬ悪夢（やないみ）暮（く）らさらん暮らしにじてぃ居（をぅ）むぬ筆：比嘉　清【語句、訳】コロナ変種株　新型コロナの感染は、今は、変種株がメインとなっているようです。　感染しやすくもあり、感染してから重症化するまでの期間も短いとの事です。　病院は崩壊するし、もうどうしようもないようです。もはや頼れるのは、ワクチンだけなのでしょうか。　初期の段階から、もっと、別のやり方があったかも知れません。今となっては、それを言っても仕方がありませんが、今後、同様の事が起きても、対策・対処法を間違えないようにしなければならないでしょう。　琉歌何時になれば明けるコロナ禍の悪夢暮せない暮らし耐えているのに筆：比嘉　清

  2021年05月05日

  コメント(0)

• コロナ世ぬトリアージ

  コロナ世ぬトリアージ（命選び） 　コロナ世（ゆう）や今（なま）あ、第（でえ）四波（ゆんぱ）ぬ万事（ばんじ）なとおいびいん。 　大阪（ううざか）んじえ、御年寄（うとぅしゅい）やトリアージすん、さんでぃち、むさげえとおる風儀（ふうじ）やいびいん。 　沖縄（うちなあ）んじん、くぬ前（めえ）ぬ話（はなし）なかいや「病院（びょういん）んかい掛（か）かゆる人（ちゅ）ん達（ちゃあ）や、病院ぬベットぬ数（かじ）やか上勝（ゐいまさ）とおんでぃぬ事（くとぅ）やいびいたん。今日（ちゅう）や如何（ちゃ）ぬ風儀（ふうじい）がなとおいびいらあ。 　うんなあり様（ありさま）ゆ医療崩壊（びょういんぬくずり）んでぃ言（い）らんでえ、何（ぬう）や医療崩壊んでぃ言（や）びいらあ。 　やいびいしが、医療崩壊ぬなたしえ、御年寄故（ゆい）どぅやびいがやあ。誰故（たあゆい）にあんなとおいびいが。 　御年寄やコロナ、怖（うとうる）ささあに、命（ぬち）あらささあに、家籠（やあぐま）いどぅそおるい、医療崩壊ぬ元（むとぅ）んあらなそうてぃ、何（ぬ）が何んでぃち、トリアージさびいが。　コロナ世（ゆう）於（をぅ）とおてぃぬトリアージぬ決（ちわ）み事（ぐとぅ）や歳（とぅし）とぅか、後何年（あとぅなんにん）生（い）ちちゅがんでぃ言（ゆ）る事なかいや決わみらんようい、コロナから命あたらし、守（まむ）らんでぃそおる人ん達（ちゃあ）とぅコロナぬ事なっくぇえ、医療崩壊になたる訳作たる人ん達とぅ分やあに決わみびちいやあいびらに。琉歌命（ぬち）や諸（むる）同（い）ぬう。コロナ名付（なぢ）きやい誰（たあ）ん命選（ぬちいら）びすしやあらん筆：比嘉　清【語句、訳】コロナ時代におけるトリアージ（医療現場での命の選択）　コロナ禍は現在、第四波の只中にあります。　（報道では）大阪では、高齢者等をトリアージの対象にするしないで騒がしくなっている状況です。　沖縄でも、最近の事ですが、病床占有率が１００％を超えたことがあります。今日あたりはどうなのでしょうか。　このような状況を医療崩壊と言わずに、何をもって、医療崩壊というのでしょうか。　ですが、医療崩壊の原因は高齢者なのですか。誰のせいでそうなったのですか。　高齢者はコロナを怖がり、命を惜しんで、家に籠もって自粛しているのであり、医療崩壊の原因ではありません。それなのに何故トリアージの対象になるのでしょうか。　コロナ禍においてのトリアージの基準は年齢や余命などで決めるのではなく、コロナから命を守ろうと努力している人々と、コロナをそれほど気にせず医療崩壊の原因を作った人々を分けて考えるべきではないでしょうか。琉歌命は皆平等コロナ禍に乗じて誰も命の選択をすべきでない筆：比嘉　清

  2021年05月01日

  コメント(0)

• 『沖縄對話』とぅ護得久按司朝常Ⅱ

  『沖縄對話』とぅ護得久按司朝常Ⅱ　やいびいくとぅ、『沖縄對話』や日本語教科書やいがなあん、うぬ沖縄語（うちなあぐち）ぬ所（とぅくる）お、今（なま）ぬ沖縄人（うちなあんちゅ）にとぅてえ、「うちなあぐち教科書」風儀（ふうじい）ん、けえなとおいびいん。　あんし、いいくるぬ沖縄人お、うぬ書物（しゅむち）於（をぅ）とおてぃぬ沖縄語表記ぬ所迄（までぃ）ん、あたらさし、真似（ねえび）そおる所んあいびいん。『沖縄對話』於とおてぃぬ長音（ながうん）や、昔（んかし）からぬ開音（かいうん）ぬ考（かんげ）えらってぃ、いっそうから棒線（ぼうしん）記号（長音記号）に書（か）ち表（あら）わさっとおるむぬお、あいびらんしが、あまくまが長音記号なとおる事（くとぅ）なかい、長音や棒線記号しん良（ゆ）たさんでぃぬ肝（ちむ）んかいけえなとおる風儀（ふうじ）やいびいん。　うんなくんなし、今ぬ長音やいっそうから棒線記号、使（ちか）ゆる慣（な）りんかいけえなとおるしいじえあらんがあらんでぃ思（うむ）やびいん。　棒線記号ぬ由来（ゆれえ）や、なあふぃん、調（しら）びいねえ、他（ふか）にん、あら筈（はじ）やいびいしが、特（かわ）てぃ『沖縄對話』ぬ沖縄語表記え、うりから後（あとぅ）ぬ沖縄語表記、覆（うす）てぃ行（ん）じゃんでぃ思（うま）ありやびいん。　護得久とぅしちえ、『沖縄對話』やまあまでぃん、日本語習あする為ぬ教科書どぅやいびいたる、後々（あとぅあとぅ）ぬ沖縄語ぬ書ち言葉（くとぅば）ぬ事までえ、考（かんげ）えて居（をぅ）らんたる筈いびいん。　あんし、『沖縄對話』ぬ沖縄語ぬ所お、真肝（まじむ）に念入（にんい）りてぃ、書かっとしえ、当（あ）たい前（めえ）ぬ事やいびいん。　後々（あとぅあとぅ）ぬ沖縄語え、如何（ちゃ）ぬ風儀（ふうじい）し扱（あち）けえてぃ行（い）けえ済（し）むがんでぃゆる考（かんげ）えん持（む）たん侭（まま）、護得久按司ぬ、うんなうちなあぐちぬ書ちい様（よう、＝表記）が後々（あとぅあとぅ）、うちなあぐち表記が長音（ながうん）ゆいっそうから棒線「ー」なかいけえ書ちゅんねえなやあに、書ち言葉ぬ溶（とぅう）きてぃ行ちゅる（崩りてぃ行ちゅる）始（はじま）いなゆんでえ、むさっとぅ、思（うま）あんたる筈（はじ）やいびいん。追記：沖縄語ぬ表記ぬ事、考えゆるばすお、沖縄語え独立言語やんでぃゆる肝（ちむ）ぬあみ、無えらにんでぃぬ事とぅか、また話し言葉表記（聴覚言語、口頭言語、音声言語）とぅ書ち言葉表記（視覚言語、語法、伝統でえがたっ加ゆん）とお別（びち）やんでぃぬ考（かんげ）えぬ無（ね）えらんでえ、考えぬまちぶいかあぶいし、定（さだ）み難（ぐり）さいびいん。うわい筆：比嘉　清【語句、訳】『沖縄對話』と護得久按司朝常Ⅱ　ですから、『沖縄對話』は日本語教科書でありながらも、その沖縄語部分は、今日では、「うちなあぐち教科書」のようになってしまっています。　そして、大方の沖縄人は、その教科書の沖縄語表記についても、大切に思い自らのものとするようになってきたと思われます。『沖縄對話』における長音は、伝統的な開音との関係もあるので、すべてが棒線記号（長音記号）になっているわけではありませんが、部分的に長音記号が使われていることにより、長音は棒線記号でも良いという風潮になっていると思われます。　そんな経緯もあって、今では長音は、ほぼ全面的に（統一的かつ貫性を追求）棒線記号を使う習慣が出来上がってきとた思われます。　棒線記号の由来はもっと、調べれば、他にもあるかもしれませんが、特に『沖縄對話』の沖縄語表記はその後の沖縄語表記を支配的に影響したと思われます。　護得久としては、『沖縄對話』はあくまで、日本語を沖縄人に伝授する為の教科書であって、将来の沖縄語の書き言葉の事まで想定していたわけではないだろうと思います。　『沖縄對話』の沖縄語部分が誠意を込めて書かれていることは当然のことでしょう。ただ、将来、沖縄語をどうしようという志向と方針を持たないまま（当時としては恐らく何も考えてなかった可能性がある）、そのような表記がその後の沖縄語表記に影響をあたえかもしれません。追記：沖縄語の表記を考える場合、独立言語（自己申告）として位置付けるのか、そうでないとするのか、また話し言葉（（聴覚言語、口頭言語、音声言語、会話調の表記））としの表記なのか、書き言葉（視覚言語、語法、伝統表記などが考慮される）としての表記なのかを、分けてけなければ、混乱するだろう。　話し言葉表記の場合は、地域毎、グループ毎、家族ひいては個人毎に、場合によっては場面ごとに異なるのであるから、どれが正しいとか共通的表記を求めるのは実際的でないだろう。話し言葉表記は自由度が高いのである。おわり筆：比嘉　清

  2021年04月25日

  コメント(0)

• 『沖縄對話』とぅ護得久按司朝常

  『沖縄對話』とぅ護得久按司朝常　『沖縄對話』や明治１２年（にん）３月（ぐゎち）ぬ廃藩置県から１年半後（あとぅ）んじ、沖縄県（うちなあちん）学務課（がくむか）が沖縄人（うちなあんちゅ）ぬ日本語（やまとぅぐち）ゆ習（なら）あする為（たみ）なかい纂（つく）たる教科書（しゅむち）やいびいん。　あんし、うり書（か）ちゅる事（くとぅ）、県から言（い）い付（ち）きらったしえ、護得久朝常んでぃ言（ゆ）る按司（あじ）（尚泰３年～明治４３年）なやあい、廃藩置県前（めえ）から学校所（がっこうず）んかい関（かが）なとおたる人（ちゅ）やみせえいびいたん。　国学（くくがく）奉行（ぶじょう）、真和志平等（まあじふぃら）学校所奉行、真和志等総横目（すうゆくみ）、御系図（ぐちいじ）奉行んでえんかい当（あ）たてぃ来（ち）ゃるまぎいやみせえん。　うんにいぬうちなあぐちんでぃ言いねえ、諸（むる）またいいくる、開音（かいうん）ぬ文語表記なやあに、合音＝口音（ごううん）なかい書ちゅしえ、慣（な）りてえ居（をぅ）いびらんくとぅ、よねえあいあらんたる筈（はじ）やいびいん。　やいびいしが、くぬ時代（じでえ）ぬ人ぬうちなあぐちえ、今（なま）ぬ、いいくるヤマトゥグチなかいみんぐゎっさとおるうちなあぐちとお違（ちが）てぃ、当（あ）たい前（めえ）ぬ事（くとぅ）、しょうむんやいびいたん。護得久んうぬしょううちなあぐちさあぬ一人（ちゅい）やみせえびいたん。続（ちぢ）ちゅん。註：按司=尚真王世ぬ前や按司。後おゆかっちゅ（さむれえ）、大名（でえみょう）とぅしちぬ身分。筆：比嘉　清【語句、訳】『沖縄對話』と護得久按司朝常　『沖縄對話』は明治１２年３月の廃藩置県から１年半後に沖縄県学務課が沖縄人の日本語教育を目的として編纂された教科書です。　そしてそれを編纂する事を県から委託されたのが、護得久朝常という按司（註：身分呼称）（尚泰３年～明治４３年）であり、廃藩置県前より教育に携わった人間でした。　国学奉行、真和志平等学校所奉行、真和志等総横目、御系図奉行等の経歴を持つかなりの人物でした。　当時の沖縄語といえば、殆どが開音の文語表記でしたので、口語音で表記するのは慣れていませんでしたので、すんなりとできたわけではなかったはずです。　この時代の人々の沖縄語は、現在の、およそ日本語の影響を受けた（毒された）沖縄語とは違い、当然ならが、「純粋」なものだったでしょう。護得久もそのネイティヴ話者の一人でした。続く。註：按司=尚真王時代以前は地方豪族。以降は士族（大名）としての身分呼称。廃藩置県以降はそれらの身分は（自動）消滅した筈であるが、当時の史料（国による教育事情調査等の）を見ると（慣性的？に）廃藩置県以降も使われていたようである。筆：比嘉　清

  2021年04月24日

  コメント(0)

• 今度ん清明祭や無えらん

  今度（くんどぅ）ん清明祭（しいみい）や無（ね）えらん　今度ん清明祭やさんでぃちぬ話（はなしい）ぬあいびいたん。　去年（くず）んさんたい、また去（ん）じゃる十六日蔡（じゅうるくにちい）ん、親（をぅや）ぬ家（やあ）ぬ人（ちゅ）ん達（ちゃあ）ん兄弟（ちょうでえ）ん一人（ちゅい）んちょうん来（く）らたくとぅ、なあ長（なげ）えさ親戚腹氏（ゑえかはろうじ）ぬ人ん達とお行逢（いちゃ）てぃん見（な）あびらん。　んちゃ、沖縄（うちなあ）ぬ新（みい）コロナぬ広（ふぃる）がい様（よう）や、他（ゆす）ぬ都道府県（とぅどうふちん）とぅ比（くな）びてぃん、うすまさ、まぎさいびいん。　ワクチンや遅（うく）りがな遅りやあに、じょうい、今（なま）とぅいやあらんでぃぬ事（くとぅ）やい、なあ、如何（ちゃあ）がさびいら。　やいびいしが、琉球大学（るうちゅうでえがく）とぅ広島（ふぃるしま）ぬまあがなぬ機関ぬ、まじゅんさあに、とぅめえい着（ち）ちゃるPCR検査（ちんさ）ぬ話や如何（ちゃあ）がないびたら。２分（ふん）が間（ゑえだ）さあに、検査なゆんでぃぬ事やいびいたるむんぬ。琉歌コロナ世（ゆ）ぬ慣（な）れや駕籠（かぐ）ぬ鳥（とぅい）心（ぐくる）行逢（いちゃ）てぃ物語（むぬがたい）ならん辛（ちら）さコロナ世ぬマスク下（しむ）かかん心はじてぃ晒（さら）すりば恥（はじ）になゆさ筆：比嘉　清【語句】今年も清明祭は無し　今年も清明祭は行わないとの連絡がありました。　去年も中止になったし、また去った十六日蔡も、実家の人々も兄弟も誰一人、訪れませんでしたので、もう長らく親戚の人達と逢っていません。　確かに沖縄に新型コロナの感染の広がり具合は、他の都道府県と比べても、すごく大きいです。　ワクチンは遅れに遅れ、とても、まだまだのようであり、もうどうしたらよいのでしょうか。　それにしても、琉球大学と広島のどこかの機関が共同で開発したPCR検査の件はどうなったのでしょうあか。２分間で検査できるという事でしたのに。琉歌コロナ時代というのは駕籠の中の鳥のようだ逢って語り合う事もできない辛さよコロナ時代のマスク下着同様なのか外して顔を晒せば恥ずかしいし筆：比嘉　清

  2021年04月08日

  コメント(0)

• だあ！２月風回いや？

  だあ！２月風回いや？　うちなあ暦（ぐゆみ）ぬ２月（にんぐゎち）ん後（あとぅ）、一週間ぬんかいけえなとおいびいん。先（さち）一週間ぬうゎあちちぬさんみん見（ん）ちん、雨え２、３日びけえどぅやいびいる。　やいびいしが、今度（くんど）お、いっそうまぬ二月風回（にんぐゎちかじまあ）いんでぃ言（ゆ）る雨降（あみふい）ぬ節（しち）とお変（か）わてぃ、なあだ、長雨（ながあみ）え無（ね）えやびらん。　雨えあしあいびいたしが、ようい、一日（いちにち）、一時（いっとぅちゃ）どぅやいびいたる。　今度ぬ如（ぐと）おるうゎあちちえ、１０年（じゅうにん）に一回、二回（ちゅけん、たけんびけえや、あいびいしが、今度ぬうりん、うゎあちちぬ異風（いふう）なあけえなとおる故（ゆい）がやいびいら。琉歌二月ぬ慣（な）れや長雨ぬ降（ふ）ゆし降らんなゆしん又（また）温世（ぬくゆ）故（ゆい）い筆：比嘉　清どうした！２月風回り？　旧暦の２月も後、一週間となりました。　ですが、今年は、普段の「二月風回い」という雨降の季節なのに、まだ、それらしき長雨はありません。向こう一週間の予報を見ても、雨は２、３日だけです。　雨はあっても、たった一日あるいは一時的なものでした。　今年のような、天候は１０年に一回、二回ばかりは、ありましたが、今年のそれは、異常気象のせいなのでしょうか。琉歌二月の常としては長雨が降るもの降らなくなったのもまた温暖化のせいなのか筆：比嘉　清

  2021年04月05日

  コメント(0)

• 温世ぬ忘り寒さ

  温世（ぬくゆ）ぬ忘（わし）り寒（びい）さ　三月（さんぐゎち）ぬ２０日（はちか）まんぐる迄（まで）え、半袖（はんすでぃ）するあたい、温（ぬく）ばあとおいびいたるむぬ、うぬなあ明日（あっちゃ）まんぐるからあ、再（また）、寒（ふぃい）くけえなてぃ来（ちょ）いびいん。　戻（むどぅ）い寒（びい）さんでぃちん、良（ゆ）たさる筈（はじ）やいびいん。　いっそうまぬ春（はる）やれえ、うんなうゎあちちぬばあや、風邪（かじ、はなひち）引（ふぃ）ちゃいさびいしが、今度（くんど）お、コロナんかい罹（か）からんねえし、肝掛（ちむが）きてぃとおる故（ゆい）がやら、風邪ん引ちゃびらん。　やいびいしが、ふぃるまさせえ、実（じゅん）に、必（かんな）じ、新（しん）ぬ三月ぬ下（しむ）んじえ、戻い寒さなゆる事（くとぅ）やいびいん。　温世（ぬくゆう）なたる故（ゆい）に、うゎあちちえ、いいくる、けえ違（ちが）とおるむぬやいびいしがどぅ…。琉歌温世ぬうゎあちちあい変（か）わてぃ居（をぅ）しが戻（むどぅ）い寒（び）さびけやむとぅち居むぬ筆：比嘉　清温暖化時代の寒戻り　三月の２０日頃までは、半袖で過せるほど、暖かくなっていたのに、その翌日あたりから、再び、寒くなりました。　寒の戻りと言ってもよいでしょう。　いつもの春であれば、そういう天気のの場合は、風邪をひいたりしますが、今年は、コロナ対策を心がけている所為か、風邪もひきません。　ですが、不思議なのは、本当に新暦の三月下旬には必ず寒の戻りがあることです。　温暖化になったことにより、天候は、殆ど狂ってきているのですが…。琉歌温暖化の天候激変しているが寒の戻りだけは相も変わらず筆：比嘉　清

  2021年03月24日

  コメント(3)

• 長音ぎさる「う」とぅ「お」ぬ違えみ

  長音ぎさる「う」とぅ「お」ぬ違えみ　オ段音（だんうん）ぬばあぬ長音（ながうん）や、実（じゅん）にやれえ「お」んでぃ成（な）ゆる筈（はじ）やいびいしが、実（じち）え、「う」んでぃち書（か）ち表（あら）わさっとおる事（くとぅ）ぬ多（うふ）さいびいん。　やいびいしが、昔（んかし）からぬ書ちい様（よう）ぬ慣（な）りや、大概（てえげえ）や「う」なとおいびいん。日本語（やまとぅぐち、にふんぐ）ん、また同（い）ぬ如（ぐとぅ）、あん成とおいびいん。例（たとぅ）れえ「お父さん」、「正月」、「合唱」んでえ於とおてえ、常（ちね）ぬ長音やいびいくとぅ「う」。　やいびいしが、「遠い」、「通る」でえねえし、「お」やるばあんあいびいん。うんなむぬにちいてえ、「お」ぬ所（とぅくる）お、何（ぬう）がなぬ意味（ちむええ）ぬあぬ語（くとぅば）ぬ音節（うとぅ）おあらんがやあんでぃ思（うむ）やびいん。しかっとお分（わか）らのおあいびいしが、例れえ（遠居い）」、「通居る」んでえ）。あらんでえまた、ただぬ慣りがやらん分かやびらん。　うちなあぐちぬばあ於とおてぃ、例れえ、「直（のお）すん」、「煽（おお）ゆん」、「成とおん（成てぃ居るん）」ぬばあや、元（むと）お、２音節やいびいくとぅ、「お」んでぃちすんとぅかぬ工夫（くふう）ぬないびいん。　うぬ「お」とぅ「う」ぬ違えみぬ難（むち）かまらさくとぅんでぃち、「ー」びけんなかい、けえ書けえ済（し）むんでえ思（うま）あんようい、肝入（ちむい）りてぃ、扱（あち）けえびちいやあらんがあらんでぃ思（うむ）やびいん。　ただ、確かに「お」がやら「う」がやら分からん語んあいびいん。うんなばあや、先（ま）じえ、二（たあ）ちぬ書ちい様（よう）ゆ認（みとぅ）みやあに、後々（あとぅあとぅ）から吟味（じんみ）せえ済（し）むのおあいびらんがやあ。　うちなあぐちぬ研究ん、うんな段（だ）ぬんかい来（ち）ぇえ居（をぅ）いびらに。筆：比嘉　清【語句、訳】　　長音と思しき「う」と「お」の違い　オ段音の場合の長音は、ルールに添えば「お」になる筈ですが、実際は、「う」と表記されることが多いです。　ですが、伝統的には、大概、「う」になっています。日本語も、また同じくそのようになっています。例えば「お父さん」、「正月」、「合唱」等は、通常の長音ですから「う」など。　けれど「遠い」、「通る」等のように「お」となることもあります。そうなる場合については、「お」ぬ部分が何らかの意味のある語でその音節ではないかと思われます。そうだとは明言できませんが、あくまで例え話で「遠い」は「遠居い」、「通る」は「通居る」といった具合に。あるいは単に慣例的な表記なのかも知れません。　沖縄語の場合で、例えば、「直（のお）すん」、「煽（おお）ゆん」、「成とおん（成てぃ居るん）」の場合は、元が２音節あるいは意味のある語の音（「な+お+す」、「あ+お+る」、「なって+居る」）ですので、「お」とする扱いができます。　そのように「お」と「う」の違いの見極めが、難しいからといって、一律にただ「ー」記号だけ表記してしまえばよいとうのではなく、掘り下げて語源を見極め（研究）し、その成果を表記に反映するべきだと思います。　確かに「お」なのか、はたまた「う」なのか分からない語もあります。そういう語については、とりあえず（暫定的）に、二通りの表記を許し、今後の検討に委ねれば良いのではないかと思います。　沖縄語の研究もそのような段階に差し掛かってはいないでしょうか。筆：比嘉　清

  2021年03月18日

  コメント(0)

• 表記ぬ事Ⅲ（「百聞一見にしかず」）

  表記ぬ事（「百聞一見にしかず」）　「百聞一見にしかず」んでぃぬ黄金言葉（くがにくとぅば）ぬあいびいしが、文言（むんぐん）ぬ表記（かちいよう、ひゅうち）ぬ事（くとぅ）んかい相応（ふさ）とおんでぃ思（うみ）やびいん。　「あれー」、「行（い）かー」んでえや、百回（ひゃっくぁい）なあ聞（ち）ちん、長音（ながうん）ぬんかいどぅ聞（ち）かりやびいしが、うり、「あり（名詞）+え（助詞）」、「行か（動詞条件形）+あ（助詞）」んでぃ書（か）ち直（のお）しいねえ、一回（ちけん）さあに、勘（かん）取（とぅ）い易（や）っさいびいん。　若（む）しか、字引（じいふぃち）作（つく）ゆるばあに、「あれー」や、うぬまあまあ「あれー」しどぅ書ち留（とぅ）みてぃ、一（てぃ）いちぬ語（くとぅば）しち、表（あらわ）しいがさびいらあ。あらんでえ、「あれ」とぅ「ー」ゆ書ち分（わ）かち、「ー」ぬ意味（ちむええ）とぅ語音（ぐいん）や、ちゃん如（ぐとぅう）やんでぃち、説明（はなしい）すしん、何（ぬう）ぬ支（ちけ）ん障（さあ）いん無（ね）えらんがあいびいら…。注：「行かー」ぬ「ー」や開音「わ（は）（wa）」なやあに、日本語ぬ仮定助詞「ば」。くりん、「wa」ぬ「w」ぬ外んでぃとおる音どぅやる、元（むとぅ）からぬ長音やあびらん。筆：比嘉　清【語句】　「百聞一見にしかず」ということわざがありますが、文章の表記の事についても、言えるかと思います。　「あれー」、「行（い）かー」などは、百回、聞いても、長音にようにしか聞こえませんが、これを「あり（名詞）+え（助詞）」、「行か（動詞条件形）+あ（助詞）」と表記すれば、一目で意味がわかります。　もし、辞典を編纂するときに、「あれー」をそのまま「あれー」と表記し、一語として表すのでしょうか。そうでなけなく「あれ」と「ー」を別々にして、「ー」の意味と語音は、こうこうですよと、説明をするのであれば、ややこしい事にならないでしょうか（と心配してしまいます）…。注：「行かー」の「ー」は開音「わ（は）（wa）」であり、日本語の仮定を表す助詞「ば」。こえも、「wa」の「w」が脱落した音であって、元来、長音ではないのです。筆：比嘉　清

  2021年03月08日

  コメント(0)

• 表記ぬ事Ⅱ

  表記（かちいよう、ひゅうち）ぬ事Ⅱ　表記ぬ事にちいてえ、前（めえ）に『沖縄對話』ぬ前（めえ）ぬ昔（んかし）からぬ慣（なり）ぬ通（とぅう）いどぅそおるんでぃぬ話（はなしい）さびたしが、実（じち）え、なあふぃん、肝（ちむ）いぐまちさんでえならん理由（わき）んあいびいん。　固定長音ゆ日本語（やまとぅぐち）ねえし、母音（ぶいん）なかいするしい様（よう）んかいや、語（くとぅば）ぬ成（な）い様（よう）ぬ分（わ）かやびいん。　例（たとぅ）れえ、後（あとぅ）ぬ通いやいびいん。「油（あんだ）あ」（油は）ぬ語尾（くとぅばちび）ぬ「あ」や係助詞んでいんぬ語なやに、実（じゅん）ねえ長音やあいびらん。「何（ぬう）そおが」ぬ「お」や「居」ぬ意味（ちむええ）なやあに、昔ぬ「何し居（をぅ）ゆが」からぬ変（か）わとおる形。今あ「すん」ぬ進行形。「うちなあ」ぬ「あ」や開音「おきなわ」ぬ「わ」ぬ変（か）わい音（うん）。開音ぬ語中まんぐらぬ「wa」や「w」ぬ外（は）んでぃやあに、いいくる「あ」んかいなやびいん。例「泡」→「ああ」、「皮」、「川」→「かあ」。同（い）ぬ如（ぐとぅ）、開音ぬ「ｒ」や外でぃやあに「い」んかいないるばすぬあん。「鳥」→「とぅい」、「首里」→「しゅい」、「薬」→「くすい」。　うん如（ぐとぅ）うさあに、長音ぎさる語ん実ねえ、独立（どぅうたっちい）そおる音節（ぐいん）やるばあんあいびいん。ただ、今一時（なまいっとぅちゃ）ぬ長音や、「ー」記号なかいしすせえ、またくりえ、当（あ）たい前（めえ）ぬ事どぅやびいびる。「松金（まちがに）」、呼（ゆ）ぶるばあや「まちがにいー」とぅないる如（ぐとぅ）やいびいん。　うんぐとぅうし、うぐち、長音や母音使（ちか）らんでえ、後後（あとぅあとぅ）、語（くとぅば）ぬ事、扱（あちけ）え易（や）っさいびいん。筆：比嘉　清【語句】　表記考Ⅱ　表記については、前回、『沖縄對話』以前の伝統的な表記法に従っているだけと書きましたが、実はそれだけでなく積極的な理由もあります。　固定長音を日本語のよに、母音でする方法だと、語の成り立ちが分かります（説明が必要な場合等）。　例えば次の通りです。「油（あんだ）あ」（油は）の語尾の「あ」は係助詞。「何（ぬう）そおが」の「お」は「居」の意味で、古語の「何し居（をぅ）ゆが」からのへ変音。今の「すん」の進行形（進化した）。「うちなあ」の「あ」は開音「おきなわ」の語尾「わ」の変音。開音の概ね語中「wa」の「w」が抜け落ち、殆どは「あ」になります。例「泡」→「ああ」、「皮」、「川」→「かあ」。同様に、開音の「ｒ」も抜け落ち、殆どは「い」になることがありますん。例「鳥」→「とぅい」、「首里」→「しゅい」、「薬」→「くすい」。ただし、臨時長音の場合は、「ー」記号などですることは、当然でしょう。例「松金（まちがに）」を呼ぶ場合は「まちがにいー」となるようにです。　このように、積極的に長音に母音を使う事は、必要な場合、語句の説明取り扱いが容易にできるのです。筆：比嘉　清

  2021年03月04日

  コメント(0)

• 表記法ぬ事

  表記法ぬ事　我（わあ）文言（むんぐん）ぬ書（か）ちい様（よう）にちいてぃ、いいくる、問（とぅ）うらりいる事（くとぅ）ぬあいびいん。　ゆんたく物語合（むぬがたええ）そおるばあんあい、またうちなぐち勉強会（びんちょうくゎい）於（をぅ）とおてぃんあいびいん。　「いいくるぬ人（ちゅ）ん達（ちゃあ）や、長音（ながうん）や棒線記号なかいどぅそおいびいしが、何（ぬう）んでぃち、うんじゅなあびけえや変（か）わとおいびいが」　あんし、我返事（ふぃじ）え、　「廃藩置県ぬ前迄（めえまでぃ）え、昔（んかし）からぬ書ちい様どぅやいびいる、我勝手（わあかってぃ）なかいそおるむのあびらん。おもるさうし（うむるすうし）ぬ編纂者（ぬしどぅい）うりから玉城朝薫はじみ組踊）くみをぅどぅい）ぬ作家達（かちゃあたあ）ん、諸（むる）、長音や母音（ぶいん）使（ちか）うゆる書ちい様そおいびいたんてえ」　あんしまた、序（ちい）でぃに、「何ん難（むち）かまらさる書ちい様やあびらん。日本語習（なら）とおる小学一年生（しょうがくいちにんしい）ぬんないる書ちい様やいびいん」　うん如（ぐとぅ）うし応（いれ）いねえ、「あんせえ、今ぬ棒線使ゆる書ちい様や何時（いち）から始ま（はじ）まとおいびが」　「いやでぃん、廃藩置県後（あとぅ）ぬ日本語教科書『沖縄對話』ぐれえかあらああいびらんがやんでぃ思（うむ）とおびいん」　いいくる、うんな言（い）ちゃい外（は）んちゃいやびいさ。琉歌（追記2021/2/25）書ち美（ぢゅ）らさあてぃどぅ読（ゆ）み欲（ぶ）しゃんなゆるやくとぅどぅいぐまち書ちんしゅゆる筆：比嘉　清【語句】表記法の事　私の文章の表記についてよく質問を受けることがあります。　世間話をする時やうちなぐち勉強会でもあります。　「殆どの人達は、長音は棒線記号でしいますが、どうして、違うのですか」　そして、これに対する私の返事は、　「廃藩置県の前迄の伝統的な表記法なのであり、私が勝手にやっているのではありません。『おもろさ牛』の編者（王府の役人）それに玉城朝薫はじめ組踊の作家達も、皆、長音は母音を使う表記法をしていいました。　そして、序でに付け加えます。「何も難かしい表記法ではありません。日本語教育を受けた小学一年生でもできる表記法です」　そのように答えると、「では、今の（大方の）棒線表記法はは何時頃から始まったのですか」　「多分、廃藩置県後の日本語教科書『沖縄對話』あたりからではないかと思います」　まあ、だいたいこんな受け答えです。琉歌（追記2021/2/25）書いて美しいからこそ読みたくもなるだからこそ気合を入れて書くのである筆：比嘉　清

  2021年02月24日

  コメント(0)

• 年ぬ夜

  年（とぅし）ぬ夜（ゆるう）　今日（ちゅう）や年ぬ夜やいびいん。　二月（にんぐゎち）風廻（まあい）ぬ兆（しるし）がやら、昨日（ちぬう）ぬ夜（ゆる）から、風（かじ）ん強（つう）さい、大雨（うふあみ）ん、ちゃあ降（ふ）いそおいびいん。　明日ぬうちなあ正月（しょうぐゎち）や初春（はちはる）やいびいん。新（しん）ぬ正月え、未（なあ）だ、冬（ふゆ）ぬ万事（ばんじ）どぅやいびいくとぅ、春ぬ節（しち）えあいびらんしが、「初春ノオ慶ビ申シ上ゲマス」風儀（ふうじ）ぬ挨拶（いぇえさち）え、実（じち）え、旧暦使（ちか）とおたる名残（なぐい）当どぅやいびいる。　うんな事（くと）お済（し）まびいしが、年ぬ夜とぅ正月びけんや、心安々（くくるやしやし）とぅ居い欲（ぶ）しゃいびいん。琉歌年ぬ夜やちょうん静（しじ）かあてぃ給（たぼ）り諸事（しゅぐとぅ）忘（わし）りやい新年（みどぅし）明（あ）かさ筆：比嘉　清年（とぅし）ぬ夜（ゆるう）　今日は（旧暦の）大晦日です。　二月風廻の前兆なのか、昨晩から強風と大雨が続いています。　明日の旧正月は初春です。新暦の正月は、未だ、真冬であり、春ではありませんので、「初春のお慶びを申し上げます」的な挨拶は、旧暦を使用していた時代の名残です。　まあ、そんな事はさておき、（旧暦）大晦日と正月だけは、安らかに過ごしたいものです。琉歌大晦日だけでも静かであって欲しい諸事を忘れ新年を迎えよう筆：比嘉　清

  2021年02月11日

  コメント(0)

• 地名「糸満」ぬ由来（ゆれえ）

  地名「糸満」ぬ由来（ゆれえ）　昨日（ちぬう）ぬNHKぬ番組「日本人のおなまえ」於（をぅ）とおてぃ、「糸満（いちゅまん）」ぬ由来や英語（いんじりい）ぬ「エイトマン（eight man）」やんでぃちゃあま、語（かた）とおいびいたん。「エイトマン」でえ、航海世（ゆう）んじ英国（インジリイ）ぬ難船（なんしん）から糸満ぬんかい上（あ）がたる（また救しきらったる）８人ぬ乗組員ぬ事（くとぅ）やんでぃぬ事やいびいん。　やいびいしが、『沖縄資料集成』（1975年、green-life発行）於とおてえ、うぬ説（はなしい）や、諸説ぬ中（なあか）ぬ一（てぃい）ちどぅやいびいる、主（うむ）だちょおる説や、あらいびいん。　地名（ぢいなあ）ん、「いとまん」や開音ないやあに、口音せえ「いちゅまん（首里語）」、地（ぢい）んじえ、「いくまん」なとおいびいん。また開音からぬ沖縄音やる「いとぅまん」ぬんあいびいん。　やいびいくとぅ、「いとまん」や「eight man」やあいびらん。（英語やてぃん、複数形や「エイトゥメンeight men」どぅやいびいる。　糸満語（いくまんむにい）や首里那覇語（すいなあふぁくとぅば）ぬ「ちゃ、ちゅ、ちぇ」んでえが「か、く、け」んでえんかい変（か）わやびいん。例（りい）：「来（ちゅ）うん」→「くうん」。やいびいくとぅ、「いちゅまん」や「いくまん」。　「いちゅ、いく」や「絹（いいちゅう）」ぬ意味（ちむええ）なやあに、昔（んかし）え、久米島（くみじま）んじ作（つく）らっとおたる絹や糸満ぬ港んかいかやあさっとおたんでぃぬ事（くとぅ）やいびくとぅ、「絹」やる事お、大概（てえげえ）や間違（まちげ）え無（ね）えらん筈（はじ）やいびいん。　また、「まん」や「繭（まゆ）」んあいびいん。「港（んなとぅ）」また「纏（まぢ）むん」ぬん考（かんげ）えらりやびいん。　他（ふか）ねえ、「埼」説（伊波普猷）んあいびいん。あんやれえ、「糸埼」がやびいら。　うりから、糸満ぬんかいある「ドンドンガマ」ゆ英国ぬ町名（まちぬなあ）「ロンドン」ぬ事やんでぃちすしん如何（ちゃあ）がやいびいら。　また、「海ヤカラ」んでぃぬ民謡や古謡（ふるうた）やあいびらん。「海やから」や「海輩」なやあに、「海人（うみんちゅ）＝漁師」ぬ別名（びちぬなあ）どぅやいびいる、難破英国人ぬ事おあいびらん。　またうぬ歌詞んかいある囃子「スリ　エイ　スリ」ん「それ、えい、それ」んでぃぬや声（ぐぃい）どぅやいびいる。「エイ」や「eight」ぬ意味えあいびらん。　「エイトマンeight man」説や、んずみてぃ、異風なあやあいびらに。筆：比嘉　清【訳】地名「糸満」の由来　昨日のNHKの番組「日本人のおなまえ」で、「糸満（いちゅまん）」の由来は英語の「エイトマン（eight man）」なのだと放送されていました。　「エイトマン」とは、航海時代に英国の難船から糸満に上陸しちゃる（または救助された）８人の乗組員の事だそうです。　ですが、『沖縄資料集成』（1975年、green-life発行）では、その説は、諸説ある中の一つにすぎず、主な説ではありません。　地名も、「いとまん」は開音（表記音で主に日本語的）であって、口語音では「いちゅまん（首里語）」、地元では「いくまん」です。また開音を沖縄音風に言う「いとぅまん」の発音もあります。　ですから「いとまん」は「eight man」ではないのです。（英語だって、複数形は「エイトゥメンeight men」なのです。　糸満語は首里・那覇語の「ちゃ、ちゅ、ちぇ」等が「か、く、け」等に変化します。例：「来（ちゅ）うん」→「くうん」。したがって「いちゅまん」は「いくまん」。　「いちゅ、いく」は「絹（いいちゅう）」の意味で、昔、久米島で生産されていた絹は糸満の港へ運ばれていたとの事ですので（積み降ろし港）、「いちゅ」が「絹」である事は、ほぼ間違いないでしょう。　そして「まん」は「繭（まゆ）」でもあるかもしれません。あるいは「港（んなとぅ）」また「纏むん（積み上げる）」だとも考えられます。　他には、「埼」説（伊波普猷）もあります。であれば、「糸埼（いとぅざき）」でしょうか。　それに糸満にある「ドンドンガマ（洞窟）」を英国の「ロンドン」とするのも如何なものでしょうか。　　また、民謡「海ヤカラ」は古謡ではありません。「海やから」は「海輩」であり「海人（うみんちゅ）＝漁師」の別名なのであって、難破英国人の事を言ってるわけではありません。　その歌詞にある囃子「スリ　エイ　スリ」も「それ、えい、それ」という掛け声（感嘆詞）です。したがって「エイ」は「eight」の意味ではありません。　（「いとまん」の）「エイトマンeight man」説はきわめて、変ではないでしょうか。追記：民謡「海ヤカラ」は漁師が糸満娘にモテル歌です。ちなみに、糸満漁師は昔、奄美諸島含む琉球弧では若い女性たちのあこがれの的だったそうです。筆：比嘉　清

  2021年02月05日

  コメント(1)

• 

  並だる道桜

  並（な）だる道桜（みちざくら）　　くね間（ゑえだ）ぬ日曜日（にちゆうび）え、うゎあちちん出来（でぃ）らちぃ、PM2.5ん、いいくる無（ね）えらな、写真（しゃしん）抜（ぬ）じゅしん良（い）い日（ふぃい）いやいびいたん。　長（なげ）えさコロナ籠（ぐま）いし、山原（やんばる）んかい、ドライブしいが行（い）ちゅしん、また、長えさやびいたん。　かたがた、桜（さくら）ぬ節（しち）んやいびいくとぅ、道（みち）なありい、揃（す）り並（なら）どおる桜あ、咲（さ）ち切（ち）りやあに、実に見事（みぐとぅ）やいびいたん。　我（わあ）生（ん）まりジマんかいん、また住（し）どおる所（とぅくる）んかい無（ね）えらん風儀（ふうじい）ぬ眺（なが）みやいびいくとぅ、車（くるま）ん、弱（よう）んなあ歩（あ）っかち、また停（とぅ）みたいさがなあ、写真ぬん、んずみてぃ、抜（ぬ）じい欲’（ぶ）しゃ勝手（かってぃい）さびたん。　桜加那志（さくらがなしい）、肝（ちむ）いしょうさしみてぃ取（とぅ）らち、いっぺえ、三拝（にふぇえ）でえびる。　琉歌並だる道桜美事（みぐとぅ）咲（さ）ち切（ち）りてぃ思（うび）らじに淀（ゆどぅ）でぃ抜（ぬ）がな居（をぅ）ちゅみ筆：比嘉　清桜並木　　この前の日曜日は、天気も上々で、PM2.5も殆ど無く、写真日和でもありました。　長らくコロナで家に籠って、北部にドライブしに行くのも、また、久しぶりでした。　丁度、桜の季節ですので、道なりに、立ち並ぶ桜は、咲き誇り、実に見事でした。　私の故郷も現在住んでいる所にも無いような景色ですので、車もゆっくり走らせ、また時々停めたりしながら、写真も、相当数、撮り放題でした。　桜花様、こころを和ませていただき、本当にありがとうございました。　琉歌道沿いに並ぶ桜美事に咲き誇り思わず立ち止まり撮影せずに居られよか筆：比嘉　清

  2021年02月03日

  コメント(0)

• 

  冬はぶぬ出じてぃ

  冬（ふゆ）はぶぬ出（ん）じてぃ　（アパートぬ庭ぬハブ。後から来ゃる家族ぬ抜じゃる写真）　温（ぬく）ばあっとおたる昨日（ちぬう）ぬ日曜日（にちゆうび）ぬ事（くとぅ）どぅやいびいる。　してぃみてぃい食（か）でぃ、家（やあ）うてぃ悠々（ゆうゆう）とぅそおたるばす、外（ふか）んじ、幾人（いくにん）がなぬ童声（わらびぐぃい）ぬふしがりやびらんたん。「ヘビ、ヘビー。ヘビガ居ルヨー」　初（はじ）みに聞（ち）ちゃるばすお、ハブぬ得（い）り物（むん）し遊（あし）どおんでぃ、思（うみ）やい、肝（ちむ）ぬ掛（か）きらんたしが、叫（あ）びい止（や）まやびらんたくとぅ、「ふぃるましむん」でぃ思（うむ）やい、外（ふか）んかい出（ん）じやびたん。　あまないくまない、走（は）あ合（ええ）走合そおたる童ん達やアパートぬ駐車場（くるまとぅみどぅくる）んじ、むさげえとおいびいたん。　あきさみよう！１．２メーターびけんぬ大（ま）ぎハブぬアパートぬ廊下（いいん）なありい、ハブぬ万事（ばんじ）、あがたんかい這（ほ）てぃ行（い）ちゅるとぅくるやいびいたん。　童ん達、退（どぅ）きやがちいなあ、ハブぬ後（あとぅ）追（をぅ）やびたん。ハブお、廊下から庭（なあ）んかい入（い）っち、隣屋敷（とぅないやしち）ぬ壁（くび）んかい上（ぬぶ）てぃ行かんでぃそおいびいたしが、壁え縋（しが）やあ草（ぐさ）ぬ生（み）いとおたる為（たみ）なかいがやら、上いゆうさな、庭んかい落（う）てぃやびたん。　かたがた、傍（すば）んかいあたる庭箒（なあぼうち）取（とぅ）やあに、ハブんかい向（ん）きたれえ、ハブお胴（どぅう）丸（まる）みてぃ、大ぎ口（くち）ん、があ開（ぶら）ち、突（ち）ちち真似（ねえび）さびたん。ハブお自（どぅう）ぬ長（な）さやかや、跳（とぅ）びかかいゆうさんくとぅ、ハブぬ胴長さぬ分（ぶん）、間隔（まどぅ）空（あ）きとおちいねえ、咬（か）まりいる世話（しわ）あ無（ね）えやびらんあい、何（ぬう）ぬ支（ちけえん無えやびらん。やいびいしが、どぅく、間隔空きい強（じゅう）さいねえ、ハブお、「いいばあ」やさんでぃ思（うむ）やあい、逃（ふぃん）んぎてぃ去（は）やびいん。　我（わ）んねえ、ハブぬ突ちち真似さん間隔（まどぅ）取やあに、箒持（む）っち、平（ふぃら）きやあに、ハブとぅ対峙（たんかあ）なとおいびいたん。　警察（きいさち）んかい電話（でぃんわ）さんでぃ思てぃん、慌（あわ）てぃてぃどぅ来（ち）ょおくとぅ、携帯（きいてえ）ん持っちぇえ居（をぅ）いびらん。１ｍ後（くさあ）アパートぬ玄関（じんくゎん）ぬピンポン鳴（な）らち、住人（やあぬぬうし）んんかい合図（ええじ）さびたん。舞戸（めえじゅ）開（あ）きやい、住人ぬ家ぬ主（ぬし）が伸ばがやびたくとぅ、「うんじゅなあ家ぬ庭んかいハブぬ居くとぅ、急（いす）自、１１０番（ばん）し呉（く）みそおり」んでぃ、うんぬきやびたん。　住人やハブぬ居し、確（たしか）みやあに、警察んかい電話さびたん。警察ぬ言（い）い付（ち）きや、「ちゃあ見じいそおちゅる如（ぐとぅ）んでぃぬ事（くとぅ）。うぬ間、住人とぅ我ねえ、童ぬ近寄（ちかゆ）らんぐうとぅう、叫びやがなあ、ハブぬ逃（ふぃん）ぎらんねえし、見（ん）ちょおいびいたん。　ハブお警察ぬ来（ち）ゅうる迄（までぃ）、胴丸みやあい、まるけえてぃ、舌（しば）べるべるうそおいびいたん。　いやでぃん警察や二人（たい）びけえや来いがすらんでぃ思とおいびいたしが、小型パトカーし来ゃしえ、一人（ちゅい）どぅやいびいたる。ハブ取（とぅ）やあし、ハブ取ゆしん、一分（いっぷ）ぬん掛かやびらんたん。哀（あわ）りハブ加那志。ビニール袋（ぶくる）んかい、けえ入（い）りらりやびてぃ。　後（あとぅ）から自治会ぬ人（ちゅ）ん達ん、参（もう）ちゃしが、ハブ取い道具、自し仕こうてぃ参ちゃる一人やちゃんちゃんそおみせえたん。「あぎじゃびよ、○○んかい持っち行ちいねえ、１万円（まんいん）し、売（う）らりいたるむんぬ」　琉歌うがりてぃどぅ居（をぅ）たみ温（ぬく）に誘（さす）わりてぃ伸（ぬ）ばがたるハブやからみらりてぃくぬ世界（しけ）や人（ふぃとぅ）ぬむぬびけんとぅ思（み）ばうがりやい居てぃん出じらなやしが筆：比嘉　清【語句、訳】冬のハブが出て　久しぶりに暖かくなっていた昨日の日曜日の事でした。　朝食を済まし、家で寛いでいたとき、外で、数人の子供たちの叫び声が激しかったです。「ヘビ、ヘビーだよー。ヘビがいるよー」　初めは、ハブの玩具で遊でいたとばかり思い、気にもしませんでしたが、叫び声が止まず、「おかしいなことだ」と思い、外に出たしだいです。　当てもなく走り回るように思えた子供たちはアパートの駐車場で騒いでいる様子でした。　何と！１．２メートルほどの大きさのハブがアパートの廊下をハブが丁度、向う側に這って移動しているのが目に入りました。　私は子供たちを退けながら、ハブの後を追いました。ハブは廊下から庭に入り、それから隣の屋敷の屏に上っていこうとしましたが、屏はつる草で覆われていたためか、上りきれず庭に落下しました。　偶然、傍にあった庭箒を手にして、ハブに向かったところ、ハブはどぐろを巻き、口を１８０度開けて、攻撃する仕草をしました。ハブは自分の体長以上には跳べないので、ハブの長さほど、距離を取れば攻撃される虞はないし、安全です。逆に、間隔を空けすぎると、ハブは「いまだ」だとばかり、逃げ去ります。　私はハブが攻撃の仕草をしないぐらいの距離を取り、箒を手に、しゃがんでハブと対峙していました。　警察に電話しようとしたが、慌てて来たために、携帯電話を持っていませんでした。１ｍほど後のアパートの玄関の呼び鈴を鳴らし、住人をよびました。ドアが開き、住人の主が顔をのぞかせたので、「あなたの部屋の前の庭にハブがいるので、急いで、１１０番してください」とお願いしました。　住人はハブの居るのを確め、警察に電話しました。警察の指示は「見張り続けておくように」との事。その間、住人と私は、子供たちが近づかないように叫び続け、またハブが逃げないように監視を続けていました。　ハブは警察が来る迄、攻撃態勢のどぐろを巻き続け、たまに、舌を出しました。　警察は二人は来るだろうと予想していましたが、小型パトカーでやってきたのは一人だけでした。捕獲器でハブを捕獲するまでに要した時間は僅か一分ばかりでした。哀れハブ様。ビニール袋に入れられていしまいました。　後から自治会役員関係者数人やってきましたが、ハブ捕獲器を自作してきたそのうちの一人は、地団太を踏んでいました。「嗚呼嗚呼、○○に持って行けば、１万円で売れたのに」　琉歌ひもじくしていたのか暖かさに誘われてひょこっと出たハブは捕獲されこの世界が人間だけのものだと分かればひもじくても出てなかったのに筆：比嘉　清

  2021年01月25日

  コメント(0)

• 御主前ぬ手袋（おじいさんの手袋）

  御主前（うしゅめえ）ぬ手袋（てぃぶくる）　ウクライナ民話（んかしばなし）んかい「おじいさんの手袋」んでぃ言（ゆ）ぬむぬぬあいびいん。　日本（にふん）於（をぅ）とおてえ童本（わらびふん）どぅしち出版ぬんさっとおいびいん。　ある寒（ふぃい）さる日（ふぃい、ひい）、雪道（ゆちみち）なありい歩（あ）っちょおたる御主前が手袋ぬ片組（かたぐう）、無（め）えらんなち、とぅめえやあとぅめやあそおいびいたしが、雪ぬ中（みい）なやあに、なあ、とぅめえららな、うぬまあまあ、家（やあ）とぅめえてぃ去（は）やびたん。　鼠（ゑんちゅ）が寒さがたがたさあに、歩っちょおたれえ、かたがた、手袋ぬあたくとぅ、うりが中（なあか）んかい入（い）やびたん。　うりから兎（うさじ）ん、鼠ぬ許（ゆりい）、得（い）いてぃ、同（い）ぬ手袋んかい入（ふぇ）えりんち良（い）按配（やんべえ）そおいびいたん。同ぬ如（ぐとぅ）し、リス、オオカミ、熊迄ん、同ぬ手袋んかい入やびたん。　人（ちゅ）ぬ片組手袋んかい、うさきいぬ動物（いちむし）ぬ入らりいみんでぃぬ不審（ふしん）ぬんあら筈（はじ）やいびいしが、だあなあ、うりえ昔噺（んかしばなし）どぅやびいくとぅ、異風（いふう）なあやてぃん、面白（うむ）されえ、済（し）まびいん。　やいびいしが、実（じち）え、何（ぬう）がなぬ哲学風儀（てぃちがくふうじい）ぬ物知（むんし）らしんやら筈んでぃ、思（うま）ありいんさびいしが、分（わ）かやびらん。　ただ、今（なま）あ、コロナ風気（ふうち）んかい罹かてぃん、病院（びょうい）ぬんかい、入ららん有様（ありさま）なとおんでぃぬ事（くとぅ）やいびいん。うんな有様どぅ本当（ふんとう）や医療崩壊（びよういんくじり）んでぃ言る筈やいびいしが、関（か）がなとおる人ん達（ちゃあ）や、未（なあ）だ、崩壊んでえ言やびらん。　やいびいくとぅ、日本ぬ病院や「御主前ぬ手袋」風儀がやらんでぃ、思（うむ）とおるしいじやいびいん。琉歌病院入ららんコロナ患かい者まどぅ在る後生（ぐそう）ぬ手招（てぃまに）ちすい御主前手袋や後生がやゆら何時（いち）ん満（み）つ事（くとぅ）やまた無（ね）らん筆：比嘉　清おじいさんの手袋　ウクライナ民話に「おじいさんの手袋」というのがあります。　日本では童話絵本として出版されています。　ある寒むい日、雪道を歩いていたおじいさんが手袋の片方をなく、探しましたが、雪の中ではもう探す事もできず、そのまま家路を急ぎました。　寒さで震えていた鼠が、たまたま手袋があったので、その中に入り込み温まりました。　それから兎も鼠の許しを得て、同じ手袋に入りました。同様に、リス、オオカミ、熊等までもその手袋に入りました。　人の片手袋に、これだけの動物が入るものかと疑問が生じる筈ですが、これも昔噺なのであるから変ではあっても、面白しろければよいのです。　ですが、実は何らかの哲学めいた教訓でもあるのかとも思まれますが、分かりません。　ただ、現在、コロナに感染しても病院に入れない状況になっているとの事です。こういう状況を本当は医療崩壊と言う筈ですが、関係者は崩壊と言う言葉を使っていません。　なので、日本の病院は「おじいさん手袋」みたいなのかと思う次第です。琉歌入院できないコロナ患者はいくらでも空いている後生が手招きするしおじいさんの手袋は後生なのか何時になっても満つることが無いし筆：比嘉　清

  2021年01月22日

  コメント(0)

• 

  今度ぬ寒さ

  　　　　（写真や１２/３０ぬ残波岬。燈台ぬ傍ぬ白うや白雲やあらん、高波どぅやる）今度（くんどぅ）ぬ寒（ふぃい）さ　今度ぬ寒さあ、昔戻（むどぅ）い寒さあや、あらにんでぃ言（い）ちん、実（じゅん）に）むるあたい寒いびいん。気象庁や今度お、何年（ぬうどぅし）んでぃが言ちょおいびいたらあ。温年（ぬくどぅし）、あらんでえ寒年（ふぃいどぅし）？。　クリスマス前（めえ）から寒いさたい、また、長引（ながふちゅ）ちゅるうんそおびいん。　やいびいしが、コロナ籠（ぐま）いしん、なあんならん、寒さ曲（ま）がいし家（やあ）籠い迄（までぃ）しいねえ、体（からた）ん弱（よお）いぎさあやいびいくとぅ、まるけえてえ、外出（ふかん）じするばすんあいびいん。　　外出しん、人（ちゅ）とぅ行逢（いちゃてぃ）、ゆんたくさんでえ、コロナ（くるな）ぬ世話（しわ）ん無（ね）らん筈（はじ）やいびいん。　あんしゅか、長（なげ）えさ、人とぅゆんたくすし、遠慮（いんる）しいねえ、人うがりんするむぬやいびいん。　先（ま）じえ、早（ふぇえ）く、温（ぬく）ばあってぃ来（ち）ゃあに、動（んず）ちい易（や）っさんねえし、願（にが）やびら。琉歌寒曲（ふぃいまが）い家籠い人並（ちゅなみ）どぅやしがにじららんむぬやコロナ籠い真冬白波（まふゆしらなみ）や燈台頭塔（とうだいたっちゅう）に突（ち）ち当（あ）てぃ舞（もう）てぃ自慢話（じまんばなし）筆：比嘉　清【語句、訳】　　　（写真は12/30の残波岬。燈台の傍の白いのは白雲ではなく、高波である）今年の寒さ　今冬に寒さは、昔戻りの寒さだとい言っても過言ではないほど寒いです。気象庁は今冬は、暖冬といっていたのか、寒冬といっていたのか？　クリスマス前から寒かったし、また、長引いてもいます。　ですが、コロナで家籠りしても、まだ足りず、寒さで縮籠って引きこもっても、体に良くないようだし、たまには、外出することもあります。　外出しても人と逢って、話さえしなければ、コロナの心配はない筈です。　これほど長く、人と話するのを自粛すれば、人恋しくなりますがどうしようもありません。　先ずは、早く、暖かくなって、動きやすくなるように願いましょう。琉歌寒さで家に縮籠るのも人並だが我慢できないのはコロナ故の引きこもり真冬白波は燈台頭塔に突き当たって舞上がり（何の）自慢話筆：比嘉　清

  2021年01月19日

  コメント(1)

• 言葉あマジムン！

  言葉（くとぅば）あマジムン！　我（わあ）が語（かた）やあなあやあいしちゃるうちなあぐち勉強会（びんちょうくゎい）んじ語（かた）たる話（はなし）ぬ面白（うむ）さたくたんでぃち、何（ぬう）がなぬ書（か）ち留（とぅ）みてぃ物（むん）や無（ね）えらにんでぃぬ話ぬあいびいたん。　面白さぬ話やれえ、如何（ちゃ）っさぬ温（あち）らち返（けえ）さあやてぃん、済（し）むる筈（はじ）やいびいん。んちゃ、書き物ぬありわる人（ちゅ）んかい語（かた）い易（や）っさる筈やいびいん。　言葉んでぃせえ、ふぃれいねえふぃれえゆるさく、実（じゅん）にマジムン（化じ物、混んき物、纏ま物）やんでぃ思（うむ）やびいん。　マジムンんでぃぬ意味（ちむええ）や一（てぃい）ちえ、化（ま）じ物（むん）。何（ぬ）がんでぃ言（い）いねえ、言葉あ世（ゆう）とぅ共（とぅむ）に変（かわ）てぃ行（い）ちゅるむぬやくとぅやいびいん。二（たあ）ちえ、「混（ま）んき物（むん）」。言葉あ実に色（いる）んな言葉ぬ混んちゃあくんちゃあそおいびいん。うぬ意味なかい「マジムン」んでぃせえ、「語呂」さあに我作（つく）い言葉どぅやいびいくとぅ、字引（じいふぃち）調（しら）びてぃん、無（ね）えやびらんくとぅ、許（ゆる）ちうたびみせえびり。三（みい）ちえ、「纏物（まぢむん）」。言葉あ積（ち）ん上（あ）ぎてぃ成（な）てぃ来（ち）ゃるむぬやいびいん。くぬ「纏物（まぢむん）」ぬん、「語呂」さあに作たる言葉どぅやいびいくとぅ、くりん又、字引んかい載（ぬ）てえ居（をぅ）いびらん。くぬ意味ぬ名詞（みいし）とぅしちぬ言葉あうちなあぐちんかいや無えやびらんしが、「纏（まぢ）むん」んでぃぬ動詞えあいびいん。　言葉が上（うゐい）ねえぬマジムンやる事（くと）お、まあぬ言葉ん同（い）ぬむんやいびいん。琉歌何時（いち）ぬ世（ゆ）から在（あ）が数々（かじかじ）ぬ言葉叫（あ）び重（かさ）に居（をぅ）りば今（なま）マジムン筆：比嘉　清【語句、訳】言葉はバケモノ！　私を語り部にして行ったうちなあぐち勉強会で話した内容が面白かったからと、何らかの書き物はないかとの話がありました。　面白い内容なのであれば、どれだけ、蒸し返しであっても良いかなと思った次第です。なるほど、メモがあれば、人にも説明しやすいかもしれません。　言葉というものは付き合えば付き合う程、本当にマジムン（化け物、混ぜ物、積み上げ物）だと思います。　化け物であるというその心は一つには、文字通り化け物。なぜかと言えば、言語は時代と共に変化していくものだからです。二つには、「混ぜ物」。言語は実に様々な言語が入り交ざって成立しています。その意味での「マジムン」（「化け物」と同じ発音にした）というのは、私の「語呂造語」ですので、辞書を調べてもありませんのでお許しください。三つには、「纏物（まぢむん）」。言語は積み重ねで成ってきたものという意味です。この「纏物（まぢむん）」（化け物と同じ発音にした）も、同じく私の「語呂造語」です。やはり、辞書には載っていません。この意味の名詞としての語彙は沖縄語にはありませんが、「纏（まぢ）むん」とう動詞はあります。　言語が上のように「マジムン」である事は、どの言語にも当てはまります。琉歌何時の世から在るのか数多くの言語使い続けているうちに今や「化け物」筆：比嘉　清

  2021年01月09日

  コメント(1)

• 明けま年拝でぃ

  明（あ）きま年（どぅし）拝（うが）でぃ　良（い）い正月（しょうがぐゎち）でえびる。　今年（くとぅしん、良（ゆ）たさる如（ぐとぅ）、御願（うにげ）えさびら。　去年（くぞ）お、コロナ年（どぅし）なやあに、コロナ（くるな）ぬ勝手（かってぃ）、気儘（じまま）さあに、とぅうぬうまぬうんすい、わじわじいんさびたるむぬやいびいたしが、うぬ代（か）わい、人（ちゅ）ん、存分（じんぶん）ぬ上増（うわあ）ち来（ち）ゃあびたん。　今年（くんど）迄（まで）え、コロナから逃（ぬが）あららん風儀（ふうじ）やいびいしが、必（かんな）じ、終（う）わゆる節（しち）や来（ち）ゃあびいん。何時迄（いちまでぃ）ん、うぬまあまあやあいびらん。　うぬ日（ふぃい）までえ、堪（くね）えてぃ、にじてぃ、体（からた）頑丈（がんじゅう）らち、待（ま）っちょおちゃびら。琉歌明きま年拝でぃ願（にが）ゆしや風気（ふうち）コロナ又（また）とぅるでぃ世果報（ゆがふ）たぼり如何（いか）なコロナ世（ゆ）ん夜明（ゆあ）きぬ如（ぐとぅ）に明きる筈（はじ）でむぬにじてぃ待つさ筆：比嘉　清新年を迎え　あけましておめでとうございます。　今年もよろしくお願いいたします。　昨年は、コロナ年で、コロナのしたい放題に逢い、困惑もするし、いらつくこともありましたが、その代わり（おかげで）、人類も新たに知恵を更新してまいりました。　今年迄は、コロナから逃れそうもない状況ですが、それでも、必ず、終わる日はやってきます。何時迄も現在の状態が続くわけではありません。　その日がくるまで、我慢して、健康でいて、待ちましょう。琉歌新年を迎え願がうのは伝染病のコロナが収束しまた幸せがやってくることいかなコロナ時代も夜明けのように明けるものである息を潜めて待つばかり筆：比嘉　清

  2021年01月01日

  コメント(0)

• ぐすうよう！また、来年、行逢え拝なびら。

  ぐすうよう！また来年、行逢え拝なびら。　　今年（くんど）お、新（みい）コロナぬ事（くとぅ）びけんどぅやいびいたしが、にりくさりらんぐうとぅう、また、来年（やあん）んじ思（うみ）はまやびらな。　くぬ一年（いちにん）が間（ゑえだ）、我（い）が人間（にんじん）や、んずみてぃ、新コロナなかい、物知（むぬし）らしさりらりやあに、今迄（なままでぃ）、思寄（うみゆ）らんたる事ん、分（わ）かてぃ来（ち）ゃあい、いふぃえ、存分（じんぶ）ぬん出（ん）じてぃ来ょおんねえんそおいびいん。　くぬブログゆ思愛（うみがな）さし、うたびみそうち、いっぺえにふぇえでえびる。　からた願（にげ）えし、新年（みいどぅし）ゆ迎（んけ）えやびら。　琉歌年（とぅし）や暮（く）りゆしが肝（ちむ）や暮りてぃならん来年（やい）やまた常（ちに）ぬ世（ゆ）なりたぼり筆：比嘉　清みなさま方！また来年お会いしましょう。　　今年は、新型コロナの事だけ明け暮れましたが、うんざりせずに、また、来年、頑張りましょう。　この一年の間、われわれれ人類は、厭という程、新コロナに悟らされ、これまで気付かなかった事も分かってきて、少しは知恵も湧いてきたような気がしています。　このブログをご愛読してくださり、大変ありがとうございました。　ご健康に気を付け、新年をお迎えいたしましょう。　琉歌年は暮れゆくが気が滅入ってはならない来年こそ再、平常な世になりますように筆：比嘉　清

  2020年12月28日

  コメント(1)

• なあ、冬至！

  なあ、冬至（とぅんじい）！　今年（くとぅしぅ）ん、なあ冬至けえなとおいびいん。仏壇（ぶちだ）ぬんかい供（かざ）ゆる夕版（ゆうばん）ぬ冬至雑炊（とぅんじいじゅうしい、とぅんじいずうしい）ん、けえ支（し）こうてえいびいん。　今度（くんど）お、年（とぅし）ん明（あ）きたがやあんでぃ、思（うみ）いねえ、新コロナ（くるな）ぬ障（さわ）いぬ事（かか）なかい、世（ゆ）ぬ中（なか）あ、むさげえやびたん。台風（てえふう）ぬ如（ぐとぅ）し、さあらない、収（うさ）まいがすらんでぃ思とおいびいたしが、一年（いちにん）が間（ゑえだ）、長引（ながふ）ちゅるうすんでえ、思いんさびらんたん。　うぬコロナあ、抑（うせ）いねえ、抑えゆるさく、ゆくん、人（ちゅ）人間（にんじ）ぬんかい、抵（てえ）たちゅる風儀（ふうじ）やいびいん。　昨日（ちぬう）や５０年前（にんめえ）んじ起（う）きたるコザ暴動（そうどう）ぬ日（ふぃい、ひい）やいびいたん。　うんにいぬ沖縄人（うちなあんちゅ）お、米軍（びいぐん）なかい、自儘（じまま）、抑えらるか抑えらっらったる後（あとぅ）ぬうんじゅみ、引（ふぃ）ち起（う）くさったる騒動どぅやいびいたしが、たでえ間（ま）なかい、収またるむやいびいたん。コロナあ、人とお変（か）わてぃ、按配（あんべえ）でぃん知（し）やびらん。はななあ、如何（ちゃあ）がなてぃ行（い）ちゅら。琉歌暴（あま）ゆるが暴てぃ加減（かぎん）知らんコロナ人ぬ不足事（ふすくぐとぅ）ぬありば語（かた）り何（ぬ）がし今（なま）ちきてぃゆくん暴るコロナ伝（ちて）えらん寄（ゆ）し事（ぐとぅ）ありば聞（ち）かし筆：比嘉　清【語句、訳】もう冬至！　今年も、もう冬至になってしまいました。仏壇に供える夕版の冬至雑炊も、準備を済ませました。　今年は、年も明けたかと思ったら、新型コロナ禍で世が騒がしくなりました。台風のように、さっと収まるのかと思いましたが、一年間も長引いくとは想定外でした。　この新型コロナは、侮れば侮るほど、ますます、人類に悪さをするようです。　昨日は５０年前に起きたコザ暴動の日でした。　冬至の沖縄人は米軍に、ひどい扱いをけていた結果、引き起こされた騒動でしたが、短時間で収まりました。　新型コロナは人間と違い、手加減というのを知りません。一体、どうなっていくのでしょうか。琉歌暴れ放題に暴れ手加減を知らないコロナよ人間に正すことがありば語っておくれなぜに今にいたるまでますます暴れまくるコロナよ（人間に）伝わらない教え事があるのあなら聞かしておくれ筆：比嘉　清

  2020年12月21日

  コメント(0)

• コロナ世於てぃちゃあ頑丈やみせえびいがやあ

  コロナ世於てぃん、ちゃあ頑丈やみせえびいがやあ　御主様（ぐしゅうよう）、長（なげ）えさやいびいん。　ブログぬ改（あらた）みんならんあたい、忙（いちゅ）なさぬ、御無礼（ぐぶりい）けえなとおいびいさ。堪（くね）えてぃうたびみせえびり。　あんしゅかなあんでぃん、コロナウイルスぬ広（ふぃる、ひる）がたんてえまん、政府（しいふ）お、専門家（かってぃい）ぬ寄（ゆ）し言（ぐとぅ）ん聞（ち）かんようい、まあがなぬ頑固（がんくう）たんめえぬ如（ぐとぅ）、goto止（とぅ）みらんでぃんさな、人（ちゅ）ん達（ちゃあ）や、かわてぃ御年寄（うとぅすい）ん達や、恐（うとぅ）る思（うみ）いどぅそおいびいる。　コロナ怖（うとぅ）るさそおる人ん達やゆくん、歩（あ）っかんなゆい、あんないねえ、経済（きいぜえ）ん、たった、回（みぐ）らんなとおる有様（ありさま）んかやなてえ居（をぅ）いびらに。　コロナあ、いが人間（にんじん）てぃらむんぬ、抑（うせ）えてえなびらん、中南米文明んウイルスなかい滅（ふる）ぶさったんでぃぬ考（かんげ）えんあいびいん。　今（なま）ぬ所（とぅくる）おコロナがどぅ、でえじな上勝（うゐいまさ）とおる風儀（ふうじ）やいびいん。何事（ぬうぐとぅ）ん、油断（ゆだん）やすなんでぃち、コロナぬ習（なら）あちぇえ居いびらんたみ。琉歌コロナ世（ゆ）ぬ慣（なれ）やコロナ寄（ゆ）し言（ぐとぅ）ゆ聴（ち）どぅコロナ知ゆい　（一字余り）当（あ）たらりんする　（一字余り）筆：比嘉　清【語句、訳】コロナ時代でも、ずっとお元気ですか　みなさま方、お久しぶりです。　ブログの更新もできないほど、忙がしく、失礼いたしました。お許しください。　これ程迄に、新型コロナ感染が拡大してもなお、政府は、専門家の提言に耳を傾けることなく、どこかの頑固親父のように、goto政策を中断しようとともせず、人々は、特に高齢者は、恐ろしい思いをしています。　新型コロナ感染を恐れる人々はますます、動かなくななるし、そうなれば、長い目で見れば経済も余計、回らなくなる状況に陥いる事にならないでしょうか。　新型コロナは、われわれ人間が侮ってはなりません。中南米文明もウイルスで滅ぼされたとの説もあります。　今の所は、新型コロナの方が何枚も上手のようです。何事も油断をしてはいけないというのがコロナの教えではなかったでしょうか。琉歌コロナ時代というのはコロナの「教え」を聞いてこそまたコロナの事も分かるし対処もできる筆：比嘉　清

  2020年12月13日

  コメント(1)

• あんしゅか違ゆみ！無症状とぅ重症（新コロナ）

  あんしゅか違ゆみ！無症状とぅ重症（新コロナ）　実（じゅん）に、新コロナぬ障いやとぅまいぎさあん無（ね）えやびらん。　人間（にんじん）ぬあるっさぬ１０に９位（ぐれえ）んかい飛（とぅ）ばんでえ、とぅずまらんでぃせえ、実にぬ事（くとぅ）がやら分（わ）からんでぃ、思（うむ）ゆんねえなてぃ来（ち）ゃあびたん。　あんどぅんやれえ、沖縄（うちなあ）んじ、３０００人（にん）余（あま）いが罹（か）かとおんでぃちん、今（なま）あ未（なあ）だ始（はじ）まてぃ直（ちゃあき）どぅやいびいがやあ。　必（かんな）じ、罹らんでえならんむぬやれえ、罹てぃん、済（し）むしえ済まびいしが、厄介（やっけえ）やしえ、罹かてぃん何（ぬう）んあらん人（ちゅ）とぅ強当（ちゅう）たいする違（ちげ）えみぬうすまさ、大（ま）ぎさしどぅやいびいる。　御年寄（うとぅすい）とぅか病持（やんめえむ）ねえし、強当たいするっ人（ちゅ）お、一月（ちゅちち）～二月（たちち）びけん、病院（びょうい）ぬんかい入（い）らんでえならんあい、亡（ま）あちゃいさびいん。　やしが、軽（が）っさる人お風邪（かじ）ふぃちょおる如（ぐとぅ）どぅあい、また何んあらん人お、平生（ふぃいじい）とぅ何一（ぬうてぃい）ちん変（か）わやびらん。　やいびいくとぅ、なれえ、罹かい欲（ぶ）しゃあ無えやびらん。琉歌年寄（とぅすい）とぅ若者（わかむん）持（む）てぃ分（わ）かす訳（わき）ぬありば聞（ち）かち呉（くぃ）り新コロナよ後生（ぐしょう）や暇（まどぅ）ぬあてぃん病院や暇や無（ね）らんしが如何（ちゃ）すがコロナ筆：比嘉　清【語句、訳】圧倒的に違う！無症状と重症（新型コロナ）　ほんとうに、新型コロナ禍は収まりそうもないです。　全人類の９割が感染しないと、収まらない言うのは、本当の事なのかもしれないと思うようになってきました。　ならば、沖縄で３０００人余が感染したと言っても、まだほんの始まったばかりなのでしょうか。　強いて迄、感染しないといけないなら、感染してもよいのですが、厄介なのは、無症状と重症者の圧倒的な差です。　年寄や持病病持のように重症化する人は一月～二月ばかり、入病しなければならないし、亡くなる人もいます。　だけど、軽症者は風邪程度で済まし、また無症状者は普段と何ら変わらない日常を過ごせます。　ですから、できるなら感染したくありません。琉歌年寄と若者を選り分け差別する訳があれば聞かしてくれ新型コロナよ後生はゆとりがあっても病院はゆとりはないのだけどどうするのかコロナ筆：比嘉　清

  2020年10月22日

  コメント(1)

• 新コロナや腹話術さあに

  ​​新コロナや腹話術​さあに　​​なあ９月（くんぐゎち）ん半（なか）ばなやあに、朝夕（あさゆ）さあ、涼（しだ）くなとおいびいん。　節（しち）え、変（か）わてぃ行（ん）じょおいびいしが、新（みい）コロナあ、とぅるみぎさあん無（ね）えやびらん。　冬（ふゆ）ないねえ、また第三波（でえさんぱ）ぬ来（ち）いがすらん分（わ）からんでぃん、言（い）らっとおいびいん。　さてぃ、沖縄（うちなあ）於（をぅ）とおてぃ、新コロナなかい、亡（ま）あちょおる人（ちゅ）お、昨日（ちぬう）迄（までぃ）なかい、４５人（ゆんじゅうぐにん）なとおびいん。１０万人当たりえ、一番多（うう）さるうやあらんがあらんでぃ思（うむ）ゆ、うりかあや如何（ちゃあ）がなとおいびいらあ。　初（はじ）み頃（ぐる）お、息（いいち）するうっぴしん、ウイルスぬ飛（とぅ）ぶんでぃ、言（い）らっとおいびいたしが、近頃（ちかぐる）お、飛沫（とぅんぺえ）繋（ちな）じ、飛ぶんでぃ言らっとおいびいん。　話（なはし）するばすん、口閉（くちく）うてぃ、さんでえならんがあら。腹話術ぬ稽古（ちいく）んあんでえなびらんがやあ。琉歌コロナ世（ゆ）ぬ中（うち）に習（なら）いし欲（ぶ）しゃあしやテレワークやかや腹話術ど筆：比嘉　清【語句】新型コロナは腹話術​で　​​もう９月も半になり、朝夕は涼しくなってきました。　季節は移りかわっていきますが、新型コロナは変化もなく止む気配がありません。　冬になれば、また第三波が来るかも知れないと、言われています。　さて、沖縄において新コロナで、亡くなった人は、昨日迄に４５人です。１０万人当たりでは、一番多いいのではないかと思いますが、実際はどうなのでしょうか。　最初の頃は、息をするだけで感染すると言われていましたが、近頃は飛沫を通して感染する率が高いと言われています。　話をするときも、口を閉じてしなければならないのでしょうか。腹話術の練習でもしなければならなないかも。琉歌コロナ代の間に習いたいのはテレワークより腹話術さ筆：比嘉　清　

  2020年09月13日

  コメント(0)

• 台風ぬ手がねえ

  台風ぬ手がねえ　台風（てえふう）９号（ごう）や、中心気圧９５５ｈＰａなやあに、うすまさまぎいやいぎさいびいん。　あった大風（ううかじ）え、７０ｍびけえ吹（ふ）ちゅんでぃち、言（い）らっとおいびいん。　県（きん、ちん）や、今度（くんどぅ）ぬシチグヮチえ巡（みぐい）や、新（みい）コロナ飛（とぅ）ばさんねえし、肝掛（ちむが）きりんでぃ、叫（あ）びとおいびいしが、うふぃぬ台風やいびいくとぅ、親戚（ゑえか）巡いん、なあふぃん、いきらくなゆる筈（はじ）んでぃち、思（うま）ありやびいん。　台風９号や、うんなコロナぬ肝掛き、手（てぃ）がねえする肝合（ちむええ）さあにどぅ、来（ち）ょおがやんでぃん思（うむ）やまびいん。　何（ぬう）やらわん、台風てぃらむんや、来（ち）ん、えんだしく吹（ふ）ちたぼり。琉歌何（ぬ）がし来（く）る台風（てえふ）今日（きゆ）ぬウンケーや後生（ぐしょう）どぅ迎えゆる汝（いゃあ）やあらん筆：比嘉清【語句、訳】台風のお手伝い？　台風９号や、中心気圧９５５ｈＰａで、恐ろしく強く大きいです。　瞬間最大風速は、７０ｍにのなるといいます。　県は今年は旧盆の親戚巡りをコロナ感染拡大防止のため、自粛するよう求めてや、呼びかけていますが、さすがにこれだけの台風となると、親戚巡りももっと、減ると思われます。　台風９号はそんなロナ自粛のお手伝いする積りで来たのでしょうか。　とにかく、台風であっても、来ても、大人しくして欲しい。琉歌何ぜにぬやってきた台風君今日は旧盆のウンケー（御迎え）日後生を迎える日なのであってお前ではない筆：比嘉清

  2020年08月31日

  コメント(0)

• 台風とぅコロナ

  台風とぅコロナ　今度（くんど）お、台風（てふう）や来（ち）ん、強（ちゅう）ばあやあいびらんたん。　台風８号ん、来（ち）いぎさあやいびいしが、如何（ちゃ）ぬあたいが、強くないびいら。　温世（ぬくゆう）ないねえ、台風ぬ数（かじ）ん増（うゎ）あすんでぃぬ事（くとぅ）やいびいたしが、うぬ話（はなしい）ん、去年（くず）まんぐるから、違（ちが）とおいぎさいびいん。　さてぃ、新（みい）コロナん、今（なま）ちきてぃ、うすまさ、ちゃあ、暴（あまい）そおいびいん。台風や来ゅうしん、去（は）いしん、分（わ）かやびいしが、新コロナあ、来ゅうしん、去いしん、分（わ）かやびらん。　御万人（うまんちゅ）ぬ罹ゆる迄（まで）え、止（や）まんでぃぬ話んあいびいん。　やいびいしが、飛（とぅ）び広（ふぃる）まゆる中（なあか）んじ、毒（どぅく）ぬ弱（よう）さるコロナぬ強さるコロナ押（う）し退（どぅ）きなち、後（あとぅ）ぬうんじゅみ、新コロナやてぃん、弱（よう）くなゆんでぃぬ話んあいびいん。　人（ちゅ）てぃらむぬや、自（どぅう）ぬ都合（ちごう）さあに、物考（むぬかんげ）えする癖（くし）ぬあいびいしが、我（わん）にん、また、同（い）ぬむんやいびいん。　書（か）ちゃる如（ぐとぅ）し、事直（くとぅのお）いし行（い）ちいねえ済（し）まびいしが。琉歌何時（いち）なりば　とぅるむコロナ凶風（やなかじ）やうぬ長（なげ）さ荒（しぶ）でぃどぅくやあらに筆：比嘉清【語句、訳】　今年は台風が来ても、強いものでなはありません。　台風８号も来そうでしがが、どうなるのでしょうか。　温暖化になれば、台風の数も増えとのことでありましたが、その説も去年あたりから、おかしくなっているようです。　さて、新型コロナも、今だに、すごく、暴れまくっています。台風は来るのも去るのも、事前に分りますが、新型コロナは、来うのも去さるのも分かりません。　全人類が感染しないと収拾しないとの説もありますが。　ですが、感染が拡大する途中で、毒性の弱いコロナが毒性の強いコロナを退けて、結局、新型でお「弱毒化」するかのようになるとの説もあります。　人間たるものは、自分の都合のいいように、物事を解釈する習性がありますが、私も例外ではありません。　上述のように、事態が改善していけばよいのですが。琉歌何時になれば止むのかコロナ凶風よこれほど長く荒ぶとはあんまりではないか筆：比嘉清

  2020年08月22日

  コメント(0)

• 十四進法

  十四進法　大概（てえげえ）、数（かじ）ぬさんみんぬしい様（よう）や１０進法どぅやいびいしが、コンピューターぬばすお、２進法（１とぅ０びけえぬ繰り返し）とぅか１６進法しあなとおる風儀（ふうじ）やいびいん。　宇宙ぬ巡（みぐ）ゆる定（さだみ）なとおる暦（くゆみ）ぬばあや、月（ちち）え、いいくる３０進法、年（とぅし）え月ぬ１２進法なとおいびいん。　また、日（ふぃい）や、６進法んかいユダヤ教んでえぬ「安息日」足（た）してぃ、７日進法？なとおいびいん。　やしびいしが、コロナ世（ゆう）なたれえ、新コロナウイルスぬ人（ちゅ）ぬ体（からた）んかい籠（く）まゆる日数（ふぃかじ）ぬ長（なげ）えさから、１４日（じゅうゆっか）越（ぐ）しなかいさんみんする癖（くし）ぬけえ付（ち）ちょおいびいん。　人に行逢（いちゃ）てぃから、14日明（あ）きらんでえ、互（たげ）えに、心安（くくるやし）くないびらん。　実（じゅん）に、コロナ世（ゆう）んでぃせえ、異風（いふう）なむんやびいん。人んかい行逢ゆしん、肝掛（ちむが）かいしゅゆい。琉歌コロナ世（ゆ）ぬ慣（な）れや日読（ふぃゆ）み迄（までぃ）変（か）わてぃ十四日越（ぐ）しにする癖（くし）になやい筆：比嘉清【語句、訳】十四進法　大抵は、数を数えるのは１０進法なのですが、コンピューターの場合は、２進法（１と０だけの繰り返し）とか１６進法とかでなっているみたいです。　宇宙の運行法則にもなる暦の場合は、月は大体３０進法、年は月の１２進法です。　また、日は６進法にユダヤ教等の「安息日」を足して７日進法？になっています。　ですが、コロナ時代になったら、新コロナウイルスが人に感染してからの潜伏期間である１４日を基準に計算する癖が付いてしまっています。　人に逢ってから、14日の経たないと、お互いに、安心できません。　ほんとうに、コロナ時代というのは、奇妙なものです。人に逢うのも、気がかりだし。琉歌コロナ時代というのは日数を数え方まで変わり十四日単位でする習慣になってしまい筆：比嘉清

  2020年08月15日

  コメント(0)

• 六月御祭んくんでぃたん

  六月御祭んくんでぃたん　うちなあぬ催（むゆ）し物（むん）や、ただ、神拝（かみうが）んびけえのおらな、揃（すり）とおる兄弟姉妹（ちょうでえ）、親戚（ゑえか）ん達（ちゃあ））とぅ、うちなあぐちさあに、ゆんたく物語（むぬがたい）し楽（たぬ）しむ所（とぅくる）んやいびいん。　やいびいしが、先（さち）ぬ清明祭（しいみい）んあんやいびいたしが、また、昨日（ちぬう）ぬ六月御祭（るくぐゎちうまちい）ん、コロナ（クルナ）障（さわ）い故（ゆい）に、けえくんでぃやびたん。　また、きっさ、話（はなし）ぬ来（ち）ょおいびいしが、シチグヮチ（旧盆）ん、今度（くんど）お、巡（みぐ）てえ来（く）うなんでぃぬ事（くとぅ）やいびいん。　んちゃ、確（たし）かにうちなあぬコロナあ、どぅくだら飛（とぅ）び強（ぢゅう）さぬ、人数（ちゅかじ）に比（くな）びてぃぬ罹（かか）とおる人数（にんずう）や、日本一（にふんいち）やんでぃぬ事。　あんやれえ、なあ、如何（ちゃあ）んないびらん。　うぬコロナんでぃせえ、うちなあぐちぬ言（い）ちゃい外（は）んちゃい迄（までぃ）ん滅（ふる）ぶす積合（ちむええ）がやいびいらあ。あんどぅんやれえ、兄弟姉妹、親戚ぬ達んかい電話（でぃんわ）しい喰（くゎ）やあに、電話うちなあぐち、自一人（どぅうちゅい）物言（むに）いうちななぐちん頑丈（がんじゅう）らさんでえないびらんやあさい。　人間（にんじ）ぬんまた、上勝（うゑいまさ）いさびいさ。追記（たしがち）＝琉歌人（ちゅ）や止（とぅ）みらりてぃん口（くち）ぬゆんたくぬ止みらりるとぅ思（む）な新（みい）コロナ達（た）筆：比嘉清【語句】六月ウマチーも中止になった（六月ウマチーは基本は農事祭ですが、殆どは祖先にゆかりのある地を参拝する祭になっています）　沖縄の行事は、ただ神事だけでなく、参加する兄弟姉妹、親戚らと、沖縄語でおしゃべりして楽しむ場でもあります。　ですが、先に清明祭祭もそうでしたが、昨日の六月御祭もコロナ禍で、中止になってしまいました。　また、既に連絡がきているのですが、旧盆についても、今年は親戚めぐりをしないで欲しいと言われています。　確に沖縄のコロナ感染の現状は、あまりにも拡大し過ぎて、人口比では感染者は、日本一であるとの事。　そういうことなら、これは（諸行事が中止なるのも）仕方がないです。　このコロナというものは、沖縄語会話迄も滅ぼすつもなのでしょうか。だったら、兄弟姉妹、親戚の人たちに電話をしまくって、電話沖縄語、独り言沖縄語を打ち立てていかねばならなのでしょうかね。　人間だって、進化します。追記：琉歌人を止められても口のするおしゃべりが止められると思うな新コロナどもよ筆：比嘉清

  2020年08月05日

  コメント(0)

• 

  スーサー雛ぬ巣立ちぬ記録

  スーサー雛ぬ巣立ちぬ記録琉歌真夏（まなち）ぬ若昼（わかふぃるま）　　　＝真夏の昼前に飛（とぅ）び立（た）ちゃるスサ小（ぐゎ）　＝巣立ったヒヨドリ雛葉陰（ふぁかぎ）に残（ぬく）たる　　　　　＝葉陰に残された巣（しい）ぬ寂（さび）さ　　　　　　　　　＝巣の寂しさよ筆：比嘉清巣立ち前ぬ歌叫び？（巣立ち前の雄叫び？）飛び立ちゅる前ぬ羽ばたばたあ（飛び立つ前のバタつき）残ぬ３羽目とぅ4羽目、あぎいまあしが来ゃる親鳥（残りの3羽目と4羽目を急かしに来た親鳥）3羽目ぬ飛び立ちゅるうぬばす（3羽目が飛び立つ瞬間=左側）飛だしが隣ぬ木んかい縋たる4羽目（飛べず隣の木にしがみ付いた4羽目）またん飛びゆさな門口んかい屈どおる4羽目（二度目の飛びに挑戦したがやはり飛べず門扉でうずくまる4羽目）。くぬ後、無事飛でぃ行じゃん（このあと、無事に飛んで行った）。葉陰に残たる巣（葉陰に残った巣）

  2020年07月22日

  コメント(1)

• 

  スーサー飛び立ちゃん

  スーサー飛び立ちゃん　７月２０日ぬ雛　上７月２１日（今日）ぬ雛　下親鳥とぅまじゅん　下　5日前（ぐにちめえ）んじどぅ、巣（しい）ぬあし、分（わ）かたるむんぬ、今日（ちゅう）になてぃ、してみてぃから雛（ぴいやあ）ぬ羽（はに）、拡（ふぃる）ぎやあ拡ぎやあし、むさげえとおいびいたん。　うぬばす、3羽ん思（うむ）とおたる雛や４羽居る事（くとぅ）ぬ分かやびたん。　うぬ早（ふぇえ）く、飛（とぅ）でぃ、走（は）いんでえ、思寄（うみゆ）ゆやびらんたくとぅ、ただ、「あっさ、ちゅうちゃん、けえ程上（ふどぅゐい）とおるむん」んでぃどぅ思（うむ）とおびいびいたる。　親鳥（をぅやどぅい）ぬ、幾（いく）けぬん来（ち）ゅうしが、虫（むし）え銜（くう）てえ居（をぅ）らんくとぅ、「ふぃるましむん」んでぃ思（うむ）とおいびいたん。　午前9時半頃（ぐる）からあ、雛やゆくん、羽拡ぎてぃむさげえとおいびいたん。　ゆうさんでえ、飛でぃ走いんちえあらにんでぃ、思てぃ、仕事（しくち）ん、うっちゃん投（な）ぎてぃ、ちゃあ観（ん）じいそおいびいたん。　とお、１０時５分、初（はじ）みぬ1羽ぬ飛でぃ行（い）ちゃびたん。あんしから、5分びけえ後（あとぅ）、2羽目ん飛でぃ行ちゃびたん。　3羽目とぅ4羽目や、１０分びけえ、「ちゃあすがやあ」さあに、とぅぬうまぬそおる風儀（ふうじ）やびいたしが、再（また）ん来ゃる親鳥なかい、あぎまあさってぃ、3羽目ん、また4羽目ん飛びやびたん。　やびいしが、4羽目や、一番弟小（いちばんうっとぅぐゎあ）がやらあ、飛びいかんてぃいし、直（し）ぐに、傍（すば）ぬ黒木（くるち）ぬ枝（ゆだ）んかい停（とぅ）まてぃ、迷（まゆ）とおる風儀やびいたん。一（ちゅ）てえ小（ぐゎあ）しから、またん、飛だしが、遠（とぅう）く迄（まで）え、飛びゆうさな、門口（じょうぐち）ぬ下（しちゃ）んじ、屈（かが）でぃ休（ゆく）やい、根気（くんち）補（うじ）なとおる風儀やいびいたん。１０分びけえや休どおいびいたる筈（はじ）、息張（んちゃいぱ）強（づう）さがあたら、白糞（しるくす）まてぃ、飛でぃ去（は）やびたん。　くりし、我（わん）にん、諸肝（むるちむ）、うみなあくなやびたん。琉歌何（ぬ）がしスーシ小達（ぐゎた）急（いす）じ飛（とぅ）び立（た）ちゅる縁（いん）とぅ思（み）ば再（また）ん巡（みぐ）てぃ来（く）りゆ筆：比嘉清　【語句、訳】　5日前に巣がることを知ったばかりなのに、今日になって、朝早くからヒヨドリも雛が羽をばたつかせて、騒いでいる様子でした。　そのとき初めて、3羽と思っていた雛が実は４羽いる事に気付きました。　こんなに早く、巣立つとは思いもよりませんので、ただ「ああ、急に成長したもんだ」としか思いませんでした。　親鳥も何回も行ったり来たりしていましたが、エサは銜えてなかったので、「何か変だ」と思ってはいました。　午前9時半頃からは、雛はもっと、羽を拡げて、騒いでいました。　ひょっとしたら、巣立ちではないかと思い、仕事もそっちのけで、ずっと観察を続けていました。　さあ、１０時５分、最初の1羽が飛び立ちました。そして、5分ほど後、2羽目も飛んで行きました。　3羽目と4羽目は、１０分ほど「どうしようか」と迷っている様子でしたが、再びやってきた親鳥に急かされるように、3羽目もそして4羽目も飛びたちました。　ですが、4羽目は、末っ子だったのか、飛ぶのが下手で、直ぐに、傍の黒木の枝んかい停まり、まだ迷っている様子でした。暫くしてから、再び舞い上がろうとしましたが、遠くには飛べず、門扉の下に下りてうずくまり、力が付くのを待っている様子でした。１０分ばかり休んだでしょうか、力の入れ過ぎで白い糞をした後、飛び去りました。　これで私もすっかり、安心しました。琉歌何故にヒヨドリ雛たちよ急いで飛び立つのかこれも縁と思うならまた訪ねていらっしゃい筆：比嘉清

  2020年07月21日

  コメント(1)

• 

  庭木んかいスーサー雛

  庭木んんかいスーサーぬ雛（ぴいやあ）　玄関（じんくゎん）ぬ側（すば）んかいある人丈（ちゅたき）ぐれえぬ南天ぬ末（すら）まんぐらんかい山鳥（やまどぅい）ぬ巣（しい）ぬあし、見当（みや）ていやびたん。主（ぬうし）えスーサー（スーシ）やいびいたん。　みったい、何時（いち）ぬ間（みい）が作やびたら。　伸（ぬ）ばがてぃ、中（なか）、見（ん）ちゃれえ、雛（ぴいやあ）ぬ３羽居（をぅ）たくとぅ、大（うふ）どぅんもおいさびたん。してぃみてぃえ、寝（に）んでぃ、とぅばとおいびいたしが、夕（ゆ）さんでぃ、なあ一回（ちゅけん）、見ちゃれえ、親（をぅや）ぬ来（ち）ゃんでぃが思（うむ）たらあ、大口（うふぐち）、があ開（ぶら）ち、鳴（な）ちょおいびいたん。　うぬ飛鳥（とぅびとぅい）ん、飛鳥やいびいさ。巣ん作ゆらあ、人（ちゅ）ぬ繁（し）じく、出（ん）じたい入（い）っちゃいする所（とぅくる）んかいあらんようい、人ぬ見（ん）だん所んかい作れえ済（し）むるむんぬ。　くったあ雛小達（ぴいたあぐゎあたあ）が、巣立ち、行（い）ちゅる迄（まで）え、高足（たびしゃ）遣（ぢけ）えさんでえないびらなとおん。家（やあ）んかいぬ出じたい入っちゃいん、二番座（にばんざあ）ぬベランダぬ戸（はしる）からどぅそおいびいる。琉歌泣（な）くなスーシ雛（ぴや）我（わん）や親（うや）あらん思愛（うみがな）さあてぃどぅ見（ん）ち見ちゃる筆：比嘉清【語句、訳】　玄関の側にある人間の背丈ほどの南天の梢付近に野鳥の巣があるのを発見しました。巣の主はヒヨドリでした。　いったい、何時の間に作ったのでしょうか。　中を覗きこんでみると、雛が三羽いたので、びっくり仰天です。朝は寝ていて静かでしたが、夕方、再度、覗くと、親が来たと思ったのか、大きな口を、いっぱいに開けて、鳴きました。　その野鳥も困ったです。巣も作るなら、人が頻繁に出入する所ではなく、人気のない所に作ればよいものを。　これらの雛たちが巣立ちする迄は、気遣いもしなければならなくなりました。家への出入りも、居間のベランダの掃き出し戸からしている次第です。琉歌泣くなヒヨドリの雛私は親でない可愛いさから覗いただけである筆：比嘉清注：沖縄語ではたんに「とぅい（鳥）」は「鶏」のこと。野鳥は「やまどぅい（山鳥）」または「飛び鳥」といいます。

  2020年07月16日

  コメント(1)

全127件 (127件中 51-100件目)

< 1 2 3 >